كيف تعرف القطعة الأصلية لسيارات GM من شركة ACDelco

14 4

لايمكنك التصويت حتى الحصول على 20 نقطة على الأقل
إضغط هنا للإخفاء

الصـاعدي 129
قبل 8 سنه و 7 شهر

سلام عليكم و رحمة الله و و بركاته




قبل كم سنة سألت عن أقمشة فرامل لكابرس 1993 في محل قطع غيار و قال فيه و بـ 50 ريال سألته أصلية؟ قال ACDelco أكيد أصلي لكن ما اشتريتها لإني كنت أدور قطع للجمس و بعدها بفترة كنت في بالبيد و سألت عن الأقمشة الأصلية و قال بـ 200 !!! (وقت ما كان ماسك وكالة GM) صراحة استغربت فرق السعر قلت صح الوكالة تكون أغلى لكن مو بالشكل ذا 4 أضعاف؟؟!!




و قبل 8 شهور تقريبا كنت أدور على قطع في النت و دخلت على موقع ACDelco و دخلت على كتالوج القطع و قريت شوي في موقعهم و لفت انتباهي شيء الكل ما يعرف عنها شيء!!!




قبل ما أبدأ حبيت أسأل بشكل عام: ما هي القطعة الأصلية؟




 تقريبا الجواب بيكون هي القطعة اللي بتكون راكبة على السيارة أول ما تشتريها جديدة وكالة و تكون جودتها عالية. اتفقنا؟ تمام




يعني إن قطع الغيار من شركة GM هي الأصلية و الين ذحين ماشين تمام




لكن يبقى السؤال: هل قطع ACDelco أصلية؟ أو إنها زي الشركات الثانية ؟(مع العلم إن شركة ACDelco تتبع شركة GM)




إن شاء الله بنعرف الشيء هذا و كيف نفرق بين القطع الأصلية و القطع ذات الجودة السيئة




أول شيء ادخلوا هذا الرابط: http://www.acdelco.com/parts/classifications




فالصفحة موجود أنواع أو تقسيم منتجات ACDelco و شرح في ما معناه




النوع الأول GM Original Equipment GM OE :  القطع المركبة وقت تصنيع سيارات GM و هي مصنوعة أو مصممة بنفس جودة القطعة الأصليةأو أعلى




النوع الثاني ACDelco Professional : هذا النوع من المنتجات ما بعد البيع و تغطي غالبية سيارات GM و بعض السيارات من شركات أخرى و هي ذو جودة عالية و تعتبر بديل للنوع GM OE




النوع الثالث ACDelco Advantage : لمعظم السيارات و الموديلات و مشابهة لـ GM OE و لكن بأسعار أكثر جاذبية و هذا يوفر بديلا لأسعار ما بعد البيع (professional) 




النوع الرابع Specialty : مصممة لجهة معينة مثل منتجات الفرامل المصممة لسيارات الشرطة












ذحين عرفنا إن القطعة الأصلية تكون من مصنع GM (إذا افترضنا ما فيه تنويع للمنتجات زي ACDelco لإني دورت قد ما أقدر و ما لقيت شيء عن تنويع منتجات GM) أو تكون من شركة ACDelco و لكن من نوع GM OE












ذحين بقى كيف نعرف إذا القطعة كانت من نوع GM OE












الطريقة الأولى تجيك القطعة في كرتون بني زي اللي فالصورة




http://i.ebayimg.com/00/s/MTA2MlgxNjAw/z/lTIAAOSwEK9ULxXF/$_1.JPG?set_id=880000500F








و أخذت أكثر من قطعة بنفس الطريقة في كرتون بني و اللي اتذكر أخذته أقمشة بليزر 2006 قدام و ورى و فلنجة قدام
 و مروحة مكيف كابرس 1993 غيرتها تقريبا قبل سنة و 7 شهور و ما شاء الله السيارة معمرة معنا لها أكثر من 18 سنة و وقت ما فكيت القديمة لقيتها نفس الرقم و نفس مكان الصناعة




و على قد ما شفت من قطع أصلية تكون مصنوعة بس في USA أو كندا




الطريقة الثانية تلقى تحت ACDelco و اسم القطعة كلمة Original Equipment زي الي فالصورة








http://store1.up-00.com/2014-11/1415181746321.jpg








 ذي الطريقة اكتشفتها قريب و أتوقع نادر ما تصير




و أي قطعة تلقاها في كرتون ACDelco في كرتون أزرق و أبيض 










و بالنسبة للبواجي و الفلاتر من الأخير أعطيكم إياها (على قد ما شفت) : ما يجيبون لك الأصلية خير  شر أقصد من صناعة GM لإني قريت رابط في موقع ACDelco (بس المشكلة ضيعته) إن جميع الفلاتر و البواجي من نوع Professional








يعني الوكالة تجيب لك فلتر من نوع Professional و يقولون لك احنا الوكالة و ما نجيب غير الأصلي!!!!








طيب نجي للبناشر تغير زيت و إذا سألته عن السيفون أصلي؟ بيحلف بالله اليماني إنه أصلي و يوريك إنه ACDelco و يقول لك إنه حق الشركة و أكثر من 90% من البناشر اكتشفت إنهم نصابين و كذابين يجيبون فلاتر زيت من نوع Duraguard و هذا النوع ما هو موجود في موقع ACDelco و بحثت عنه لقيت أجنبي له سنين طويلة يستخدم فلاتر ACDelco لكن بعد ما لقى النوع ذا قرر يسيبهم و يروح لشركة ثانية و هذا الرابط  




http://www.hotrodders.com/forum/do-not-buy-ac-delco-duraguard-oil-filters-71883.html








زي اللي فالصورة








Ihttp://assets.suredone.com/1720/media-photos/021625388380-acdelco-duraguard-oil-filter-pf2232-new-3.jpg








و تلقى عليه مصنوع في أمريكا أو USA




و نوع Professional اللي ما يجيبونه اللي تجيبه الوكالة و بعض محلات القطع و ما هو الأصلي للسيارة لكن يعتبر الأصلي لشركة ACDelco و الأصلي للسيارة يكون من شركة GM












https://encrypted-tbn2.gstatic.com/images?q=tbn:ANd9GcTo1iCUVH1dBwoHTShIywOLtsQ3BaPpAOqYepoCwjJHgwfp8fS-Kg









معلومة أخيرة علمني بها واحد يشتغل في محل التقوى جدة ك2 الله يعطيه العافية بعد ما اتصلت عليه و أعطيته رقم أقمشة الفرامل قال عندي اللي أقل جودة منها و إذا كنت تبغى تعرف فرامل ACDelco الأصلية حقت الوكالة (يقصد من نوع GM OE)[COLOR="Red"][SIZE="6"] تلقى بداية الرقم -171 [/SIZE][/COLOR]




فعلا كلامه صح دخلت موقع ACDelco و دورت فيه أقمشة الفرامل لسيارات بشكل عشوائي و كل الأرقام تبدأ -171 و بعضها تجيك في كرتون بني زي أقمشة بليزر 2006 اللي قدام أو في كرتون ACDelco أزرق و أبيض زي أقمشة كابرس 1993








يعطيكم العافية و اعتذر عن الاطالة

مع العلم الموضوع نزلته قبل كذا في منتدى السيارات و مكشات

إبلاغ

الردود