مشكله في بعض الي يعلنون عن السيارات في حراج اتمنا تحل

شعب يجهل ثقافة البيع والشراء عن طريق النت

المفروض مثل مواقع البيع العالمية مايسمح للبائع يكتب بكيفه تكون فيه حقول مثلا موديل السيارة ممشاها سعرها حالة البودي حالة العضلات والقير والمكينة يعني مايكتب مواصفات وينسى مواصفات ويكون فيه مقاييس يعني بعضهم يصور تحسه يعرض مهارته في التصوير مو يورينا سلعته يحط عزل وماكرو ومدري ايش طيب انا ابي اشوف السيارة مابي اعرف نوع كامرتك
التصوير الصحيح انك تصور الجوانب الاربع والسيارة من الاسفل وصورة داخليه للطبلون وصورتين للمقاعد وصورة للشنطه
الامر الاخير بخصوص الرد ذكرته طبعا وهو حد قيمة معينه ومعقولة للاسف مشرفين حراج سلاتيح يعني تاركين العالم مخفات يبيعون مثلا فورد حقه 2 بـ30 ويبيعون سيارات حقها 30 بـ40 و 50
وماعندك احد لكن اكتب رد وسوم بالمعقول يجيك ابلاغ بخس وتنحظر من ثاني يوم واقعد لين ينفك عنك الحظر
ليه مافيه ابلاغ مبالغه بالسعر؟

المشكلة يقول السوم يبدا من عشرين الف مثلا وسيارته ماتسوى 15

انا برايي اللي مايحط رقمه هذا يبي يعرف كم تسوى ماهو بياع على الاقل رد على الخاص واعط رقمك اما تسحب على الناس وتطلب مبلغ عالي ؟!

كثير من المعلنين يحط سومة عالية من اول ماينزل الاعلان وبعضهم بعد رد او ردين يقول سيمت ب كذا ومطلع السعر في السما.
واي شخص يسوم بدون وضع رقم جواله المفروض يتجاهلها البايع والاشخاص مايزودون على اي سومة الي بدون جوال وتكون المزايدة على اخر سومة فيها جوال فقط.
الزبدة ان الاسعار مبالغ فيها في كثير من الاعلانات بعضها توصل لسعر السيارة اصفار او سعر الوكالة.

المفروض اي معلن يقول سيمت بالخاص بكذا .. يحذف اعلانه مباشره 
صارت لعب سيمت بالخاص بكذا وهو نصاب لاسيمت ولاشي ..
والا الي يقول .. السوم وصل كذا .. طيب مين الي سام محد يدري هههه
ابوكم شريطية وابو من جمعكم انتم والادارة الفاشله الي ماهمها الا 
عمولة ادفع عمولة هات العمولة جب العمولة ..
المشكلة اذا فضحت البائع النصاب سوى لك حظر وحذف ردك ..
وهذا يخليه يكمل ضحك ع الناس .. 
ولو الادارة حريصة ع المشتري كان حذفت هالخاصية

وشو رايك بالحمار الي يكتب تم بيع السياره 

وتلقاه يحدث الاعلان له شهر مدري وش يبي بالضبط

انا راعين السومات الخارجيه فلاتصدقونهم
كل من جا قال سيارتي سيمت برا وهي لا سيمت ولا شي بس يبي يبيع بابسعر الي يبيه

هلا شاقح بخصوص السومات الخارجيه يمكن الرجال صادق ولاكن مايهم السومات الخارجيه والخاصه واللي على الجوال مايلتفت له الا الغشيم وياكلها او اللي يعرف سعر الموتر وما عنده مشكله يفرق السوم ام انا علي من السوم الي في الموقع وافرق عليه 

الي يسوي كذا ما يبغى يبيع بس يبغى يشوف كم جابت السيارة 

فعلا . السومات الخفية الي يقول صاحب الاعلان المفروض ماحد يعتمدها واذا عنده مصداقية يطلب من الي سامها ينزلها على الاعلان ويقول له والا بتجاهل سومتك

في الامارات أكبر موقع للإعلان عن بيع السيارات اسمه دوبيزل

الحين صار رسوم الاعلان 200 درهم

النتيجة أن مافي اي أحد يعلن على الفاضي أو ينزل إعلان عشان يتسلى

خالد البلوشي لو الاعلان بخمسين ريال مو 200 كان نقص عدد البائعين في حراج اكثر من 60 بالمية وهذا مايبونه مشرفين حراج بحكم انه راح يفقدهم شي كثير
:)

شاقح : ترا انت تشاركني نفس الشخص اللي في ببالي ههههه ودي هالبني آدم احذف عضويته اللي مزعجنا فيها 

بنز لوفر
اعتقد انت عرفت انا من اقصد 
المشكله الادارة عارفين ومطنشين بس تاركينه فحال سبيله
لانه ييخل لهم مكاسب قويه
فمدري وش الهدف يحدث اعلانه. وهو بايع الموتر
وابي اعرف من ذا الدجمه الي يشتري جيب 2006 فحدود ال 200 الف


الغريب اللايكات الي جاته ياكثرها
رغم ان محد يقدر يحط لايك للبائع الا لمن يصير له فتره فالموقع ويكون عنده نسبة مبيعات وشروط صعبه
فاعتقد اللايكات مبالغ فيها

االلي يعلن ومايكتب تفاصيل الاعلان وعت حاله السياره ف اعرف ان السياره فيها عيوب ولكن مايبي يقول هالشي قدام الناس

فيبي التاس تسوم ع عماها.  ويقولك هااااه الناس ساموها بمبلغ ٦٠.  فالسوم وصل ٦٠ 

المشكلة يقولك بعضهم سيمت بـ 78 وحدي 80

والله انا حراج غسلت يدي ان اشتري منه اسعار خياليه وقلت مصداقيه
وناس يزاودون على سلعهم 

في ناس مكتوب راعي الاعلان ماعنده حد والسيارة تحت السوم ويذكر جميع الاشياء مع ذلك يجيك واحد يسال اسئلة موجودة اجابتها في الاعلان طيب يا اخي قب . ماتسال اقرأ كل شيء بعدين رد اما اسئلة الغبية مالها داعي