أضف سؤال أو موضوع جديد          

العسكري يفتش سيارتي ويقولي وين الحشيش ؟؟؟؟؟؟

up 27 down 13
abdullahalharbif15 754
قبل 6 سنه و 4 شهر



بسم الله الرحمن الرحيم

بقولكم موقف حصل معي اليوم وللحين مستغرب منه وقاعد افكر فيه 

طبعا اول شئ سيارتي جينسس الشكل الجديد ومضللها كتم (( طبعا مضللها لسبب خاص اعتذر عن طرحه ))

ومضطر اني اضللها .. ولا من يوم ما طلعتها من الوكالة ولا قد ضللتها الا هالاسبوعين لسبب خاص

كنت طالع الساعه 6 رايح محل النظارات استلم نظارتي 

وكنت فاتح الشبابيك ومقفل المكيف ورابط الحزام ونظامي .. وكانت في دورية شرطة بتاخذ اليوتيرن 
وانا مشيت من قدامهم وشفتهم يناظرون فيني وعرفت انهم بيوقفوني

والله وياخذون اليوتيرن ويدعسون ويجون خلفي ويوقفوني على جمب 

وقفت وجاني العسكري وقالي اثباتك والاستماره .. عطيته الاثبات والاستماره 
قالي ارفع القزاز .. رفعت القزاز وشاف التضليل وقال ليه مضلل .. وقلتله سبب التضليل 

قالي افتح الشنطه وافتح الابواب وانزل من السياره 

فتحت الشنطه وفتحت الابواب ونزلت 

وركب السياره وقعد يفتش فيها وقربعها .. كل الاشياء الموجوده بالادراج طلعها ورماها في الارض ورمى الاوراق في كل مكان 

وقعد يفتش بشاشة السيارة !! 

المهم وينزل خويه .. ويجيني ويقولي وين ساكن .. قلتله بهالحاره 

طبعا يكلمني .. واذا رديت عليه يطنشني ويعطيني ظهره ويمشي 
واقعد امشي خلفه 

طبعا دخل ويتفش السياره بعد ما فتشها خويه 

بعد جاني يقولي وين الحشيش ؟ 
قلتله يا رجال اذكر الله ما معي شئ

راح يناظر فيني بنص عين ويمسك وجهه ويقولي ابوك يدري انك تحشش ؟ 
قلتله ي رجال وش لنا بهالعلوم ماني حقها ولا اعرف لها 

قال اييييههه ايييهههه ترضى ولدك يحشش ؟ .. قلتله لا ما ارضى 

المهم وبعدها يطقطقون عليا هو وخويه 

ويدخل السياره ويفتش الشاشه 
ويقول لخويه (( خوينا طلع راعي شيلات مسرعه )) 
والثاني يضحك يقوله طلع حق هجولة 

المهم ما حصلوا اي شئ بالسياره .. المهم قالي انتظر هنا ( بالشارع )
وركبوا الدورية وجاء قالي خذ هذه مخالفة تضليل .. وهالمرة بنمشيك عشين ظروفك 
ولا تبيني اعطيك مخالفة ب500 ريال ؟ .. قلتله لا لا ما يحتاج ، الله يعطيك العافيه ومشيت 

واضح ان العسكر صغار بالسن 
واحد مركب تقويم والثاني شايل شعر وجهه 

والله يا اخوان انهم غبنوني 

ياخي فتش السياره وعطني مخالفة وخلني اتوكل على الله
اما انك تعطلني وتقعد تطقطق عليا وتتكي بسيارتي وتسولف مع خويك 

وبس 

حبيت اقولكم السالفة بس 

ولا في عسكر ينحطون عالراس .. قبل امس وقفني عسكري بتفتيش وسالني ليه مضلل وقلتله السبب وقالي توكل على الله والله يستر عليك وقعد يدعي لي 

اتمنى محد يسأل عن سبب التضليل .. وادعوا لي بالشفاء 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المفروض اخذت رقم الدوريه واتصلت على العمليات وطلبت ظابط خفر واناظرته يجيك بالموقع وخليت كل شيء على حاله لان النظام يقول تفتش وترجع كل شيء مكانه 


up 1 down 1
كبادي 6
قبل 6 سنه و 4 شهر



طبعا انا اذا وقفني عسكري وقعد يطقطق علي اقعد انا نفس الشيء اطقطق عليه وانا اعرف بعض العسكر اذا شاف سيارتك كويسه وشبابيه وغاليه وقفك وابتلاك اما حسد او اشتباه كما يسموه وبعضهم يبحث عن قبيله معينه او منطقه اذا عرف انك منها قام يبتليك وهذا شيء حدث لي شخصيا ، اذا قالي وين الحشيش اقوله خذ راحتك ودور وفك حتى الكفرات وحط رجل على رجل وروق وانت مبتسم واتحداه يودين القسم وانا سليم ومب راعي خرابيط


up 1 down 0
ابوعابدالله 81
قبل 6 سنه و 4 شهر