الى اين يا مغاسل السيارات ؟

8 3

لايمكنك التصويت حتى الحصول على 20 نقطة على الأقل
إضغط هنا للإخفاء

07sbeshal 1344
قبل 9 سنه و 3 شهر

السلام عليكم ورحمة الله و بركاته ..

اسعد الله مساكم بكل خير ..


مالكم بطويله ،


ي جماعة الخير وش قصة مغاسل السيارات كنا نغسلها بخمسه ريال مع الصومال الي يجونك بدراجه و بعد ما صار فيه محلات كثير

صارو يغسلونها ب 10 للسيارات الصغيره و الوسط 15 و الكبيره 20

اما الان زاد السعر دبل الدبل وصار ب 30 ..!


طبعا ما جاء ببالي انزل الموضوع الا لما قبل امس رحت مغسلت سيارات اغسل عندها دايم و كانو يغسلون سيارتي

طبعا هي كورولا تعتبر صغيره ب 20 و بعد فتره وصل 25 قلنا ما يخالف كل المغاسل صارت بهذاالسعر

و قبل امس رحت عنده يقولي الغسيل ب 30 ..!

سالته ليش يقولي بسبب اننا صرنا نستخدم مواد خاصه بغسيل السيارات مو مثل قبل بفيري ..؟!


طبعا انا سفلته ومشيت وخليته ورفضت اغسلها بهذا السعر

وغسلتها عند بيتنا ببلاش و ارتحت ووفرت فلوسي

انا ابعرف اذا السيارات الصغار وصلت 30 للغسيل بكم اجل الجيوب و السيارات الكبيره ...........؟؟؟؟؟؟؟!!!



وكيف يمكن ان نشتكي على مغسله معينه بسبب ارتفاع اسعارها لاي مصدر نذهب ..؟


اتمنى التفاعل مع الموضوع وتعطونا مقترحاتكم ..



الى اللقاء .

إبلاغ

الردود