نبي معلومات حول لاندكروزر الربع تويوتا كبسوله

سمعة هذه السيارة سيئة لماذا تريدها ؟

لانها ماتخرب وتسود وجهي في البر وانا طالع افلها واستانس.. بس

يازين البوليسي 2009 شد بلد ماتسوي فيه شي بوكالته 

نزل البخاخ من موديل 2000 وشالوا السست الأمامية من نفس الموديل . 

بيض الله وجهك.. هل انت متأكد يا رعد؟ 

الاخ سكودر..  وضح مافهمتك! 

نعم يا أبو نورا متأكد من المعلومة . 

هههههههههههه لا ابد طال عمرك مافيه شي بس تذكرت الربع 2009 بوليسي حق خويي ايام المقناص والاجواء االخرافيه  ماقصر معنا بيض الوجه 

صدقت ياسكودر ولاهنت يارعد بيض الله وجيهكم 

الشجرة المثمرة هي التي ترمى بالحجارة..
وان صح ما قلت فلا حرج "مادام ما اكون كل يوم على ظهر سطحه بسبب طرومبه ولا خرطوش ماء ولا مروحه ولا دينمو" !! 
شخباركم ياحقين الأمريكي والباترول.. 

مع احترامي الشديد هذي السيارة ليست للأستخدام المدني

مع اني من عشاقها لكن حجمها لاهو الي يشيل ربعي ولا اهلي

نفسي ابيع الاف جي وارجع للربع 
اشهد انه سيارة 
بس المشكلة الوالد رافض بسبب السمعه مع العلم 
انا لا لي بالترفيع ولا النصب ولا المبزرة 
ابيه لان من جد من اونس الجيوب اللي سقتها 
بالبر طبعا 
حسبي الله على ها المبزرة اللي مخربين سمعته 
مالقوا غير الربع 


جربت الفتك والاف جي صح انهم اقوى بس الوناسه 
بالربع 

والله يابن الحلال الموتر خفيف وكفو وجووده عااااليه..  وانا ماحب كل يوم في ورشه وكل مره تخرب طلعه ووووالخ..  عشان سمعه وماسمعه...  انا ابي اتمشى واطرب بهالبران وانا مرتاح نفسياً..  صح من عيوبه القساوه والضيق والسمعه على قولتكم لاكن ايجابياته تغطي..
مشكورين واحلا تقييم 

ألربع حق جبال ماهو صحاري 
عندك الفتك او الباترول السلقه حق حرس الحدود 

ارخص ودبلاته افضل ويكد 

اصلا لو تطلع على يدك اي سياره بتبيض وجهك لين تبيعها
ماهي قصه ربع ولا باترول 

خذ على يدك لانك لو لقيت مهلوك سوا اي شركه ببيطفشك

وبعدين اللي تبيه ذا سعره غالي اغلى من الجديد 
ّالشريطيه مستلمينه صح 


تصدق لو تأخذ باجيرو ربع 2016 انه احسن لك 

وسعره جديد في بحر 80

كلامك صحيح في جزئية ان الربع تويوتا مستلمينه الشريطيه ورافعينه..  واما الباترول اذا..  اذا..  لقيته نظيف وحافظت عليه بيمشي معي اوكي صادق بس المشكله وين تلقى نظيف..  لاتقول جديد لان ميزانيتي ماتسمح..  الف شكر 

الربع  من موديل 92  صارت المكاين 24 بلف. من موديل 2000 بخاخ ونفس حجم المكينه 4500 من موديل 10 راسين ونفس حجم المكينه الربع جبار قوي حق كد ويتحمل لكن خط سفريات مينفع وعلى فكره مراح تلقاء نظيف بحكم اقتناء الشباب  ل ربع وذا حصلت نظيف.  تحصله بسعر الوكاله 2015

كيف تقول مايخرب ويبيض وجهك وماتبي تتعطل
بسبب طرمبة او دينمو ؟؟ههههههه

تراه كتلة حديد مافيه روح
تتوقع لو خرب عليك بالبر دينمو انه كفو وبيبيض وجهك
ويمشي والدينمو خربان؟ 
بيمشي بك على البطارية 10كيلو بالكثير وتتعطل
زيه زي اي سيارة
ترى هي قطعة لها عمر وينتهي وتورطك فاي موتر

وتراه زي باقي السيارات الامريكية والصينية والالمانية
فيه دينمو وسلف ومروحة ورديتر مافيه ابداع هندسي
قطع لها عمر وتخرب

لكن هي سيارة جيدة وتتحمل ايضا الباترول نفسه
لكن اذا ماكان الموتر جديد او ماهو نظيف توقع منه اي شي

تحياتي

وعليكم السلام
اخوي الربع
من اول موديل حتى 2006 سست 
ومن موديل 2007 الى اخر موديل ياي امام
وافضل دفرنسات اتت على التايوتا الربع والشاص من موديل 2002 حتى 2009 
واسوء دفرنسات من موديل 2000 حتى اخر موديل ,,كثر كسر الكارونه 
وافضل مكينه من موديل 2002 الى موديل 2009 
ياتي بعدها من موديل 2000 الى موديل 2009 ام راس احد ولذا تجد قيمة ربع موديل 2007 اغلى من  ربع موديل 2013 ام راسين