أضف سؤال أو موضوع جديد          

مشكلة تصفير عداد السياره

up 23 down 7
a v a l o n 2182
قبل 3 سنه و 7 شهر



السلام عليكم ورحمة الله وبركاته 

يعطيكم العافيه جميعا 


ياجماعه الخير اليوم صار موقف وباكتبه لكم من باب الحذر الحذر الحذر 


قبل اسبوع كنت في محل كهربائي في إحدى المدن وتفجأت بشخص معاه كامري 2015 يطلب من مهندس الورشه 
تنزل العداد / طبعا العامل على طول وبدون اي مجادله قال الــ 1000 كيلو بـ 100 ريال !! 

صاحب السياره قال انا سيارتي ماشيه 64 الف وابغا انزلها إلى 10 الاف ! 

العامل قال بـ 500 ريال / حاول الرجال يكاسره قال له العامل بالحرف الواحد [ انتا نزل عداد سياره يجي فلوس زياده مافي خساره 500 ريال ] !!

طبعا جاني حس اللقافه وسالت الرجال قلت له ممكن اعرف سبب تنزيل العداد ؟ الضمان ؟ او ايش الوضع !

قال لي السياره للوالد ونبي نبيعها والسياره محافظين عليها وريحة الوكاله فيها لكن عيبها الممشى فانا بنزل الممشى
حتى نقدر نبيعها بسعر كويس !

قلت له هـ الشي ماتشوفه حرام او فيه ضحك على احد ؟ قال لا انا سيارتي اعرف انها نظيفه واقدر اقارنها ب سيارات الوكاله من نظافتها !

قلت له طيب لو شيك المشتري على الصيانه ؟ قال اساسا مادخلت الوكاله إلا في صيانه 5 الاف قبل كم شهر ؟

............................................

انتهى الموقف وفي نص ساعه صار عداد الكامري 10 الاف كيلو 

............................

امس وانا بالمعارض مع الوالد حصلت الكامري نفسها واقفه للبيع مع شخص غير اللي شفته وطبعا عرفت السياره من اللوحه

لان فيها ثلاث ارقام متشابهه 


الرجل يحلف يمين ودين بان السياره عملوا لها صيانة 5 الاف ومن بعدها ماتحركت لظروف ! والحين بيبيعها وهي ماشيه 12 الف ؟؟ 

.....................................

ايش الحل ياعالم في اللي مايخافون الله ؟ لان البعض ومع الاسف يقيم نظافه السياره على الممشى 

وينغش في ممشى مزور / اعلان في حراج على افالون 2006 ماشيه 130 الف !! معقول بالسنه فقط 13 الف كيلو تقريبا ؟ يعني بالشهر 1000 كيلو ؟



المشكله عندي سياره موديلها 2007 ماشيه 310 الاف وكل ماجيت ابيعها يقولون اوووو ممشاها واجد ! طيب 2007 كم تبي يكون ممشاها ؟ يعني لازم انزل عداد عشان اضحك عليك وابيعها لك ؟



انتبهوا انتبهوا انتبهوا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بعت سياره ممشى 600 الف ووجدها احد الاقارب معروضه للبيع وعدادها 300 الف احذروا من النصابين


up 0 down 0
0541428261 33
قبل 11 شهر و 3 أسبوع




للأسف من لا يخاف الله يغيرونه بسهولة وما ودي أقول حتى ما أكون سبب في نشر الغش بين المسلمين .

الله لا يوفقهم ولا يبارك في بيعهم ولا شرائهم


up 0 down 0
ولد زيد 1
قبل 8 شهر