لو خيروك الجديد ام المستعمل

بالنسبه لي اخذ سياره جديده مثل كورلا او النترا او سنترا ولا اخذ سياره فخمه لاكن قديمه بسبب سوء الاستخدام وسوء الطرق وقله الصيانه و و و

+1 لايك للجميع

في السعودية ما يصلح غير جديد 

الحفر اللي في الشوارع تكسر اي سيارة 

تخيل تدفع مبلغ كبير و بعدين تروح تسوي لها صيانة في الصناعية عند السباكين


اما عن نفسي انا من الإمارات اشتري جديد او مستعمل ما عندي مشكلة الحمدلله مافي حفر و شوارع من أفضل الشوارع في العالم 


موفق 

لو تشتري سيارة دفع رباعي افضل 

حرام تشتري سيارة جديدة صغيرة و تتكسر من الحفر 

تحياتي 

المستخدم انت وحظك ياتصيب ياتخيب

على حسب اذا كنت ابيها حق خطور
لا والله الكورولا والالنترا ما تنفع باخذ امبالا  او افلون
اما لو اني ابغاها حق مدينة باخذ كورولا او سنترا او مازدا 3 إلخ
لأنها جديدة واقتصادية وحجمها متوسط وتصلح للزحام

لو انت فاهم بالسيارات و تشخيصها و صيانتها و تقدر تفحص المستعمل بنفسك عشان تعرف انه قديم او لا فا خذ قديم .


و نصيحتي لك الواحد يشتري راحته يعني خذ جديد علی يدك لان القديم صعب تفحصه صح 100% عشان تضمن ما تدخل في مشروع اعطال كبير 

اخذ لي فورد ولا آفلون او امبالا 
ولا احط مبلغ ٦٠ الف ولا ١٠٠ الف  
على سيارة صغيرة انترا ولا كورلا وبعديين 
المستعمل فيه غش وينغش الغشيم اللي ماله خبره بالسيارات 
وعلى نياته بس ماهو معناه ماتحصل مستعمل نظييف 
انا من تجربتي شريت اكثر من سياره مستعمله بس اخذها ممشاه 
من ١٠٠ الف وتحت وتكد معي بس ياما انغشييت بسيارات بس الحمدلله 
تعلمنا الحيين ..

بنسبه شوف لو انت مبلغك ع قد حالك ولا تبي مشاكل بسياره لمده طويله خذ لك من الوكاله
بس لو تبي تكشخ ومعك مبلغ 170 خذ مستعمل نظيف مثل مرسدس بي ام اودي او اي سياره

مشكورين عالرد وتم لايك للكل

انا عن نفسي اخذ مستعمل نظيف وفخم افضل من وكالة واستاندر .. 
والناس اذواق .. بس بصراحة مو زي لمن تاخذ سيارة بريحة الوكالة على يدك مايختلف عليها اثنين

مستحيل يكون معي مبلغ 60 الف واخذ فية كورلا او او النترا
بعطيك مثال وحقيقي قبل سنه و3 شهور سويت حادث وراح موتري تشليح
بعته ب18 تشليح وطلعت قرض 60 الف المجموع كلة 78 الف
فانصحوني الشباب خذلك جديد كورلا فل ولا كامري نص فل 
وانا ديني ودين الوكلاء عندنا واولهم عبدالطيف يشلحون ابو المواتر
قلت مستعمل من المعارض ماش مافية شي والجديد قلتلكم السبب
وانا راغي خطوط والباحه جبالها مايقواها غير 6 سلندر
وسفريات كل شهر مرتين الطايف جدة واحيانا ابها وتبوك
قلت مالها الا الصالات واخذت الكامري 6 سلندر مواصفات كاملة وامان 
ويعلم الله ماندمت على كل ريال دفعته فيها اخذتها اخو الجديد وممشاها قليل
وابد مرتاح معها الى الاخر

وعليكم السلام ورحمة الله وبركاته 

بما أنك حطيت مبلغ ما بين 60 ألف الى 100 ألف 
أفضل الجديد شخصياً ولكن لن أخذ كورولا ستاندر ب 65 ألف  
بل أخذ كادينزا ب 75 على الأقل ستخدمني في الخط ومحرك 6 سلندر 
أما إن تجاوز المبلغ 100 ألف فلن أدفع مبلغ كهذا في سيدان
سأبحث عن جيب نظيف رُغم أني لا أعتقد أني سأجد النظافة المطلوبة.

تقبل مروري +1

وكمان نسيت اقولك اليوكن اخذته بطاقة جمرك 2008
ابيض SLT فل بدون فتحه كلفني قبل سنتين 86 الف قصير
والى الان على وقفة بلدة وافضلة على لكزس ابو 400 الف
يعني الواحد يفكر فيها ادق لانكروزر ب200 الف ولا اخذة اقصاد ب300
ولا يوكن ارجل منه ب86 الف وومشى قليل وفل وجلد وكلام كثير
وهيبة ويطربك في الخط 

اخذ مستعمل نظيف ويكون اقل شي ٦ سلندر 
اما سالفت ادفع ٨٠ الف او ٦٠ الف على سيارة 
٤ سلندر مستحيل 
صح بتفكك من الصناعية لكن والله انا ابي موتر 
اذا جيت اسافر يكون قد الطريق 
لان النترا كورلا كامري سوناتا ماتصلح لي ولا تفيدني 
غير كذا احسب السعر بعد البيع راح يكون لصالح المستعمل 
يعني النترا ٢٠١٥ تشتريها وكاله فل ب ٧٢ 
بعد سنة بتبيعها من ٤٥ الى ٥٠ طبعا اذا نظيفة 
وتكون خسرت مايقارب ٢٥ الف مع الصيانات ويمكن اكثر 
لكن حطها بافلون ٢٠١٠ استخدام امريكي 
او ٢٠١١
واكرفها نفس المده بتبيعها اقل شي ب ٦٥ قول خسرت عليها 
١٠٠٠٠مع القطع الاستهلاكية والزيوت وغيرها  
وتكون اخذت شي اريح وافخم واقوى واطلق مليون مره 
او حطها بباترول ٢٠٠٧ او اف جي ٢٠٠٩ 
جيب ودبل ويمكن لو شريته بالصيف وبعته بالشتاء 
تبيعه بمكسب 

اكيد مستعمل نضيف بس اسلم الدراهم لواحد يعرف بالسيارات لاني انا من جمبها والحمدلله ماقد انغشينا

استيراد اخذلي لنكون جديد اسود وداخليه اسود جلد فل كامل صراحة هالسيارة تحفه رغم انها فرق بسيط عن الفورد لكنه خلاها تشطح هالفرق وتكون افخم بكثير