أضف سؤال أو موضوع جديد          

زحمة الرياض والإشارات الغبية

up 13 down 22
benz lover 379
قبل 3 سنه و 9 شهر



السلام عليكم اخواني كيفكم طيبين 

ما إن بدأت المدارس بدأت معاناة الازدحام من جديد وبشكل اشد خصوصا بعد التحويلات المنتشرة بكل الاحياء اختناقات مرورية والله ياشباب ماعمرها الرياض وصلت لذي الدرجة للازدحام تخيلو اشارة تقاطع الفرزدق والجامعة بالرياض تفتح ٥ ثواني فقطططط والدنيا برا ماشاء الله باريس ! المكيف خف تبريده مع ان الاكسنت معروف ثلج وهذا يساقط عليك وضجر الناس واضح واصوات البواري تعالت احبااااااط يازين الجيب بس اقرب رصيف تنحاش  السيارات الصغيرة ماعاد تنفع ابد 

وحياكم جميعا 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صدقني المشكلة غير الطرق في طريقة سواقة الناس في المداخل والمخارج يتراصون رص ولو صافين صف واحد كان خلصوا لكن كل واحد نفسي نفسي


up 3 down 1
بياع حراجات 870
قبل 3 سنه و 9 شهر



أخوي بنز لوفر بحكم خبرتك وش حل إن المكيف يضعف تبريده أثناء الوقوف ؟


up 0 down 2
بياع حراجات 870
قبل 3 سنه و 9 شهر



انت لاقيها من البلديه الي كل اشوي حافرين شارع وتحويله ويضايقون شارع عام ويسكرونه ولا يفتحون فتحه صغيره حتى الاكسنت ماتخش معها 

 ولا لقيها من التريلات الي تخش معك لارقيب ولا حسيب  ولا قيها من بزراين كل واحد معه سياره  وسواقين والباصاات والشركات ودوائر الحكوميه 

 يعني اكيد بتجيك زحمه والمرور نايم بعسل  ومدير المرور يقول ان شاء الله بنكافح الزحمه اثناء عودت المدارس وكذاب وخراط كلام  بسسس 

 اصلن قالوها الرياض حقها هليكوبتر تروح المكان الي تبيه وتنزلها وتخلص  لاقطارات ولا مكافحه الزحمه كله كلام خرطي 


up 4 down 0
سكودر 14936
قبل 3 سنه و 9 شهر



كلام سكودر صح يحفرون الشوارع ومافيها شي بس كذا تخريب 
مدري ليه 
فيه شارع دولي وقفوه لعب وهو سليم 


up 1 down 0
i6rb_ 163
قبل 3 سنه و 9 شهر



مشكلة الرياض رقم 1سواقت الناس ورقم 2 تحويلات البلديه 
ورقم 3 دخول الشاحنات لان مافيه طرق تبعدهم عن المدينه


up 0 down 0
خالد ___الرياص 1331
قبل 3 سنه و 9 شهر



بعض الاشارات تكون توقيتها غير مناسب لفك زحمة السير او تكون توقيتها قليلة
وبعض الاخوان يكون في اول الاشارة وسرحان او يستخدم الجوال وهاذي الضاهرة كثرة في الاونة الاخيرة
الله يعينكم على الزحمة


up 1 down 0
msns 103
قبل 3 سنه و 9 شهر



والله بسبب الحفر بس خسرت 1500 في شهر واحد اعدمت لي السيارة انواع الاصوات .. المشكلة طريق رئيسي ماتدري الا السيارة تهوي كيف والله حفرة عاد ماتدري من وش


up 0 down 1
جاسم 12 -251
قبل 3 سنه و 9 شهر



هم يحفرون و يقفلون 
و يرجعون يحفرون مره ثانية نفس الحفرية 
الظاهر يوم حفرو اول مرة نسو مفكاتهم و اغراضهم و رجعو يطلعونها هههههههههه



up 10 down 1
rraammooss 960
قبل 3 سنه و 9 شهر



المشكلة مو كل الطلاب مداومين اول اسبوع ..
يعني ماشفت شيء


up 5 down 1
ماركيز .. -46
قبل 3 سنه و 9 شهر



قيد علقت بنفس الزحمة هند الاشارة هذه
والمصيبة شارع الستين صار اتجاه واحد ومافي مهرب الا الوشم، والوشم برضه زحمة وقرف خاصه الجسر الحديد

الشكوى لله بس


up 0 down 0
tareq_talli1 1532
قبل 3 سنه و 9 شهر



الحفريات تهون والشاحنات تهون ..
الكلام على القطار شف طريق المطار القديم حالياً مسكر بشكل كلي
غير الشوارع المقلبه اللي تاخذ لفه حول نفسك عشان تعكس اتجاهك !!


up 1 down 0
أهل القلوب الرحيمة 1148
قبل 3 سنه و 9 شهر



الاشاره تخضر 25 ثانيه ثم ترجع حمرا 65 ثانيه مايمدي في لما تفتح للاخضر في العشر الثواني الاولى بواري ينبهون الي في الصف الاول حتى يمشون وفي العشر الثواني الاخيره تبداء تتحرك السياره ومايمدي تصك الاشاره

انا اشوف الحل لو يخلون الاشاره الخضراء 120 ثانيه متاكد ان بتخف الزحمات في الاشارات حتى في وقت الذروه والدوامات

اما نظام الاشاره الي تجلس 20 ثانيه للاخضر ذي مطبقينها من قبل 10 سنين وكانت لاباس فيها لان كانو سكان الرياض عددهم معقول


up 1 down 0
Pro rare 445
قبل 3 سنه و 9 شهر



حطوا البلا بسواقة الناس

يبوس تلوم الناس كيف 

المعلق 3 مسارات والدائري 5 مسارات كيف ما تصير زحمة 

المدخل موقعه غبي وضيق وتبي العالم تنتظم وكأن انتظامهم يحل  
المشكلة 

تخطيط غبي وسيء ويقولون الشعب

الله يعين هالشعب اللي صاير شماعة لكل شئ 


up 4 down 1
محمد فورد 507
قبل 3 سنه و 9 شهر



نورتم جميعا واللي سوا دسلايك شكله عاطل يقوم من النوم ١٢ بالليل ولا يشوف الزحمة اللي نتكلم عنها ويهجول بالشوارع لين الفجر 




up 1 down 6
benz lover 379
قبل 3 سنه و 9 شهر



الله يعيننا على الطرق المقلوبة والحفريات 
والله ربطت سيارتي مرتين من الحفريات في اقل من شهرين


up 0 down 0
ابو عطيه 409
قبل 3 سنه و 9 شهر



انا اخذت موتر احدسيارات الوالد وقعدت تقريبا اسبوع بعض الاحيان اسوقها يرجل كرهت عمري وكرهت السواقه وسرت اخاف  وماعد قدرت اتحمل لان متعود علا الونيت هلي ددسن ومشتقاتها ههههههه المهم يوم جا الونيت ارحب يل امير ياخي راحه  نفسيه فيه غريبه صرت اعرف اسوق اعرف وش اسوي.  اما المواتر الصغيره ماتصلح لي اطلاقا. قولو ماشاء الله علي ياشباب من يوم كنت اقولكم ان سواقتي هاديه صارت مهب هاديه. ههههههههههههههه. عيونكم الله يستر  هههههه. بس صدق قولو ماشاء الله علي


up 0 down 2
مراجل 197
قبل 3 سنه و 9 شهر



يا شباب لا تسكتون تكفون .

فيه الان امانه الرياض حسابهم بتويتر سوو شكوه

والله عندنا شارع الزبير بن عوام كان معدوم وسوينا شكوى انا والشباب خلال 5 ايام وجو زفتوه من جديد ورجع تمام

هذا اقل ممن حقكم

ا


up 0 down 0
دحوم236 107
قبل 3 سنه و 9 شهر



انا ماني مهندس لكن متأكد ان اللي مسوي تحويلات الرياض الجديدة عشان المترو واحد فاشل



على سبيل المثال شارع الستين كل المساريه اتجاه واحد ومافيه الا مخرج واحد!

ايضاً شارع الاحساء نفس الشيء الناس تتزاحم على هالمخرج واساس من البداية مدري ليه لعبو في الشوارع ماشفت ححفريات ولا شيء


up 1 down 0
k1nder 169
قبل 3 سنه و 9 شهر



80 بالميه الي تشوفونهم بالشوارع  زحمه موظفي شركات ومؤسسات الشركات صارت تعطي حتى الحارس سياره 


up 0 down 0
ابوعابدالله 82
قبل 3 سنه و 9 شهر