اكسنت vs صني

وعليكم السﻻم
الشكل قبيح انا معاك بس 2015تغيرت صارت اجمل بكثير صار الصدام الخلفي
فيه فيبر من تحت والشمعات كبروها ومغطوها شوي وصلوها لرفرف

والداخليه غيروها بالنص فقط الي هي فرارات المكيف ويا فتحات المكيف الي بالنص وصارت 
بالنص سوداء والصراحه 2015حلوه وفيها بلوتوث والتحكم من الطاره وABS

بس كشكل الاكسنت احﻻ بكثييير اماكسعر فصني سعرها مغري35الف وكل شي فيها
انا اشوفها حلوه للدوام اذا كان عنك جيب ومتعبك بحجمه

وتسيت شئ الدركسون تغير صار شكله احسن مثل السنترا 
والظاهر نفس دركسون الالتيما واامكسيما بس ماني متاكد

شوف انا معي صني 2012 كوري , خرب رمان الكمبرسر وهو طبيعي في كل السيارات يجي له يوم ويخرب , فريت محلات ديرتي ماحصلت سافرت الطايف ماحصلت سافرت جده كل المحلات في شبك المطار , الجنوب , المالكيه , كيلو اثنين ماحصلت , واكثر من واحد قال لي ما بتلقى رمان واحد سعودي شيخ طائفه الورش يقول غيرت كمبرسر جديد لثلاث سيارات باترول حكوميه عشان رمان وقلت مالي الا الوكاله رحت العيسى لقيت سعودي فاغر وريته الرمان قال موجود واخر شي جاب لي شداد البكره قلت في نفسي سود الله وجهك اسبوع انتظر ع الفاضي وانا انتظر اسبوع قال لي هندي بكيلو اثنين السعودي يكذب عليك الرمان مابتلقاه قلت في نفسي اقارن وكاله بهذا الهندي الي ماعنده سالفه طلعت انا الي ماعندي سالفه يعني نصيحه لوجه الله اهرب من الصني حتى لو يقولون الي يقولون انت شف الشارع وشف المحلات الاكسنت بكل حاره تلقاها والتشاليح مفلله منها وقطع الغيار والله انها اكثر من شركات السيارات مجتمعه او زيها وعندك ثلاث وكلاء عكس النيسان , الحمراني قاعد يصرف بضاعته وبيعزل والعيسى الله بالخير عشان تدخل السياره تاخذ موعد اسبوع , الكمبسر قيمته عند الحمراني بالضبط 4004 حتى الاربع ريال مهو مسامح فيها والعيسى بـ2450 وكلهم طلبيه من الرياض , انا بالقوه حصلت كمبرسر عند الصويغ بجده قعد يوم كامل يدور لي بــ 1900والحمدلله حصلت احسن من اني انتظر الوكاله انا ما امدح الكوري بس النيسان شله من راسك الصدق والله انه غلطه

ي صاحبي هالسيارات اللي ذكرت أسمائها تعتبر في المقام الأول سيارات طيبه بنوعيه الجيدة ، اللي توديبك وتجيبك وتنفع لكبار السن يستخدمونها لأنها سيارات ماهي رياضية ولا شبابيه .. أزيد ؟ بلاش نعيد يقولك الشاعر الكبير : 








يقتلني الليل ﻻ كفكف ظلامه وتاه
وتـهزني بالغياب الشمس وقت المغيب ،




ياجرحي مْن البداية عارفين الحياة ،
الي نعافه يجي .. والي نحبه يغيب

الصنى بها مشاكل فرامل تتاكل بسرعة

و عليكم السلام و رحمة الله و بركاته

انصحك صني الافضل في فئتها صحيح الاكسنت اقوى بكم حصان ولكن هذي الفئة ماهي حقت دوس لا حقت توفير واقتصادية وتوفقها أي مكان
اما المكيف جونا حار مايهم غير المكيف البارد وانا اشوف صني الافضل في فئتها من حيث المواصفات والامان اكسنت ايرباق بدون abs
صني ايرباقين بدون abs وارخص توكل على الله وخذ صمي

الصني من تجربة الاعضاء فراملها تعبانه و الدركسون
يبدا يطلع اصوات بعد ممشى قليل 

 الصني كانت متفوقه علئ الاكسنت ايام موديلات 2010 وقبل اما الشكل الجديد الاكسنت متفوقه خاصة بعد ماصار الصني صناعه هنديه وتغير شكله الداخلي والخارجي 

الصني سواقتها ممتعة جدا استاجرت صني الشكل الاول مو الهندي وكنت يومها امشي 180 على منطقة جبال ومنحدرات مدري وش كان فيني ذاك الوقت ههه

بغت تفر مني مرتين ولكن الدركسون ثقيل يمديك تسيطر عكس الاكسنت لا هزيت الطارة يمين ثم يسار تلجلج

الياباني يتفوق على الكوري ما في شك لكن الاكسنت شكلها افضل