لا اله الا الله

1 و 3 و 4 كلام فاضي مع اعتذاري لصاحب لناقل الموضوع

تقريبا لي 30 دقيقه امشي بالفورد ودرجة الحرارة ماوصلت النصف احتاج امشي ساعه خصوصا الصباح عشان تستقر درجة الحرارة
ع النصف
من جدك انت ماشغله؟
بعدين الكمبروسر ماله علاقه بالشمس وايضا تشغيله ع درجة منخفضه
مع احترامي لك موضوعك ماهو كامل يمكن يكون كلامك صحيح لكن ماهو مدعم باثبات.

الشتاء قرب و يازين شبه النار 
هذا ولد عمن وهذا ولد خال وهذا رفقين مالقينا له بديله 
هههههههههه 
الموضوع جا متاخر في اواخر الصيف

رقم 3
مالها علاقة ابدا
هي مجرد مروحة خاصة بالمكيف تزيدها وتنقصها على مزاجك
واذا الموتر جديد  لا تهتم بالكمبروسر ابدا  اسحب عليه واكرف  ابوووه
لان عمره طوويل  

تخيل اشتري قطعه حديد بفلوس عشان اريحها   

طيب الكابرس واللومينا مافيهم فلتر 

هذا النظام نظام هنود مع احترامي لك 

اولا : تقدر تشغل المكيف بشكل طبيعي حتى مع بداية التشغيل  تقدر تحطه على ١ وتحرك وبعد دقيقة حطه عبى اي درجة تبغاها اما سالفة تنتظر لين تسخن هذا يقتل المحرك تماما 

ثانيا :الداخل لا يشفط الغبار من الداخل للخارج تراها موب مكنسة الغبار يدخل من الخارج وفلتر المكيف يحجزه 

ثالثا : الموضوع غير محدد بالسرعة اطلاقا هذا الكلام في حال رغبت بتشغيل المكيف وانت ماشي يفضل ماتعدي السرعة ٤٠ 

رابعا : هذي قوية جدا من كيسك تجنب ركنها بالشمس لتجنب فساد الكومبريسر ليه حاط لحم انا بالماكينة ؟؟؟؟!!!

نصيحة امسح الموضوع الله يهديك بتجيب العيد حتى عند النقل الرجاء الاختيار بعناية 

ههههههههههههههههههههههههههههههه

لايك للجميع مع احترامي لناقل الموضوع واحترامي للي حطو ديس لايك للجميع

السلام عليكم
موضوع ممتاز وسلمت الايادي 

حاب اعلق على الموضوع 


1- ((عدم تشغيل التكييف قبل تشغيل محرك السيارة)) و((استقرار درجة حرارة المحرك.))

انا معاك بالنقطه الاولى لكن بالنقطه الثانيه احسها صعبه لانه صناع السيارات ماحطوا ملاحظه بهذا الخصوص

2- تنظيف السيارة جيدا من الداخل حتى لا يسحب تكييف السيارة بالأتربة ويفسد فلتر التكييف.

هذي النقطه صحيحه   عند وضع خاصيه الهواء من داخل يبدا المكيف يشفط من تحت جهه الرديف فاذا كان فيه غبار يتلف الفلتر وهذا حقيقي وغير الفلتر بعد الثلاجه تتلف وتتوسخ وتعال فك الطبلون

3- تشغيل التكييف على السرعات الأقل في البداية لحين زيادة سرعة السيارة لأكثر من 40 كم/ ساعة ثم زيادة سرعة التكييف.

هذي ماهي محتاجه لانه بالسرعات العاليه وتشغيل المكيف ع طول يضرب الكمبروسور     لاطاله عمر الكمبروسور يشتغل والسياره واقفه

4- تجنب ركن السيارة في الشمس لتجنب فساد الكمبروسر، والحرص على تغطية السيارة في الأماكن الحارة.

صحيحه سوي اختبار لسيارتين وحده بالشمس  ووحده بالظل  تلقى اداء الكمبروسور اعلى للي بالظل  والدليل يكفيك لما تروح لعند الفريون بالظهر ليه يرش مويه ع الرديتر حق المكيف؟  لانه الكمبروسور مااشتغل  والمواصير نار بسبب الحراره   

5-ا لتأكد الدوري من كفاءة فلتر التكييف وعدم تآكله أو امتلائه بالأتربة، بالإضافة إلى التأكد بشكل دوري من معدل فريون السيارة

هذا كلام صحيح   

  

سلمت ع الموضوع

تراهً حديد يجي يوم ويخرب خله يبرد عليك العمر قصير
اخوي معه كامري 2011
يقول باالصيف اطفي الموتر وهو شغال المكيف 
واشغل الموتر يشتغل المكيف يعني ماقد شغلة من الممكيف نفسه
ماشيه هاالحين 270الف زي الحلاوة
وسبحان الله كل مااهتميت باالسيارة وسوست عليها
كل شوي عطلانة 

راعي الموضوع خذ لايك تحميسي :) 

جيب افضل من كذا وبالتوفيق،

والله ياما شغلت و طفيت و غيرت سرعات المروحة و انا امشي و على سيارات كثير لي و ايجار و لا قد صار شيء 

يعني ممكن امشيها انك تهدي الى 100 او 80 و تطفي او تشغل المكيف 

اما تهدي الى 0 في خط سريع عشان تشغل مكيف او تطفي اسمح انت كذا موسوس و غبي
اعتقد هذي من الخرافات المتداولة 

راموس شوية إحترام للرجال يعني هو اجتهد وادلا بدلوه فعيب عليك 
الكلام ذا انتقد بأدب أو لاترد منت مجبور. 

الاخ راموس  بالله عليك الكمبروسور وش داخله  بساتم او باستونات  وانت عارف ان الكمبروسور مربوط بالسير مع حركه المكينه

1) اذا شغلت السياره ورجعت شغلت الكمبروسور  فهذا افضل شي لاطاله عمر الكمبروسور    
2) شغلت المكيف  وانت ماشي ع سرعه بسيطه 40  80  راح يتاثر لكن ع مدى طويل ويقل جودته تدريجي
3)شغلت المكيف وانت ماشي بسرعه عاليه  راح يتاثر ع طول وماراح يطول معاك وممكن بنسبه كبيره يجيم او يصلب معاك  والله يستر وقتها

مثل السير الرياضي   خله السرعه  عاليه واطلع ماراح تقدر تتماشى مع السرعه  فهذا مثله تماما  

الله يستر عليكم جميع ويفككم من الصناعيه 

ترى عادي يخرب الكومبرسر عليك و انت ماشي 40
اذا كان دوران المكينة عالي لان الكومبرسر يعتمت على دوران المكينة ويفضل عند التشغيل أن يكون الدوران تحت 2000دورة

قل قسم هذا رأيك و احترمه و لكن التجربة خير برهان 

ابو فيصل جاي تعلمني الادب و الاحترام انزح بس انا ما قلت شيء قلت خرافة ما كذبت الرجال و هو اصلا مجرد ناقل لموضوع

و بعدين ارد على اللي ابي يا عزيزي لم و لن اغلط على احد 

و اذا كان منتدى ابو فيصل ذاك الوقت تكلم كذا  

الأخ العزيز راموس
أرجو إنك تسمحلي بهذه االمداخلة
أظن الأخ (بوفيصل) مب معترض على كلمة
(من الخرافات المتداولة) مثل ما انت فهمت ..

الاعتراض على (إنت كذا غبـيّ) وهي كلمة
فيها غلط كبير على أحد إخواننا في المنتدى ..

معليش أخوي .. ياما أشوف حساسيات وسباب وشتايم
بين بعض الأعضاء ، ولا عمري تدخلت لأني غريب في
منتداكم الطيب ، الله يبارك لكم فيه ..

لكن حسيت إنك طنشت لكلمة (إنت غبي) ومسكت (الخرافات)
اسمحلي يالشيخ ، وتقبل مني مداخلتي ..

يشهد الله إني استمتع كثيراً بمواضيعكم جميعاً
خصوصاً بعض المواضيع الفنية التفصيلية
وأشوف عندكم أعضاء رائعين مثلك بإذن الله ..

ومن يعتذر بشجاعة .. فهذا من شيم الرجال
فهل تفعل؟

مشكور لتعبك



بس المشكله لوبالبايكه حقت بيتك تحصلهم حاشرينك ع الضل بسيارتهم

غالبية المشاركين تنقصهم الثقافة والتوعية للاسف هذا هو الحال

هلا اخواني انا ضد نقطه ان المكيف لازم تهدي عشان تشغله

اول شي سير المكيف مهوب مشبوك مع الكفرات 

ان شالله لو ماشي 180  وتبي تشغل المكيف رص كلتش لين يستقر الضغط على واحد وشغل المكيف وبعد خمس او عشر ثواني ارفع رجلك من الكلتش ودوس 

وسلامتكم جميع