أضف سؤال أو موضوع جديد          

صدمني واحد ومشيت

up 38 down 13
زيت زيتون 2015 1043
قبل 5 سنه و 3 شهر



السلام عليكم
اول امس كنت ماشي في طريق الملك فهد الساعة 9 ونص حيصباح
وكنت ابي ادخل طريق الوشم ودخلت مسار الخدمة الي في اقصى اليمين
ويجي راعي يارس ويصدمني من الرفرف الامامي 
وانا كان عندي موعد في المستشفى و بصعوبة حصلت على الموعد وابي الحق 
عليه نزل راعي اليارس وانا مانزلت وقلت تراك جاي من خط الطوارى 
قال لي انا ماشي في طريقي وانت دخلت علي 
وراح على الرصيف يكلم نجم مدري المرور 
دقيت له بوري ثلاث مرات عشان يجي واعطية رقم جوالي
ونتفاهم بعد ما اخلص الموعد
وهو ويشوفني ومطنش 
حطيت السيارة في D ودخلت مع طريق الوشم الا هو يلحقني
انا مااهتميت كثير لان عندي موعد في المستشفى اهم 
اخذ رقم الوحة عند اشارة الوشم 
بعد ماخلصت الموعد اتصلت على المرور وقلت لهم السالفة
قال روح بكرة مرور الناصرية
ورحت يوم الخميس ودخلت شعبة السير وقلت لهم السالفة
واول شي تاكدو هل البلاغ نزل علي او لا
طلع لسا ما نزل
خلوني اكتب ورقة مراجعة للمرور وقلت لهم الظرف الي خلاني امشي
ختمو الورقة واعطوني صورة منها وقالو مراجعتك عندنا تثبت
حقك كامل كانك وقفت في موقع الحادث 
وسلامتكم يااخوان 
حبيت انقل لكم قصتي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خير ما سويت .. وياليتك كنت نزلت له وفهمته .. اما انك تدق بوري عشان يجيك وتفهمه عشان موعدك بالمستشفى ..  ... لو انا بداله ما راح اجيك وانت تدق بواري .


up 25 down 2
مستريح البال 1 1781
قبل 5 سنه و 3 شهر



اخوي انا معاق وقلت له وشاف الاسكتر علی السيارة
قال ننتظر المرور


up 52 down 2
زيت زيتون 2015 1043
قبل 5 سنه و 3 شهر



الحمدلله على سلامتك . ودامك حضرت نفسك للمرور ما عليك شي


up 10 down 1
مستريح البال 1 1781
قبل 5 سنه و 3 شهر



الله يسلمك يارب



up 3 down 1
زيت زيتون 2015 1043
قبل 5 سنه و 3 شهر



الحمد لله على سلامت وماتشوف شر يا غالي


up 3 down 0
فراس ال الشيخ 33
قبل 5 سنه و 3 شهر



المفروض حطيت الرجال في الصوره يعني شرحلته الوضع 
كامل من باب الادب لاكن دام المرور تساعدو معك 
الله يسهل امورك والحمدلله على السلامه 


up 6 down 0
saadko 105
قبل 5 سنه و 3 شهر



الله يشفي اخوك ويعافيه والحمدلله على سلامتك
بس افرض انك مكان الرجال وسواها واحد فيك صدمك
وقف ثم مشى الله لا يجعل احد في هذا الموقف
من باب الاحترام لشخص الى قدامك حتى لو الغلط عليه


up 5 down 0
ابوسعيد الاحمري 1017
قبل 5 سنه و 3 شهر



الحمدلله على سلامتك 
اخر المصايب يارب


up 2 down 0
كلاسيكي1 -46
قبل 5 سنه و 3 شهر



الحمد لله على السلامه في الحديد ولا فيك 

اخر الحوادث انشاء لله 


up 2 down 0
ابواحمد.2007 2087
قبل 5 سنه و 3 شهر



الحمد الله على السلامه والله يشفيك ومعليك دامك جيتهم ان شاء الله ماعليك اي شي وراح يتصلون عليك بس علشان تخلص معهم وتقررون عاد وش الي عليكم 


up 1 down 0
سكودر 14927
قبل 5 سنه و 3 شهر



بعد الناس عنيد موتره تلاقي المخش بسيط جدا يبي يسوي زحمة ويقفل الطريق كله 

خير مافعلت خلصت نفسك من المسئولية لان الهروب من موقع الحادث مصيبة كبييييرة جدا والف سلامة عليك ياعسل 


up 1 down 1
benz lover -83
قبل 5 سنه و 3 شهر



الحمدلله على السلامه ياخوي مدامك فهمت المرور ان شاءلله امورك طيبه


up 1 down 1
حربي نجدf15 89
قبل 5 سنه و 3 شهر



الله يسلمكم ولايك للجميع


up 0 down 0
زيت زيتون 2015 1043
قبل 5 سنه و 3 شهر



الله يوفقك، مبادرتك بالإتصال على المرور هي أكثر شي تريحك

وعرفت كيف تحافظ على البلاغ ضدك وما تتعب الطرف الثاني بشي 

أهنيك من كــُل قلبي 3> 


up 0 down 0
محمد عبدالله عمر 614
قبل 5 سنه و 3 شهر