مضايقة الجار بالبعارين

مدامه شايب وجار اعزمه على فنجال قهوه وكلمه بالمعروف صدقني غير ينقل الابل لمكان ثاني

اشتكيه اذا الاذيه ظاهره

وغير متجاوب

يا رجال والله مانفع معه شيء اصابع يدك ماهي سوا 

بالمناسبه عندي استراحه وجاري مربي طيور والطيور اغث الحيوانات بالروايح سويت نفس الطريقه الي قلت لك واستحى الرجال
ونقل 

من الاول بالموقع انت ولا هوؤ ... لانه هو صدقني الشايب ما يروح الا بالحكومه راسه ناشف ههههههههههههههههههههه

غير الامراض الله يكفينا الشر  والكورونا المنتشره 

وش الجهه المسؤوله اللي تفكني منه 

كلمه باحترام لكبر سنه ,كرر عليه , حاول تجيب من جيرانك بالاستراحات الثانيه اللي موذيتهم ريحة الشعير والبرسيم .
اشتكوا للشرطه ويرحل بامر من الامانه

الامانه= امانه منطقة الرياض البلديه

الله يعينك والله الشياب خاصتا الي عندهم حلال تلقاهم متولعين في الحلال
ومستحيل يطلع واذا كبير في السن وتعبان مايبي يبعد حلاله يبيه قدام عينه ويجية من قريب
العلف حلة بسيط اذا الشبك ماعلية شراع 
كلمه يغطية من جميع الجهات عشان مايتطاير
اما الجهة المسئولة فهي البلدية 
وفية حل اذا الارض الي حاط فيها الحلال كبيرة 
كلمه يحط الحلال في اخر الارض يبعدة اشوي والله يعينك

إتصل على الأمانه رقمهم ٩٤٠ و سو شكوى بالتلفون.

حتى لو كان كبير في السن 

مو من حقه لانها اذية للمسلم وليست منطقة ابل 

هههههه الله يعينك عليه

كلمه الجار يصبر على الجار مب كل ماصار مشكله علا طول تبلغ

يارجل دامه فريب منك فل والديها معه طق معه صحبه واشرب من حليب الخلفات عطايا الله وامدح  بالبل حقته كل شوي اخر شي يتطير منك وينقل معروفين اهل الحلال دايم مطياره هههههههههههه  وشفت كيف نقل من عندك باسلوب اجرامي 

ياطويل العمر انا من رئيي انك تكملة ويقتنع ..

انا مع الرديف وابو راكان  تعال له بالطيب دامه شايب واعزمه تعال له واعزمه على قهوه  السلام عليكم كيف حالك ياعم تعال قهوها معي انا لحالي خلنا نتقهوى وناخذ علومك اكيد بيوافق الشايب دام فيها قهوه قهوه وخله يقدع وقله ياعم ماودك تشربنا من حليب  شماخ
 الذرى  وخش معه وافتح له السالفه وصدقني يستحي من الشايب 

جبلك واحد عيان من اللي عيونهم حارة خله كل يوم يصكله ناقة هههههه امزح

زي ماقالو الاخوان لاتنسى حق الجيرة وكلمه باللتي هي احسن وان مافاااد معه مره وعجزت فآخر علاج الكوي أشتك عليه الأمانة وريح مخك

للمعلوميه يا شباب الرجال كل ما كلمته سفهني و الجيران كلموه قبلي ولا عبر احد وهو بالاساس ماهو ساكن يجي اخر العصر عندها والارض اللي هو فيها ملك للحكومه ما هي من حلاله والرجال مغنيه الله وراص هالتريلات و توه شاري له كرفان متنقل راعي طويله الرجال و بلشنا به و العام الماضي بعارينه كلت جزء من التمر اللي ملك لي برى الاستراحه بالرصيف والشوارع الله يكرمكم كلها دمل  

تعش كل ليلة على بعير وشرط مايجي اخر الشهر الا الشبك فاضي ولاتنسى تعزمنا