مشورتكم يالربع

الله يوفقك ويرزقك 
نسيبي اشتغل ذي الشغلة وخسر فيها يقول الي 
يبي يكسب فيها لازم يكذب ويحلف  
ويكون بالعربي شريطي

وياك ي تاج راسي 

يارجال أصدق ورزقك على الله 

نصيحة ابعد عنها 

اغلب الي يترزقون فيها محتالين ...  

ترا حتى كلمة  (على الفحص ) ماتجوز ... لازم تبين عيوب السيارة كااااااااملة 



أنصحك تطلب أغراض من النت .. تكون غاليه هنا تشتريها من برا رخيصة 

وتسوق لها بالانستقرام والتويتر 

ارحب
انا اقولك تجربتي
مشكلة السيارات المستعملة لو انك حريص وفحصت وكلوه تمام
بعد ماتشتري السيارة بيوم يومين تكتشف عطال او رش بويه
هناء مربط الفرس عندك خيارين اي انك تغش الزبون
او انك تعلمه وراح يسحب عليك وراح تخسر
طبعا ماانت موكل عيالك حرام والشي ذمة
بس اقولك انتبه وافحص زين وخلك باالبيع سمح
راح توفق وراح يصير لك عملا ويثقون فيك
واتق الله بنفسك والله يجعل لك مخرج
وباالتوفيق

والله مدري يخوك بدخلها وانا متردد 
واشوف ان فيها رزق 
وزي مقال اخوي ابو فيصل
اصدق والرزق ع الله

انا اشتغلتها كم شهر وفيها فلوس بس اذا عرف الزبون انك تبيع
وتشتري يشرد يعني لازم تكذب 
اما مسئله راس المال على قدراس مالك على قد مكسبك 

صادق على قد راس المال اللي معك 
لكن انشاء الله حبه حبه وبعدين اقصدكم جيوب ههههههه

تبي رايي ي خوي دور لك غيرها لانها الشغله ذي لازم اذا بتكسب تحلف وتكذب السوق كله شريطيه شوف مثل ماقالوا الاخوان
دور مشروع ثاني ترا 15 الف راس مال كويس
وممتاز اذا استغليته
شوف اللي فاتحين متاجر في الانستجرام
يجيبون من برا اشياء ماهي هنا ويبيعون بمكاسب خياليه
دور وحاول يعني اول ش تتعلم كيف تطلب من المواقع لان امازون ايباي
ترا مواقع كبيره بحد ذاتها ممكن تتاجر عن طريقها تشتري منها وتبيع هنا

يقولون السيارات فيهن رزق

والله الحين ماتخارج التامين ١٠٠٠ والنقل ٤٠٠ وش تستفيد صار كل شيء غالي مرمطه حتى الفحص الدوري معقد يبغاله واحد خبير بنسبه ١٠٠٠ بالميه غير كذا انس الموضوع

زي ماقال اخي محمد ^ الرسوم الاساسية كبيرة على قد الفلوس الي بتشتغل فيها يعني يبغالك تامين ونقل والمبلغ قليل فما تخارج معاك الا اذا كان المكسب كبير وبنسبة ل 15 الف صعبة
ثانيا الشغلة يبغالها احتيال على المشتري والشريطية ماهو كل مرة يكسب والله بعضهم ياكل خوابير
الله يرزقك

الشغلة ذي كلها كذب وتدليس وبيع نجش يعني
بالعربي فلوسها حرااااااام ونادرا ماتكسب شي بسيط
بالحلال غير الي يدعي عليك لانك غشيته بسيارة 
نصيحتي اصرف النظر عنها وشوف حلقة الخضار اشتر
وبيع وترزق الله والتجارة بركة او زي ماقالو الاخوان اشتري
بضاعة وبعها في الانستقرام او اي موقع تواصل اجتماعي
والله يرزقنا وياك من واسع فضله