لو أنتم مكاني وش تسوون
إضغط هنا للإخفاء
السلام عليكم ورحمة الله وبركاته ,,
كان عندي مشكلة بالسيارة هونداي النترا 2011 وهو صوت طقطقة بالدريكسون لما تلف يمين ويسار
وطلعت لواحد يكون عمه لصاحبي عنده ورشة ويقلي خلي السيارة عندي وانا اجيب لك القطعة من التشليح قلتله طيب
خليتها عنده وراح وبعد يومين اتصل علي قال حصلت لك القطعة بـ 850 ريال قلتله شغالة اكيد قال ايه ضمان 3 ايام
قلتله طيب ارجع فك وركب وجرب لو ما ظبطت كلمني عشان نرجعها للتشليح قلي ابشر تم والرجال اخلاقه ممتازة ..
ويرجع ويفك ويركب ويحوس فيها وظبطت معاها ولكن تبقى صوت بنسبة قليلة تقريباَ 10 % لما تحرك السيارة وهي واقفة
ولكن لما تكون ماشية ما تطلع ولا أي صوت ,, ولكن في المقابل إشتغلت عندي لمبة EPS
وحركت من عنده وبعد اسبوعين تقريباَ قلت بضغط زر TRIP وأضغطه ويدخل على جوا ويسقط بالداخل يعني التركيب كان لك عليه شوي
السؤال هنا ::
الرجال اول ما رحت عنده قلي أبغى 700 ريال شغل يد و 850 ريال سعر القطعة وغيرت مساعدات خلفية وجلود مقصات الأربع ..
يعني المجموع حدود الـ 1800 ريال قلتله تم وبعدها باسبوع لما جبت له السيارة وخلص من شغله وكل شيء
جينا على وقت الحساب وجلسنا نحسب وكذا وطلع السعر 1600 ريال تقريباَ شامل سعر شغل اليد يعني الرجال مدري هو لخبط ولا إيش ..
والقطعة القديمة حقت الدركسيون بقيت عنده ما اخذتها والمساعدات القديمة بقيت عنده ما اخذتها ..
انا حركت من الصناعية وصلت نص طريق البيت وكذا وقلت في نفسي ياخي الرجال يمكن لخبط وحرام ومدري إيش ..
وجيت إتصلت عليه على الجوال وقلتله ترا القصة كذا كذا قلي ارسلي ال 200 ريال مع ولد اخوي اللي هو صاحبي
قلتله طيب إن شاء الله والسالفة لها 3 أو 4 أشهر وما ارسلتها له ولا أحد كلمني بعدها لا هو ولا صاحبي وتدرون عم صاحبي وصاحبي عزيز علي جداَ وما ودي اقله انا خليت عندك كل القطع القديمة وكذا
الأن قبل كم يوم تذكرت السالفة و كل شوية اجلس أفكر فيه اقول لا يكون الرجال له في ذمتي شيء ولا ..
ادري الموضوع طويل لكن مهم بالنسبة لي ,,
طبعاَ السؤال هنا بعيداَ عن الدين والفتاوي لأني أكيد رح أخذ العلم من المشايخ لكن السؤال هنا انت لو مكاني وش تسوي ؟؟ هل تروح تتفاهم انت وهو او تسحب على الموضوع ؟؟
وطبعاَ اللي مخليني أسحب أنه المشكلة باقي شيء بسيط منها والقطع القديمة عنده يمكن يستفيد منها وزر TRIP سقط على الداخل وهذا يعني انه التركيب كان تقريباَ لك عليه شوية ..
تحياتي لكم اخوكم ابو ياسر ..
إبلاغ
الردود
ملاحظة :: ما ابغى احصل مخرج من الدفع كلها 200 ريال ما تأثر لكن انا والله محتار لان لو بروح اعطيه الـ 200 ريال رح اكلمه على الزر والقطعة وما اتوقع رح يفيدني بشيء ممكن ياخذ الفلوس ويقلي مالك شيء عندي والرجال طيب وهو يكون عم خويي وعزيز علي وما ودي يصير زعل ولا هو ولا خويي ما احد جا كلمني بخصوص الموضوع
0 0
وعندي لفة الدركسون يمين طويلة لدرجة انه يحك الكفر اذ لفيت لااخر شي
ولفة اليسار عادية
0 0
بس المشكلة اللمبة والطقطقة بشكل غير ملاحظ غير إذا طفيت المكيف وطفيت كل شيء ممكن تسمع شيء خفيف جدا وهي واقفة السيارة
0 0
و ممكن هو ماخذ القطعة ارخص من السعر اللي قالك عليه وكان يبي يتكسب منك اكثر
لاتقول طيب ومن هالكلام كثير طيبين بالاسلوب والاخلاق ولكن تجي للضمير ميت
وانت تشوف قيمة الزر و الشيء الثاني اللي تقول خرب يستاهل 200 تخصمها او لا
4 1
2 0
اخوي قرووص :: كلنا مثلك والله على ما اقول شهيد ما اقدر انام لو واحد له حق عليي بس ياخي الانسان هذا محتار معاه مدري هل انا لي حق معاه او هو له حق معاي عشان كذا قلت انزل موضوع واقطع الشك باليقين
0 0
1 1
طقطقة الدركسون بخصوص هذي المشكلة كانت عندي النترا 2010 طقطقة من الدركسون نفسه طبعا الدركسون كهربائي مابقيت مكان مارحتله اخر شي رحت لكهربائي سوري مشهور قالي سيارات هونداي كثيرة مرت علي والحل انك تبدل دينمو الدركسون من التشليح(المحرك الكهربائي) ووبعدها رحت الوكالة وقالوا نبدل الدركسون كامل(علبة الدركسون داخل السيارة بس) يكلف 8600 بعد الخصم . والتشاليح يبيعون دينمو الدركسون بـ1500 طبعا الدركسون يلف معي بدون اي مشكلة بس الطقطقة والفضاوة جننتني انواع الاصوات. بعدها جلست فترة اطقطق في النت لقيت موقع امريكي يشتكون من نفس المشكلة وحلها شي تافه تشتري قطعه صغيرة بلاستيك زي الجلد من الوكالة وتروح لكهربائي فنان يفك الدركسون ويركبها في راس دينمو الدركسون لأن القطعة القديمة متآكلة. فكرتها زي خلاط الكهرب بين اسنان الجيك والخلاط جلدة سوداء صغيرة نفس الفكرة بالضبط اللي عندك في السيارة منتهية الجلدة ويطلع صوت الطقطقة. قيمة القطعة تقريبا 7 ريال صلحتها انا قبل اكثر من سنتين وشغل اليد 200 وبعدها صار استدعاء قبل فترة صلحوها الوكالة على حسابهم رقم القطعة 56315-2K000-FFF
2 0
شوف اخوي اتصل عليه وقوله بذمتي لك 200
وانا رجال تركت لك قطع السيارة عندك
ويوم تحاسبنا طلعت الفلوس 1600 وباقي 200 من الحساب
القديم اذا تبغاها ارسلك هي مع ولد اخوك
او تعفيني عنها لاني ماابي شي على ذمتي
ولاعاد تكرر الجمالة الزايدة ذي تتصل عليه وتقوله باقيلك فلوس
موفق اخوي
2 0
1 0
عموما لو انا منك بعطيه ال200 ريال واقلو على الاغراض القديمه وعلى الزر بدون ما تقلو انت خربتو او اي شي
1 0
واتصلت عليك على انه لك فلوس زايدة عندي وانا تركت عندك القطعة القديمة
وتركت عندك كل شيء والتركيب لك عليه وفي رز طاح للداخل يعني انه التركيب مشي حالك
فأنا ودي أبري ذمتي امام الله إن كنت تبي الـ 200 اليوم تجيك ولاهنت بجي بستلم قطعي القديمة
وإن كنت مسامحنا الله يبيض وجهك ..
0 0
الطقطقة كانت لما تحرك الدركسيون يمين ويسار او تطلع فوق حفرة يتحرك الدركسيون وتسمع الصوت طق طق هههههه
0 0
لأني لواحد معلم سوري له خبرة فوق 20 سنة وانا كنت شاري السيارة منه تقريباَ وقلتله كذا كذا المشكلة ,, وقلي هذي جلدة جيبها وانا اركبها لك ووراني هي بعد نزلت تحت السيارة وشفتها وما اقتنعت بكلامه وسحبت عليه ورحت عند السباكين ودفعت عندهم المبلغ اللي فوق 1600 ريال
لكن الحمدلله كله لخير
جزاك الله خير يالغالي والله يعطيك العافية على رقم القطعة
0 0
وكل دقه بتعليمه وانا اخوك .. والله ييسر امك ويعطيك على قد نيتك
1 1
1 1
شكلي بكرا بطلع عنده وبتفاهم معاه بعطيه فلوسه وبقلو شوف تركيبك كيف وشوف الصوت رجع وبشوف وش يرد عليي
0 0
الشيء الثاني اكيد هي باقي بذمتك انت اللي تركت القطع الرجال ما سرقك او قالك ما تنفع وضحك عليك
انت خليت القطع برضاك ومالك حق تسحب عليه بالفلوس
6 1
قبل 8 سنه و 7 شهر