الصيانة الصيانة

اشكت عند وزارة التجارة
مافادوك قدم شكوى على الادارة الاقليمية للشرق الاوسط في دبي ابحث عنها وعلمهم باللي صار

انا مره كنت بتوكيلات الجزيره دخلت موتري اصلحه وخربوه وقالي هذا من اول 
شويت طريقه دايم اسويها 

خلك معصب وانك خربتوا سيارتي وتسبهم والناس تطالعك وشوف كيف يعاملونك 

صلحوا سيارتي وهم مايشفون الدرب 
وبعدين غير الزيت القير برا فيه ورش منتازه يارجال الوكاله صارت توظف من هب ودب يتعلمون عندنا صدق والله

من كثر مواضيع تغيير زيت القير والتخوف من التخبيط بغد تغييره واقتراحات شفط علبة وصي علبة كانها عملية قلب مفتوح والا عملية جراحية نادر نجاحها وطرق البعض بعد تغيير زيت القير الغريبة والغيرموثقة علميا من الصانع صارت الناس تتخوف بل البعض صار مايغير زيت القير مع الفلتر لمسافات تتعدى الموصى بها لدى الصانع.
لو كل واحد يلتزم بالطريقة الصحيحة لتغيير الزيت والفلتر للقير ويترك عنه الخوف والوسوسة كان ماوصلنا لهالمرحلة ومرحلة الابتكارات الغريبة من البعض وكانها مذكورة حرفيا في صيانة تغيير الزيت والفلتر للقير.
توكل على الله واشتري زيت اصلي مع فلتر اصلي ولوزامهم للتغيير ورح عند ميكانيكب فاهم وان شاء الله مافي الا كل خير.

ياخوي الورقه ماتوقعها الا في حالة تاخرت عن تغيير زيت القير.. مثلا 
يتغير عند 80الف وجيتهم عند 100 الف في هذي الحاله يسقط ضمان القير فقط اما انك توقع اخلاء مسؤلية عشان ماغيرت قماشات عندهم هذي نصب ولالها علاقه بزيت القير وضمانه اذا موضف وزارة التجاره مايعرف الشي هذا هذي مصيبه 

وين وزارة التجارة عنهم... والا بس اسم على الفااضي وزارة التجارة حماية المستهلك

اخوي الله يكون في عونك
بصراحه وكلاء السيارات في السعوديه الله المستعان بس
سياسة شفط جيب العميل والتطفيش
بالنسبه لزيت القير
ليه شركات السيارات ما تسوي زي شركة كيا من ناحية القير وزيته
انا معي سيارة كيا كادينزا ومكتوب في الكاتالوج زيت ناقل الحركة وناقل الحركة لا يحتاج الى صيانة طوال عمر السيارة
طبعا انا من باب الاحتياط غيرته على ١٥٠ الف كم وماشاء الله باقي فيه عمر
واعرف واحد غيره على ٢٥٠ الف كم والحمدلله ما صار فيه شي
ليت كل الشركات يسوون كذا زي شركة كيا ويرتاحون من شي اسمه قير وزيت قير
تحياتي لك اخوي وكان الله في عونك

مرة ذهبت مع زميل لي الى وكالة الجميح قسم الصيانة وتحديدا وحدة المكيكانيكا.......... وكانت المفاجأة ان الفنيين الذين يصلحون ويشتغلون على السيارات هم متدربين من المعهد المهني والصناعي بالدمام ..... وليس متخرجين وتم توظيفهم لالا مازالوا متدربين على التدريب .. والدليل الزي الخاص بهم مكتوب عليه المعهد المهني والفني . قسم التدريب. والمشكلة مو اي احد مسموح ممكن يدخل قسم الصيانة فقط باذن مدير الصيانة او ورقة سماح من عنده. وش ترجون من وكالة عمالها ومهندسيها متدربين على سيارات بمآت الالاف. والله المستعان

كل الوكلاء و الورش الكبيرة عندها هذا النظام 

مهو ففط العيسى 

الوكالة لاتقربها الا اذا باسيارتك خلل وداخل الضمان .... عندك ورش بسيطة وشغلهم جبار .... الوكالة لو الواحد مشى على المخطط المرسوم بالصيانه عندهم راح يدفع نصف قيمة السيارة صيانه ...اسمهم وكالة وبالحقيقة لو شفتهم من داخل وشغلهم غسلت يدك .. صناعية ام الحمام افضل منهم

تصحيح العيسائي وليس العيسى 

اخواني انا رحت العيسائي الي في جدة طريق المدينة

وكان ودي اخذ باجيرو

بس للاسف لاحظت كثير ناس تشتري موديلات جديدة ولكن للاسف يعرضوه للبيع وهو ما كمل سنة وانا متخوف من هذه المشكلة رجاء خاص اخواني انكم تفيدوني مع العلم انه ارخص جيب وجدته جديد

اذا سيارتك لسا ماتعدت ال ٦٠ الف. فمال امه دخل يوقعك على نموذج اخلاء مسؤليه
لان السياره مازالت على الضمان بغض النظر وين كنت تسوي لها صيانه
وكيل فاشل انصحك بمتابعة شكواك عليه وعدم ترك مجال لهم

جرب تروح فرع ثاني للوكاله 

السلام عليكم اخواني .. شاكر لكم تفاعلكم والله يوفقكم دنيا واخره .. ابشركم تم حل المشكلة رغم انف الوكالة وعن طريق وزارة التجارة 

وماوقعت اي ورقة .. كلمني مديرهم بعد مارفعت بلاغ جديد بعد ردهم التعيس بحجة بريكات وخرابيط والله شي يضحك .. وقال معليش حصل سوء تفاهم من الموظف

وحنا كنا نغير قبل بس بعض الزباين يخرب القير برا ويجي عندنا نغيره له ويخرب ويحطها براس الوكالة عشان كذا حنا قلنا اذا مو ملتزم بالصيانه ماتمشي 

قلت بالعقل اذا عندك مكيانيكي زين ويفهم بيعرف القير اذا فيه مشكلة قبل يسوي اي شي من تعشيقاته ومن لون الزيت وانا ماجيت عندي مشكلة جيت ابي اغير بس 

المهم اعتذر وقال جب السيارة وتعالي ومعليك بندخلها ونغير الزيت .. طبعا بعد مماطلة شهر ونص معهم ومع تدخل وزارة التجارة 

يعني لولا الله ووزارة التجارة الي اكن لها كل الشكر على حفظ حقوقنا من هل البشر الطماعه كان ماسوو شيي 

طبعا السيارة ماشيه الان 55 الف ولا ني طاب عندهم مره ثانية لان الظمان 5 الاف وبينتهي 

الله يوفق الجميع ويسهل اموركم يارب