اين اجد كابرس 90 - 93 نظيف ؟

حياك تحصلة في الطايف والنضيف في حدود 15
والشرقية برضه بتحصل

ال 90 يختلف عن ال91 وفوق خلك ع ال90 احسللك بس تحصلو النظيف اغلى من ال91 وفوق وبالتوفيق

الرفاعي صادق في الطائف تحصل

من افضل الموديلات لكن اذا كان استخدام يومي ما انصحك اذا قصدك استعراض وتمشية عل الخفيف اقلك توكل على الله بتنبسط فيها والله يرزقك من واسع فضله 

كلام اخوي مجرد متصفح سليم ميه بالميه

انت خرمان  كابرس 

يعني تبيه كلاسيك وحقت تمشيأت ودوجه خفيفه 


استورد من امريكا للإمارات 
ومن ثم دخله بلوحات اماراتيه  راح تتعب شوي 

لكن بتبسط  نفسك بموتر بحالة الوكالة ....


انا من الطايف واعرف المواتر هناك 

كلها شغل تلميع و ن ص ب 

وأسعار بالعلالي 

ذكرتني قبل 4 سنوات كان فيه ال تي زد 96 ذهبي مع شايب بحايل نظيف تتعب تقول عنه نظيف والشايب معيي يبيعه يقول هذي السياارت افضل من الجدد بخط والكرف ههههههههههه شايب راسه يابس

انا معي كابرس اخذناه اصفار
ومحد لعب فيه ومحافظين عليه الحين 
له كم شهر الحين من خراب لخراب بهذلني الله يلعنه من سياره 
كل يوم متعطل ومفشلني عند اشاره بنص دوار ولا وانا 
رايح لدوامي ومسافة ١٢٠ كيلو ويتعطل كرهته ماخليت شي ماغيرته 
حتى المكينه والقير غيرتهن والمكيف مركب كمرسر اصلي اسيديلكو 
ومغير المواسير ورديتر المكيف وفريون اصلي ورجع خرب مره ثانيه
بس اول ماشي معي مثل الساعه ادق سلف وامشي بدون ماشيك عليه 
ولا افتح كبوته ابد هالحين جاه بلا الظاهر ماله الا التشلييح عمره انتهى 
ونصيحه من مجرب والله لو تاخذه نظيف ومجدد غير يبهذلك بالخربات 

^^ ومووديلهه ٩٠

سيارات انتهى عمرها
بس فيه ناس يحب يقابل الصناعية ويصرف فلوس

القديم وجع راس وخسارة فلوس 
وجهة نضر لااكثر ولا اقل 

بيتعبك نفسيا وماديا 

قطع الغيار خف الطلب عليه و قليل تلقاها

السياره باخذها للتمشيات و الوناسه و ليس كسياره أساسيه .. 

هذه سيارات لو تطلع فيها مشوار 40 كيلو كل يوم يبغي لك 30 ريال بنزين يومي
غير الخرابات و قيمة السطحة و القطع
اذا عندك فلوس ادفع على شي جديد يسوى واذا ماعندك تلاقي سيارات موديلات حديثة و رخيصة بقيمة الكابرس

كان عندي واحد وبعته . موديل 90 LS لونه اسود وداخل جلد عنابي نظيف جدا جدا ماشاء الله عليه . عيبه البنزين صرفيه هائله لكن خذ خطوط وثبات وتكييف ثلاجه وهيبة بالخط. الله يبارك للشاري ويستر عليه