أضف سؤال أو موضوع جديد          

سويت حادث وش السواة

up 25 down 1
mohammed-m-alharbi 73
قبل 5 سنه و 10 شهر



السلام عليكم ورحمة الله وبركاتة

اخواني الكرام - ان شاء الله ربي يجعلكم جميعا بخير وصحة وعافية

اخوكم محمد من جدة عمري 23 سنة يمني مقيم ..

ــــــــــــــــــــــــــــــــــــــــــــــــــــــــــــــ

قدر الله وماشاء فعل

يوم الخميس الساعه 4 ونصف عصرا , صار لي حادث مروري عند دوار الدراجة في شارع الستين باتجاة الجنوب امام فندق الازهر , كانت في زحمة سير وانا ماسك خط السير الصحيح في الجهى اليمنى , ومع الزحمة دقني راعي وايت تحلية مياة من الخلف في الجهى اليسرى دقة بسيطة , وتوقفت وقوف تام وايضا راعي الوايت توقف وقوم تام , وطبيعي لما توفقنا فتحت باب سيارتي على اساس انزل اشوف الصدمة من الخلف , واول مافتحت الباب حقي عشان انزل الا والرجال راعي الوايت حرك سيارتة وسحب علي باب السيارة وسحب الجنب كامل والجنب الكامل كلة انعدم ماوقف سحبتة لي الا جمس واقف عند فندق الازهر دخلني فية , وبعدها وقف سيارتة ونزل ويقول انا مانتبهت لك وانا ماشفتك وانت كيف طلعتلي , علما باني ماسك الخط الايمن بشكل صحيح وهوا كان في الخط الوسط مائل على الخط اليمين , سالوة الناس هل عندك تامين قال نعم وسالوني هل عندك تامين قلت نعم علما تاميني ضد الغير ,

وانتظرنا نجم من الساعه 4 ونصف الى الساعه 9 العشاء واتى نجم وشاف الحادث واخذ مننا الاطراف الثلاثة . ( الرخصة - التامين )

فجاة نجم يقول لنا انو راعي الوايت تامينة مضروب وصور الحادث وقدرة وطلعة نسبه التقدير 100 في 100 الخطا على راعي الوايت , قال لنا نجم الحين دام انة الطرف الثالث ماعندة تامين لازم احولكم على المرور , قلنا لنجم طيب اي مرور نذهب قال اقرب مرور لكم عند الجواد الابيض قلنا اوكي , وذهبنا نحنا الاطراف الثلاثة جميعنا الى المرور اللي في الجواد الابيض .. واول ما دخلنا عند العسكري كان عندة زحمة ناس .. وشرحنا لة موضوعنا واتفاجانا بسوالة وردة فعلة .. السلام عليكم وعليكم السلام نحنا سوينا حادث والخ ..... قال كنتو باتجاة الشمال ولا الجنوب قلت لة الجنوب .. قال روحو لمرور الشرفية شارع التوبة ..

راعي الجمس قال لي يا محمد انا سيارتي ماصار لها شي ومابي منك شي وانا مسافر اليوم روح انت والرجال وكملو اموركم والله يعينك قلت له تسلم والله معاك

رحت انا والرجال راعي الوايت لمرور الشرفية وكانت الساعه 10 وربع تقريبا وكان في عسكري وشرحت لة الوضع قال لي اعطوني التقدير واعطيناة وطلب رخصة راعي الوايت .. قلت لة وش العلم الحين يالغالي اعطاني تامين الوايت وقال روح اطلع عند الحاسب الالي وتاكد من تامينة قلت لة ابشر واخذت التامين وطلعت عند الحاسب الالي وقلت لة شيك على هذا التامين .. شيك علية وطلع مضروب .. ونزلت عند العسكري قلت لة العسكري حق الحاسب الالي قال لي انو تامينة مضروب .. قال لي خلاص راجعوني صباح الاحد الساعه 10 ونصف قلت لة طيب والرجال بتتركة .. قال لي وش رايك اخذة واحطة بفرن بيتي .. قلت لة يالغالي نسبة الخطا 100 في ال100 على الرجال وهذي الورقة قدامك حق تقدير نجم وشلون بتتركة تخيل الرجال راح وماعاد جاء .. قال اقول هذي ورقة تقدير ورش المرور المعتمدة روح قدر وتعال صباح الاحد و رخصة الرجال عندي ويوم الاحد الصباح تجوني انت وهو .. قلت لة ابشر

ورحت لشيخ الورش وقدرت السيارة طلع سمكرة السيارة مع الرش 2200 ريال ورحت الوكالة قدرت القطع طلعت 4909 ريال المجموع كامل = 7109 ريال

ويوم الاحد الساعه 10 ونصف الصباح تواجدنا انا وياة في القسم ورحنا عند نفس العسكري اللي استلم اوراقنا ومعايا ورق التقدير من شيخ الورش والوكالة .. قال انتظروني وانتظرنا تقريبا نص ساعه .. ودخلنا عند الرائد شرحت لة الموضوع وفهمتة وسواق الوايت شرح لة الموضوع وفهمة .. وراعي سواق الوايت معترض يقول انة انا مادري من وين طلعت لة وانة ماشافني وانة هوا كان ماشي في السليم وانا اللي اخطيت .. قال لي الرائد انزل عند مكتب الاتصالات الادارية وقلهم ابي خطاب موجة لنجم يعطوني صور الحادث وخذ الخطاب الحين وروح لنجم وخذ منهم صور الحادث وتعال قلت لة طيب .. واخذت الخطاب ورحت لنجم واخذت الصور وجيتة طلع الرائد مو موجود .. سالت العسكري وين الرائد قال لي خلاص سلم قلت لة متى بيجي قال عندة اجازة بيجي بعد 14 يوم قلت لة وش السواة الحين .. قال اصبر بدخلكم عند العقيد مدير المركز وانتظرنا نصف ساعه

ودخلنا عند العقيد ولما دخلنا فهمت العقيد الوضع من والى واعطيتة الصور واتفاجات انة العقيد يقولي الصور مو مبينة والرجال راعي الوايت معترض على نسبة الحادث خلاص نحولكم على المحكمة .. قلت لة ياطويل العمر نجم مقدر علية نسبة الخطا 100 في ال 100 ونجم جهة معتمدة من قبلكم والرجال ماعنده تامين وغلطان شلون بتحولنا محكمة قال هذا اللي عندي قلت لة خلاص محكمة محكمة ماضاع حق وراة مطالب .. قال ياعسكري خل كل واحد فيهم يجيب كفالة موسسة او عمدة وبكرة حولهم ع المحكمة

كل واحد فينا راح في حال سبيلة وفي وقت المغرب رحت للعمدة وطلبت منة كفالة وقال لي ابشر انا الحين مشغول لكن مر علي قسم الشرطة الساعه 10 الصباح بكرة وبتكون كفالتك جاهزة بس مر علي وخذها قلت له طيب

وصباح الاثنين الساعه 10 اتصل بالعمدة وللاسف مايرد عليا وتوجهت للعسكري مرور الشرفية قلت لة وضعي كذا وكذا وان العمدة وعدني الساعه 10 والحين اتصل علية مايرد عليا قال مو مشكلة تعال بكرة الساعه 10 الصباح وجاء وقت المغرب واتصل بي العمدة واعتذر انة كان نايم ومريت على مكتبة واستلمت ورقة الكفالة

واليوم الصباح الساعه 10 توجهت للمرور الشرفية عشان اسلم العسكري ورقة الكفالة وتفاجات عند دخولي للعسكري حصلت راعي الوايت عندة وسلمة الرخصة حقة .. قلت لة يالغالي ليش تسلمة الرخصة ونحنا ماخلصنا امورنا قال لي الرجال جاب كفالتة ولو في اي شي بنستدعية عن طريق كفالتة واستلم الرجال رخصتة وهو مبسوط ومسك الباب

قلت لة طيب وش الوضع الحين قال لي اعطيني كفالتك واعطيتة وقال لي روح صور استمارة السيارة وصور رخصتك ورحت صورت اللي يبي واعطيتة .. قلت لة وش باقي .. اخذ مني الكفالة والصور وقال لي الحين روح المحكمة الجزائية وقلهم صحيفة دعوة .. قلت له بس اقلهم صحيفة دعوة قال لي ايوة وهم عارفين الوضع قلت له ابشر بس الله لايهينك ابي كافة الاوراق اللي عندك بس اصورها الحين وارجعها لك واعطاني الاوراق .. وصورت تقدير نجم وصور الحادث واعطيتة الاوراق ..

ورحت للمحكمة الجزائية في طريق الملك مقابل الردسي مول ودخلت عندهم وشرحت لهم وضعي وقالو نعتذر هذي مو عندنا هذي في محكمة التنفيذ الدور الدور الثالث
واتحرك لطريق المدينة تقاطع قريش وادخل محكمة التنفيذ واطلع الدور الثالث شرحت لهم الموضوع وقالو لي

تدخل موقع وزارة العدل وتعبي صحيفة دعوة وتجيبها لهذا المكتب ومشيت من عندهم

والحين انا في البيت ودخلت موقع وزارة العدل ولا عرفت اسوي اي شي
يا اخوان دخيل الله عليكم اللي يقدر يفيديني باي شي لايبخل ينصحني ايش اسوي وايش افعل بالتفصيل الممل تعبت والله وانا بسيارتي في عز الشمس والباب مكسور والجنب الايمن معدوم والناس تطالع فيني والجو حر هل من مجيب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المفروض مايفكونه الطرف الثاني ابو تأمين منتهي  لين يعطيك حقك خليه ياكل هواء هو وكفيله..شوف راح تتلطع شويتين وهذي عوايد الدوائر الحكوميه ولازم الفلم الهندي حقهم ..يقولولك روح الجهه الفلانيه وتروح تقلهم موضوعي عندكم يقولولك لا موعندنا عند فلان وزعطان 


up 1 down 0
da7my1413 106
قبل 5 سنه و 10 شهر



أسأل الله ان يفرج ويسهل العقبات عليك



up 0 down 0
mohammed-66 111
قبل 5 سنه و 10 شهر