أضف سؤال أو موضوع جديد          

افضل شركة تقسيط

up 1 down 0
ولد الرياض 2010 753
قبل 8 سنه و 8 شهر



السلام عليكم ورحمة الله وبركاته اخواني الأعزاء في هذا المنتدى الجميل احببت ان اطرح هذا الموضوع الذي لم ارى احدا ناقشة ابدا. وهو أفضل شركة تستطيع شراء سيارة بالتقسيط من خلالها مثل ماتعرفون اخواني تقسيط السيارات يرفع من سعر السياره الشيئ الكثيييييييييير حبيت اسئلكم ونتناقش بيننا عن افضل طريقه يعني شركة تقسيط (بشرط ان تكون طريقة مجازة شرعا لانريد التحدث بالطرق المشبوهه)
والسيارة اللي ابي اطلعها كابرس 2012 ان شاء الله لاني كنت ناوي اخذ مستعمل بس الناس مانصحوني بالمستعمل,,,
لذلك راح احط دفعه مقدمة حول 60 الف.....ف وش رايكم....؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحه من الشركات ابعد نسبتهم من 7 وفوق بينما البنوك نسبتها اذا زادت مره 4 واكثر البنوك نسبتها 2 %  وعندك موقع تمويل يفيدك بنسب البنوك وترا 60 الف حرام تدفعها دفعها تعرف ليه ممكن انت تقول بقلل القصد نضام الشركات كل 5 الاف تنزل 100 ريال من القصد يعني مثلا دفعه 15 الف والقصد 1300 دفعت لهم 20 الف القصد يصير1200 فحرام تدفع 60 الف دفعه وحده البنوك مادري كم يخصمون 
ليه ماتشوف التورس افضل وخاصه الدفع الراباعي 


up 1 down 0
princ 18875
قبل 8 سنه و 8 شهر



بسم الله الرحمن الحرحيم
ما دام عندك 60 حذ مستعمل تراها سياره انا اقول لك من باب النصيحه لانك لو استحدمتتها 5 سنوات وانت شاري مستخدم نضيف تبيع بنفس القيمه او اقل بما يقارب 5 الاف او بمكسبو وجهة ن


up 4 down 1
هارون 422
قبل 8 سنه و 8 شهر



الجديد ما في مثله.. بس 60 اللف تحصل النظيف واترك الديون عنك احسن


up 2 down 0
zezw 874
قبل 8 سنه و 8 شهر



شركة اليسر .
بس انصحك بالكاش اذا حصلت شي نظيف بالـ60 الف 
ولايهمك المشي ولا يغرك اذا كانت ماشيه قليل اهم شي تكون نظيييييفه 


up 3 down 0
diamond 2 6
قبل 8 سنه و 8 شهر



دام عندك 60 الف ليه ماتاخذ ltz او ls مستعمل نظيييف 2008 2009 

والله مانصحك بالاقساط ماورها الا مشاكل وجع الراس 

من واقع تجربه


up 2 down 0
ss 2007 1799
قبل 8 سنه و 8 شهر



اخوي علي فكره نزل شكل جديد كابرس 2013 وشكله احسن من الحالي بكثير ولو انك تبي تاخذ جديد واقساط انصحك تصبر علي الاقل ماتندم انك ماخذ اقساط وشكل بيكون قديم وطبعا معروف انو البنوك والشركات ماترحم ولا مثل ماقال اخوي 2007ss


up 1 down 0
ابو ركاااااااان 10
قبل 8 سنه و 8 شهر



الله يعطيكم العافية وماقصرتوا....
صراحه انا كنت باخذ مستمل وافك راسي من الاقساط والديون وجع راس لكن اغلب الشعب نصحوني بالجديد,,



up 0 down 0
ولد الرياض 2010 753
قبل 8 سنه و 8 شهر



والكوابرس لفيت المعارض لف مالقيت 8سلندر نظيف اغلب اللي احصله 6سلندر ,,,
واذا لقيت 8سلندر يطلع مكروف ومرشوش وحالته حاله.....لكن الله يعين ان شاء الله


up 0 down 0
ولد الرياض 2010 753
قبل 8 سنه و 8 شهر