أضف سؤال أو موضوع جديد          

برنامج Google maps الرائع واهميته

up 25 down 28
benz lover 379
قبل 3 سنه و 10 شهر



السلام عليكم اخواني اقدم لكم برنامج الملاحة الشهير google maps هذا البرنامج سبحان الله ما اقدر اخطي خطوة من البيت بدونه يخلصني من زحمة مايعلم فيها الا الله تختار المكان بمربع البحث يعطيك خيارات اذا طلع المكان الصحيح تضغط عليه وتجيك تحت صورة سيارة والمسافة اضغط على السيارة يجيك اكثر من خيار للطرق ان وجد مع المدة وحالة الطريق ولو في حادث يبان معاك عشان تسلك الخدمة وتتعداه 
 الالوان : 

الاخضر تعني طريق سالك 

الاصفر سالك ولكن ببطئ 

الاحمر ازدحام شديد

الاحمر الغامق معناها الطريق واقف كليا ازدحام شديد جدا وتقدر تعرف قبل ماتوصلهم من الخريطة نفسها تقدمها باللمس يبان وش جاييك قدام وتهرب مع مخرج او تغير مسارك وفيه ميزة رائعة يعطيك الطرق الاسرع او الابطأ مثلا كنت بالدائري وواقف الطريق اذا الخدمة اسرع يجيك خط رصاصي مكتوب فيه faster 1min المعنى اسرع بدقيقة اذا طلعت كلمة slower 1 min المعنى انه ابطأ بدقيقة بالمسار اللي انت ماشي فيه

وتقدر اذا احد ارسلك موقع عبر الوتس اب تفتح البرنامج ويوصفلك ويعطيك بكل دقة متى بتوصل باذن الله تعالى واي استفسار انا حاضر 

بالنسبة للتحميل سهل اذا اي فون جوالك من apple store واذا سامسونج google play 

وحياكم جميعا 













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


من أفضل البرامج في الخرائط 


up 1 down 0
ابوابراهيم1992 35
قبل 3 سنه و 10 شهر



يشرفني اكون اول من يرد عليك فعلا برنامج ممتاز جدا وانا من الناس الي م اقدر استغنى عنه 
وفيه ميزة بعد يمكن م تعرفها هو اذا م عندك نت برا البيت تقدر تشبك ف البيت وتحط المكان اللي تبيه مجرد م يشبك بس 
تقدر تطلع برا البيت وبيكون شغال معك بدون نت 
ي رب وصلت لك الفكرة 


up 8 down 10
mo.sabry 47
قبل 3 سنه و 10 شهر



البرنامج جميل لكن بالنسبه لي في المدينة اماكن كثيره ماحصلها في البرنامج ياليت اخوي اذا تعرف طريقه اضيف فيها المواقع
بحيث اضيفها ع السيرفر ويستفيد الناس كلهم مو بس احفظ الاحداثيات لي انا


up 2 down 2
جاسم 12 -251
قبل 3 سنه و 10 شهر



بس هو مبني على التوقعات يعني ما يجيب التحويلات او اذا في صيانة او لو في حادث والطريق مسكر


up 4 down 5
dawwy 266
قبل 3 سنه و 10 شهر



كيف توقعات ياخوي مربوط بالاقمار الصناعية ومرات واجد انقذني من ازدحامات حتى ماتوقعت طرق تكون فاضية بالذروة وفعلا صحيح التحويلات تتحدث كل فترة


up 2 down 9
benz lover 379
قبل 3 سنه و 10 شهر



البرنامج ممتاز لكن عيبه أنه لازم نت .. عندك خرايط ثانيه تقدم لك معلومات الزحمه و أوفلاين ما تحتاج نت نهائي مثل خرائط نوكيا here و مجاناً 




up 2 down 2
legaacy -316
قبل 3 سنه و 10 شهر



يعني عادي ممكن يدخلك شارع وتلاقي في تحويلة او مسكر واسأل أهل الرياض 


up 0 down 1
dawwy 266
قبل 3 سنه و 10 شهر



dawwy 

البرنامج يتحدث بشكل شبه يومي و كل التحويلات عندنا مغطيها و بدقه و يعطيك الطريق البديل 





up 2 down 1
legaacy -316
قبل 3 سنه و 10 شهر



برنامج جميل لكن اتمنى محد يعرفه
يكفي الهبل اللي بالشارع هذا يقرا ف واتس وهذا يحنحن بالجوال وهذا مع خويه طاقين حنك ومعطل الخط
وهذا مع زوجته يتضارب والحفره من جنب والمصري اللي يقطع الشارع قدامك كنه يقولك اصدمني
والحفره اللي طحت فيها علشان تفتك من الغبي اللي بس يضغط فرامل
وانت يالي طالع تخلص مشوار. ترجع واخلاقك زفت بسبب المواقف اللي تصيرلك
يمين مافي اخطر من السواقه بالسعوديه انا صرت اتنقى واختار الشارع والشخص الي امشي وراه لو اوصل بكره بس مايكون غبي؟؟؟؟ّ!!


up 9 down 4
الجهني-rc -131
قبل 3 سنه و 10 شهر



برنامج ممتاز وفادني كثير في جده والرياض ولا تنسى برنامج اي قو(iGO) موجود في شاشة السيارات الاندرويد .


up 2 down 0
متعب2300 572
قبل 3 سنه و 10 شهر



للي يستخدم بيانات كثير حله تشغل البيانات مع الموقع gps عشان ما يصرف 

اذا مشغل بيانات فقط بيصرف كثير اذا مشغل الموقع مع البيانات بكون اسرع و ما بيصرف شي 

اخر نقطة البرنامج يعتمد على الجوالات وليس الاقمار الصناعية بتحديد الزحمة يعني كل واحد ماشي بالطريق منه البرنامج بيحدد الزحمة بالطريق 


up 0 down 1
super x 173
قبل 3 سنه و 10 شهر



ان استخدمه الصراحة فكني من اني اشتري لي شاشة عشان الملاحة واحطه على القمر الصناعي بالنسبة لي اطلق شكله وحلا واوضح للمكان اللي بي تجيه ويعلمك اذا كان منطقة عمل ولا لا زي قاعة نوارة جمبها حفريات ومطلعلي وبلانسبة لموضوع الزحمة صحيح بس يطلعلي خط ازرق انه الطريق مافيه زحمة هذا الفرق واللي حمل اخر تحديث له بيعرف الكلام ذا


up 1 down 0
ahamd9477 119
قبل 3 سنه و 10 شهر



بصراحة من افضل برامج الملاحة علي الاطلاق 
وجهة نظر مجربة 


up 3 down 0
abo shojon -39
قبل 3 سنه و 10 شهر



جداً رائع .. وحاب أضيف معلومة ــ

إذا المكان ماطلع معاك في قائمة البحث بالجوال .. ادخل هذا الموقع بالإنترنت 

https://www.google.com.sa/maps/ 

وإبحث عن المكان المطلوب وإنسخ المعلومات ولصقها بالجوال ــ مثال ـ 

أنا كنت أبحث عن إدارة النقل بالرياض ماكان يطلع إلا (وزارة النقل) وأنا أبي الإدارة .. 

ويوم بحثت بالموقع ضغط بالماوس على موقعهم عطاني هذه المعلومات 

2350، الصحافة، الرياض 13315 7513

رقم + إسم الحي والمدينة  + رقمين  ... هذه انسخها كاملها وحطها بالجوال وعلى طول يجيب لي مكان النقطة .. 

الطريقة تسهل عليك إذا ماقدرت تجيب مصطلح البحث .. وياما طلعت فروع لتويوتا بهذه الطريقة ..

شكرا ً ياصاحب الموضوع  

والسلام عليكم ورحمة الله وبركـــــــــــــــــــاته 


up 0 down 0
محمد عبدالله عمر 607
قبل 3 سنه و 10 شهر



اهل الرياض حملو تطبيق دليلة الرياض 


up 3 down 0
التاجر البسيط 78
قبل 3 سنه و 10 شهر



تطبيق جميل ويفيد بزحمات الرياض وجده


up 2 down 0
abraheem1434 7
قبل 3 سنه و 7 شهر