محتار هل اغير الزيت ام ابقاء عليه

مشيت عليه 70 الف ولاتدري كم تحط علبه مع السيفون !!!!

خلك على نفس الزيت خلاص خليته ثقيل ليه تغير خله ثقيل كذا مشت واجد الخفيف زين للموتر الجديد 

اول شي نظام مكينة النترا مختلف عن البرادو 

الالنترا تتحمل الزيوت الخفيفه

ثاني شي السيارة قديمه ويفضل لا تغير الزيت لان المكينه تعودت على الزيت الثقيل اذا حطيت خفيف بتصير مشاكل

تقارن النترا ببرادو ؟ معليش شكلك ماتفهم بالسيارات كثير وانا نصيحتي لك تبي تتعلم انشب للبنشري والميكانيكيه والكهربائيين انشب لهم بكل صغيره وكبيره
صدقني فترة وانت
تقدر تحدد اعطال سيارتك بمجرد حدوثها
بالنسبه لموضوعك مكينة النترا شوف كم حجمها وكم سلندر وشوف حجم مكينة البرادو وكم سلندر
ناهيك عن وزن السيارتين وامور كثيره قد تخلي المقارنة مستحيله
ودامك ماتواجه مشاكل بالزيت ذا لاتغيره

جرب بترمين 20-50 علی البرادو و بيقل السواد و صرف البنزين ما له علاقه في الزيت لانك وصلت 250 و صار تصرف يعني مشكلة غير الزيت .

المواتر اللي ماشيه قليل يفرق الزيت الثقيل عن الخفيف في صرفيه البنزين .
و اذا ناوي تغير اللزوجه استخدم 15-40 .


فيه ضرر لو استخدمت 5-30 بس انت و حظك 

لا مافي ضرر انا كنت استخدم ٥٠_٢٠ وبدلت على ٣٠ ٥ الحمد لله ماصار شي  انتبه من الزيت الثقيل تراه يخرب طرمبه الزيت 

مافيه اي ضرر ممكن يواجهك لو غيرت الزيت لاتسمع كلام كل من هب ودب!
اللحين علمني وشلون المكينه تتعود على زيت معين؟ 
20w50 بالنسبه لي كارثة على اي مكينة ولا له اي ميزه وحده! 
واحد يعطيني ميزه ل 20w50 وانا مستعد احطه لكل سياراتي وفاي سيارة مستقبلاً اشتريها!
انا اقولكم 20w50 وش ممشي سوقه
 اول شيء ثقافة المستهلك "صاحب السياره" تكون ضحله جداً في الزيت المناسب لسيارته
ثاني شيء رخص هاللزوجة 20w50 بعض الناس مايهم عنده اللزوجة مناسبه ولا لا اهم شيء راحة جيبه لكن مايدري هالراحه الموقته ممكن تسبب لك مشاكل مستقبلاً :
مثل التكتكه ، خراب طرمبة الزيت " وهذا اللي صاير في اغلب سيارات جمس وشفرولية وفورد" استهلاك الوقود بشكل كبير وغيرها من المشاكل.
ثالث شيء سوء جودته تصنيفه قديم جداً واستغرب انه الحين متواجد في اسواقنا ! 

لكن دام كل شخص مايهمه وقف سيارته عن بنشري وجلس البنشري يتفلسف على راسه ذا احسن وذا ماينفع وذا الماني وذا سعودي "اقصد صناعة الزيت" 
مثلاً زيت 5w20 لو تسال اي شخص يشتغل ف البناشر يقولك خفيف وماينفع ويجلس يفتي على راسك ووو الخ ! طيب يعني انت يابنشري اعلم من الشركة اللي صنعت المحرك!! 

عموماً اللي بوصله انكم لاتهملون مواتركم للبنشريه اقسم بالله انه همه الاكبر "جيبك" ولا فكر فيك ولا فسيارتك الا من رحم الله 
اكثر اصحاب الفوردات تخرب عليهم صوف المكينه ليش؟ لان البنشري يحط له ٦ لتر وهو المفروض 5.7 لتر هال 300 مل تاثيرها يبان مع مرور الوقت.

عموماً اسف على الاطاله لكن حبيت اوضح بعض الاشياء البسيطه.

اذا صرفية البنزين زادت عندك اولا شيك على حساس الشكمان ؟ بتحصله خربان وسبق وغيرته بسيارتي وهي ماتعدت 80 الف