أضف سؤال أو موضوع جديد          

قطاع الطرق بالشكل الجديد

up 33 down 5
بــــنــــدر 318
قبل 5 سنه و 11 شهر



السلام عليكم ورحمة الله وبركاته 

يالله حيهم وش اموركم يالربع

او شي كلنا يمكن سمعنا عن قطاع الطرق وفي منا من حاول يوقفونه او يلعبون عليه او شي 

لاكن هذا كان اول اللحين طرقهم تطورت مرة وسيراتهم كذالك 

انا صارت لي سالفه و2 من الشباب بعد صارت لهم سالفه والقصص مهيب سواليف بزران او خيال كلها حاصله معي ومع ناس اعرفهم 
--------
اللي صار سلمكم الله كنت رايح انا والربع لرالي حايل وطبعا وصلنا حايل على حدود الساعه 2 ونص بالليل وقلنا نكمل طريقنا لين قريب الرالي ونرقد بالنفود طبعا لازم تمشي مع خط الاردن 
المهم سلمكم الله الخط فااضي لارايح ولا جاي مافيه الا انا وكنت مهدي امشي حدود 130 -140 الا واشوف شاص موقف بالتراب ع اليمين ومتلطم ومطلع راسه يناظر الخط ويوم شافني ويعشق موترة ماتشوف الا الغبرة كان يبي يحدني بوجهي ونا اللي اردة بنمرة واشد والرجال وراي طبعا الحمدلله موتري معدل ولا والله لونه موب معدل كان رحت فيها لاني مابعد عنه الا يوم تعديت 220 ونا مستغرب معه شاص قديم وشلون وصل هالسرعه حسبي الله عليه والحمدلله اني سلمت 
-------
سالفه واحد من الربع ماسك خط ويتمشى طبعا موتره ربع نيسان مرهم عليه مكينة دينالي ومشتغل شغلن ماشاء الله العلم الرجال يقول انا امشي 160 تنزل عنها شوي ماتزود الا يقول ماشوف الا هالشاص الابيض اللي جايني من النفود وهايلكس يمشي على الردميه بيلف علي يقول يومني شفتهم وننا اللي ادوس يقول يومني وصلت 210 الا اني معد اشوف الهايلكس يقول ودوس والتفت الا الشاص وراي يدفني يحلف الرجال ويقسم ان الشاص يدفه لين وصل على سرعه 245 طبعا موتر خويي فيه شاشة سرعه يقول 245 الشاص وراي يقول انا منهبل شللللوووووون مشا هالممشاء
يقول ونا اللي اطلع رجلي مع الشبك مابعدت عنه الا يوم وصلت 260 يقول هم شافوني مانيب حولهم هدو وقفوا ع اليمين حسبي الله عليهم 
-------
وواحد من الربع توه شاريله ربع نيسان بس لونه شبهه اخضر فسفوري ناسي والله وش مكينته بس الضاهر انها بلد يقول اامشي انا 150 في ستر الله بالليل طبعا يقول الا شي هالكامري جنبي ويأشرون لي يقولون وقف الكامري مليانه وكلهم مسلحين ويقولون وقف يقول طبيعي مانيب موقف ولا احد مكاني راح يوقف يعني بالعقل على خط وبالليل ويجونك ناس مسلحين ويقولون وقف بتوقف 
العلم سلمكم الله يقول الرجال دعست والموتر ماش مافيه حيل وهم موترهم جديد يقول والله واشوف مخرج واطلع معه يمين الا خويهم بعد واقف ع اليمين ويوم شافني ويدعس يقول يقول ياحاولون يحجروني ويقول وصلنا نهاية الشارع حرف T يقول انا مدري وش اسوي يقول يوم جيت الف يسار ويرموني الموترين كلهم يرمون علي يقول وتدخل طلقه من الباب حقي والله سلمني ماجتني يقول لاكن الطلقه جت بالقير ويقول قطعت سلك من اسلاكه الضاهر يقول الموتر يالله يمشي طبعا اللي حوله يمين ويسار برر مافيه شي يقول على اليسار فيه شجروالطريق وعر شوي على سياراتهم يقول والله وادخل على سرعتي والموتر كل ماله يهدي ويحن قيرة يقول وادوس وهم ورايي لين جاء مثل الغراز وقفو قبله ونا على دعستي وامشي حدود 1 كيلو تقريبا وشوف جبل وووقف وراه يقول انا وقفت ويطفى الموتر يقول وادور شبكه واحصل ودق على عيال عمه اشوا وجوه والحمدلله الرجال سالم والموتر راح ماعاد يدانيه 
-------
وقصص قطاع الطرق واجد الله لايوفقهم 

#وعندي نصيحه لكل الاخوان خاصة اللي مامعهم سلاح لاتمسك خط وموترك مايتعدي 220 يعني زي اللي معهم فرود مواترهم 180 وش تسوي ذي قد قطاع الطرق وقفوك وتعشوك 
يعني الحلول موجوده اللحين لكل الناس حقين الفرود في برمجه تفك الفصله ويمشي الموتر وحقين الجموس بعد في برمجه تفك الفصله ويطير 

--------
يعني قطاع الطرق معدهم مثل اول اللحين مواترهم تمشي مشي موب صاحي يانهم يخرطون المكينه او مدري وش يسون المهم انتبهوا يالربع وقبل كل شي عليكم بالاذكار والادعيه 

ولاتنسون يقول النبي صلى الله عليه وسلم / من قال حين يخرج من بيته بسم الله توكلت على الله ولا حول ولا قوة الا بالله -قيل له حميت وكفيت ووقيت وتنحى عنك الشيطان 

واسف ع الاطاله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لعنهم الله واحد من العيال يحكني والقصه والله مافيها ولاشي كذب 

كنا متكين مع بعض حول الساعه 12 ليل ودق عليه ابوه وقاله تعال البيت وراح له وقال جدتك توفت خذ اهلك وع الباحه ذحين انا جايكم بكره 
طبعا احنا بالطايف وعطاه سلاح مسدس وقال لاتستخدمه الا في وقت الحاجه ويقول والله وخذيت اهلي ومسكت الخط
وويقول الا وراي كابرس اس اس وجمس قدييم ويحاولون يحدون فيه دق ع ابوه قال اطلق ولا عليكك يقول الادمي هديت ع جنب وانزل السلاح واطلق ع البودي حق الكابرس 
وفي الجو يقولي ورب الكعبه هجووو فقعوا يقول ورب الكعبه ياعشت رعب ماعشته بحياتي يقول تخيل لو مامعي سلاح 


up 0 down 0
do8sh 208
قبل 5 سنه و 11 شهر



اسفير فديتك انا منيب صغير واعرف وش تقصد   بس فكر بكلامك شوي قطاع طرق ومعهم سلاح وهم اربع سيارات ومسلحين وانت واحد وداخل السياره ونفرض ان معك قنابل ههههههههه عشان تفهم شوي.  ترا يمديهم يطلقون علا كفراتك وانت تمشي علا فصلت موترك وهي١٨٠ ونفرض انك طلعت سلاحك وقعدت تطلق لين شبعت بل اخير بيقفونك ويذبحونك وياخذون سيارتك وفلوسك ولاحد شافك ولاحد درا عنك.  وخل قنابلك تنفعك عاد ههههههههه. 


up 0 down 0
مراجل 194
قبل 5 سنه و 10 شهر