تقرير بسيط عن الامبالا
إضغط هنا للإخفاء
السلام عليكم ورحمة الله وبركاته
اليوم بتكلم عن الامبالا والتورس
طبعا السياره لواحد من الشباب طلعنا عشان نستلمها
الرجال ماعمره قرر ياخذ راي احد فاي سيارة يشتريها
يعني هو يشوف ميزانيته كم
ويشوف ايش السيارة اللي تناسب طبيعة استخدامه
ثم بعدها يبداء يحدد مجموعة سيارات بناء على ميزانيته واستخدامه
المره اللي فاتت اخذ تورس 2010 ليمتيد اول مانزلت
فخلال 5 سنوات ماكمل حتى 100 الف استخدامه خفيف
المشاكل الي واجهته فيها
دفرنس امامي وتغير عالضمان + رمان الدفرنس + مساعدات اماميه + تنسيم صوت هوا من عند الباب
الان بعد التورس قرر ياخذ الامبالا ومشالله عليها من سياره
الوكاله تسلمك السياره وخلاص بدون تمرين وتغيير الزيت بعد 10 الف كيلو واي شي تلاحظه تراجع الوكاله يشيكون لك عليه
تصميم السيارة حلو ورياضي كمواصفات روعه
القوه مايحتاج اتكلم فيها
مكينه 3.6 و 305 حصان
الامور الي ماعجبتني ابد
جنط 20
نازله من قدام مره وفيها ذقن تحت
السعر 135
السعر مقارنه بالافلون الفل والتورس الفل والاكورد الفل وباقي المنافسين يعتبر حلو
خصوصا مساحتها من جوه كبير والاحلى من كذا الشنطه الخلفيه فيها مساحة ماتوقعتها فسيارة مثل كذا
اشوفها افضل من التورس الليتميد وارخص منها
عيب التورس مساحتها الداخلية ضيقه
وسلامتكم
إبلاغ
الردود
انت شكلك مثل الي يقرى ومايفهم اللي يقراه ههههههههههههههههه
الالنترا اخذتها بسبب ظروف
بس عزالله انها ريحتني فالصيانه وقطع الغيار كل شي رخيص بس اتعبتني فالسفريات
ومب شرط اي سياره اتكلم عنها اخذها عشان
والشي اللي يغثك لاتتابعه طيب هههههههههههه
14 6
حمارك ولا خيل جارك
7 1
الله يعطيه خيرها ويبعد شرها
1 1
4 4
2 4
ترى مالي ذنب فالديس لايك اللي جاك
كل يوم اخش القى مواضيعي القديمة مدسلكه واطنش
3 4
0 2
كيف الجنوط معك
وكيف الحراره فالسياره بحكم انك مجربها
والله خويي يشتري سياره بناء على ذوقه ومايستشير احد ههههههههههههههه اللي يعجبه ياخذه ويمشي
1 0
2 0
0 0
ابراهيم اتركي تكلم عن الفيوجن وليس عن الامبالا
يعني قبل ماتتكلم شوف كلامه وش قال وتعال اهرج
المهم الامبالا حلوه والتورس حلوة وانا مجرب التورس
اصراحة التورس بطله في الخط كرساوة وراحة مافي كلام
بس كلامك صحيح التورس شكلها الخارجي يوحي ان مساحتها كبيرة
بس لما تجلس جواها تشوفها ماهي وسيعة على حجمها
3 10
ترى عيون الناس ماترحم الله يعطيه خيرها ويبعد عنه شرها .
1 1
وأعتقد مافيه مقارنه بمواصفات وقوة الإمبالا مع التورس
إمبالا وبس :)
3 2
حرام انه كفووو احترم الشخص اللي له راي خاص ولايشتري على( يقولون وسمعت)
ازعجونا الناس بالاستشاره انا مو ضد الاستشاره بس ضد عدم وجود راي وذوق للشخص وعقل يحدد
ماشاء الله والله يعطيه من خيرها ويكفيه شرها
4 1
ومن وجهة نظري اعتبرها سيارة غبيه
ولو ما اختلفت الاراء لبارت السلع
1 7
خويك راح يعاني من الآتي:
جنط العشرين قاسي نوعاً ما
مساحة الادراج صغيره جداً..
واللون الأسود من أجمل الالوان بعد الكحلي طبعا..لكنه متعب جداً
وفيه تقرير كامل عن السياره في اخر موضوع لي..فيه سلبيات وايجابيات..
ومبروك لخويك والله يعطيه خيرها ويكفيه شرّها
1 0
8 19
قبل 9 سنه و شهر