استشارة .. محذوف

اول شيء حسب ما فهمت الشغل ما كان بالشكل المطلوب و الصوت ما اختفى بشكل كامل

الشيء الثاني اكيد هي باقي بذمتك انت اللي تركت القطع الرجال ما سرقك او قالك ما تنفع وضحك عليك

انت خليت القطع برضاك ومالك حق تسحب عليه بالفلوس

بس يابو خليل ,, الرجال اتفق معي على المبلغ اللي هو ناقص 200 ريال وكان كل شيء تمام بس انا مدري وش جاني على الطريق وقلت اتصل عليه واشوف وش القصة واحسه كان ناسي انه كان محدد لي السعر القديم وهذي تسعيرة جديدة

ملاحظة :: ما ابغى احصل مخرج من الدفع كلها 200 ريال ما تأثر لكن انا والله محتار لان لو بروح اعطيه الـ 200 ريال رح اكلمه على الزر والقطعة وما اتوقع رح يفيدني بشيء ممكن ياخذ الفلوس ويقلي مالك شيء عندي والرجال طيب وهو يكون عم خويي وعزيز علي وما ودي يصير زعل ولا هو ولا خويي ما احد جا كلمني بخصوص الموضوع

معي نفس سيارتك نفس المشكلة عندي طقطقة في الدركسون ولمبة eps شغالة 
وعندي لفة الدركسون يمين طويلة لدرجة انه يحك الكفر اذ لفيت لااخر شي 
ولفة اليسار عادية 

لا الحمدلله لفة الدركسيون متوازنة ومافيها اية مشكلة

بس المشكلة اللمبة والطقطقة بشكل غير ملاحظ غير إذا طفيت المكيف وطفيت كل شيء ممكن تسمع شيء خفيف جدا وهي واقفة السيارة 

ممكن ما كلموك مراعاة لظروفك 

و ممكن هو ماخذ القطعة ارخص من السعر اللي قالك عليه وكان يبي يتكسب منك اكثر

لاتقول طيب ومن هالكلام كثير طيبين بالاسلوب والاخلاق ولكن تجي للضمير ميت

وانت تشوف قيمة الزر و الشيء الثاني اللي تقول خرب يستاهل 200 تخصمها او لا

والله يالغالي بالنسبه لي ما يجيني النوم لو البقاله يطلبني نص ريال حق المويه واعطو الاجير حقه قبل ان يجف عرقه , نصيحه لو اني منك رجعت له فلوسه واعتذرت على التاخير وصدقني ماكلموك عشان مايحرجونك رح وقلهم ابي اغراضي القديمه واعطيكم فلوسكم

اخوي ابو خليل :: والله لو بسوي فحص كمبيوتر اتوقع بـ 100 إلى 150 ريال سعر الفحص لكي اكتشف مشكلة الـ EPS وطبعاَ المشكلة هذه لها علاقة بالقطعة التي تم تغييرها ..

اخوي قرووص :: كلنا مثلك والله على ما اقول شهيد ما اقدر انام لو واحد له حق عليي بس ياخي الانسان هذا محتار معاه مدري هل انا لي حق معاه او هو له حق معاي عشان كذا قلت انزل موضوع واقطع الشك باليقين

ماعليك منه شغله لصمقه ماضبطها لك يكفي القطع الباقيه فيها نص عمر يبيعها على واحد ثاني

ابو ياسر الله يهديك كيف تتفق معاه يجيب قطعة من التشاليح بدون مايوريك وش فك وايش ركب كانت عندي نفس السيارة ونفس المشكلة وصلحتها وامرها تافه


طقطقة الدركسون بخصوص هذي المشكلة كانت عندي النترا 2010 طقطقة من الدركسون نفسه طبعا الدركسون كهربائي مابقيت مكان مارحتله اخر شي رحت لكهربائي سوري مشهور قالي سيارات هونداي كثيرة مرت علي والحل انك تبدل دينمو الدركسون من التشليح(المحرك الكهربائي) ووبعدها رحت الوكالة وقالوا نبدل الدركسون كامل(علبة الدركسون داخل السيارة بس) يكلف 8600 بعد الخصم . والتشاليح يبيعون دينمو الدركسون بـ1500 طبعا الدركسون يلف معي بدون اي مشكلة بس الطقطقة والفضاوة جننتني انواع الاصوات. بعدها جلست فترة اطقطق في النت لقيت موقع امريكي يشتكون من نفس المشكلة وحلها شي تافه تشتري قطعه صغيرة بلاستيك زي الجلد من الوكالة وتروح لكهربائي فنان يفك الدركسون ويركبها في راس دينمو الدركسون لأن القطعة القديمة متآكلة. فكرتها زي خلاط الكهرب بين اسنان الجيك والخلاط جلدة سوداء صغيرة نفس الفكرة بالضبط اللي عندك في السيارة منتهية الجلدة ويطلع صوت الطقطقة. قيمة القطعة تقريبا 7 ريال صلحتها انا قبل اكثر من سنتين وشغل اليد 200 وبعدها صار استدعاء قبل فترة صلحوها الوكالة على حسابهم رقم القطعة 56315-2K000-FFF

باين عليك انسان طيب وماتحب وجع الراس
شوف اخوي اتصل عليه وقوله بذمتي لك 200
وانا رجال تركت لك قطع السيارة عندك
ويوم تحاسبنا طلعت الفلوس 1600 وباقي 200 من الحساب
القديم اذا تبغاها ارسلك هي مع ولد اخوك
او تعفيني عنها لاني ماابي شي على ذمتي 
ولاعاد تكرر الجمالة الزايدة ذي تتصل عليه وتقوله باقيلك فلوس
موفق اخوي

اخوي روح له واعطيه 200 ما تأثر فيك ... وتلاقيه كلم خويك من فتره بس هو مستحي ... توكل على الله وادفعها والله يعوضك

تلقا خويك اعطاه الفلوس عنك هههههههه 

عموما لو انا منك بعطيه ال200 ريال واقلو على الاغراض القديمه وعلى الزر بدون ما تقلو انت خربتو او اي شي 

شكراَ لكم جميعاَ على الردود بإذن الله باخذ رقمه من صاحبي وبتصل عليه وبقله انه يابن الحلال انا صلحت عندك كذا

واتصلت عليك على انه لك فلوس زايدة عندي وانا تركت عندك القطعة القديمة

وتركت عندك كل شيء والتركيب لك عليه وفي رز طاح للداخل يعني انه التركيب مشي حالك

فأنا ودي أبري ذمتي امام الله إن كنت تبي الـ 200 اليوم تجيك ولاهنت بجي بستلم قطعي القديمة

وإن كنت مسامحنا الله يبيض وجهك .. 

أخوي wifi ::

الطقطقة كانت لما تحرك الدركسيون يمين ويسار او تطلع فوق حفرة يتحرك الدركسيون وتسمع الصوت طق طق هههههه

أخوي x-bariq والله كلامك حسسني إني غبي هههههههههه تدري وش السبب ؟؟؟

لأني لواحد معلم سوري له خبرة فوق 20 سنة وانا كنت شاري السيارة منه تقريباَ وقلتله كذا كذا المشكلة ,, وقلي هذي جلدة جيبها وانا اركبها لك ووراني هي بعد نزلت تحت السيارة وشفتها وما اقتنعت بكلامه وسحبت عليه ورحت عند السباكين ودفعت عندهم المبلغ اللي فوق 1600 ريال

لكن الحمدلله كله لخير

جزاك الله خير يالغالي والله يعطيك العافية على رقم القطعة

محشوم يا ابو ياسر والناس ماخلقت متعلمه 
وكل دقه بتعليمه وانا اخوك .. والله ييسر امك ويعطيك على قد نيتك

المعذرة على الخطا .. اقصد امرك 

صادق والله يالغالي fx2y وأبشركم الصوت رجع من جديد بشكل ملاحظ ههههههههههه

شكلي بكرا بطلع عنده وبتفاهم معاه بعطيه فلوسه وبقلو شوف تركيبك كيف وشوف الصوت رجع وبشوف وش يرد عليي