أضف سؤال أو موضوع جديد          

كفاية خساير تخبيط القير

up 29 down 5
t o m a h a w k 732
قبل 2 سنه



السلام عليكم ورحمة الله وبركاته :
موضوعنا اليوم عن طريقة لحل مشكلة تخبيط القير الاوتماتيك




احد الأخوان جلس ماغير الزيت للقير مدة 3 سنوات تقريباً وماشي 100 الف وغير الزيت والفلتر وبعدها باسبوعين خبط القير وتم توظيبة بقيمة 4500 ريال 
والثاني نفس المشكلة غير الزيت والفلتر وخبط بعدها بأياااااام مع ان الشغل لدى مختصين وهذا غير الزيت في الوكالة ! 




بعد هالمعاناة والتجارب والمواقف والبحث وجدت انه لابد من غسيل وتنظيف القير بمواد التنظيف الخاصة ( راح اذكرها لكم ) لاحقاً 




جهلنا هو السبب في كل هالمشكلة ! والورش ماعندها استعداد تكشف عن وجود البرادة والرايش داخل القير ! غير وبس !!! 




اكثر الميكانيكيين يقولونلك 
اذا من زمان ماغيرته لاتغيره خله ! 
والسبب عدم توفر الأجهزة لتنظيف القير .








لذلك في امريكا 80% من الورش تغيير زيت القير بإستخدام مكينة خاصة لغسيل القير وسعرها يتراوح من 2500-4000$ = 11000 ريال -15000 ريال تقريباً 
وكل عملية تنظيف للقير تكلف صاحب السيارة مبلغ 80$ = 300 ريال ! 




طريقة عمل الة التتنظيف :-




هذه العملية تستهلك ما مجموعه 22 ليتراً من السوائل المنظفة لطرد وفلترة 10 ليترات من الزيت داخل القير ! مكلفة لكنها مضمونة !




لذلك وجدت مواد تنظيف خاصة ورخيصة تغنيك عن تلك العملية المكلفة ! وسعرها رخيص لكن طريقة عملها هي المعيار وهي الفيصل في ذلك !
وسعر العلبة هو 15$ تقريبا........




http://ecx.images-amazon.com/images/I/51kNOP1iPJL._SL500_AA300_.jpg




من هو اللي مايحتاج تنظيف للقير؟؟ 
لكي لاتحتاج للتنظيف  ؟
يجب أن تكون متبعاً للطريقة التالية : وسيارتك من وكالتها بيدك ! وتطبق الطريقة التالية :-




السيارات الجديدة (FIRST HAND )
1-يجب تغيير الزيت + الفلتر في اول 25-50 الف كم (حسب السيارة ونوعيتها مرسيدس-بي ام شفروليه -فورد -لكزس تويوتا -هونداي ...الخ)
2- التغيير في المرحلة القادمة يكون من 50 -100 الف (حسب السيارة واحتياجها باختلاف انواعها ) 
3- الثالثة من 100 -150 الف ( حسب نوع السيارة )
4- من بعد ال200 الف كم يجب تغيير الزيت كل 30 -40 الف لضمان استمرارة عمل القير بكفاءة وعدم تراكم الرايش والبرادة 




2 مغناطيس داخل الكارتير او خارجه يخلصك من كل هالمشاكل وريح بالك وعملية  ومجربة  .




اذا سيارتك مستعملة أو وكالة بيدك بس ماغيرت الزيت الا بعد 70 -80 الف الله يعينك فأنت داخل في احتياج لتنظيف القير  .




اذا تنطبق عليك احد هذه النقاط فانت تحتاج لعملية التنظيف بلا شك ! ولاتخاطر فيها لانها اشبه بلعبة قمار ! مرة تصيب ومرة تخيب معاك ! ونسبة الفشل اكثر !




1-اذا السيارة اول مرة يتم تغيير زيت قير لها وتعدت 60 الف كم !
2-اذا لم تبدل زيت القير لمسافة تصل 100 الف كم بدون تغيير !
3-اذا استخدامك للقير عنيف وتستخدم التحميل على القير بالتسارع او السرعات العالية ( كل 30-50 الف ) 
4-اذا السيارة توقفت عن التحرك مدة 6 أشهر بدون تشغيل وتحريك للقير فانت تحتاج التنظيف حتى لو كانت ماشية 1000 كم ! 




##-بغض النظر عن المسافة المقطوعة والمدة :- يجب عمل تنظيف 




1- اذا وجد رائحة احتراق في زيت القير وهي رائحة تشبه الخبز المحروق بدون برادة او برادة بدون رائحة ! اما الاثنين كلهم (يفتح الله)
2-اذا تم سحب العيار لزيت القير (للسيارات الي فيها عيار زيت القير ) ومسحت العيار بقطعة قماش او منديل ووجدت خط اسود متصل فهذا دليل على أن القير قد وصل مرحلة من الرايش بدأ يتجمع على العيار ويختلط مع الزيت ! والفلتر لايؤدي عمله !!
3-اذا انت من الناس اللي تغير زيت القير بدون فلتر ..فهذه طريقة خاطئة للاسف ويجب التنظيف مع الفلتر 
4-اذا ارتفعت حرارة محرك السيارة ووصلت لمرحلة H أو قبلها بقليل ولو لفترة بسيطة فإن زيت القير يتأثر بحكم انه مربوط بمبرد السيارة المتصل بالقير 
فإرتفاع درجة حرارة الراديتر يرفع من درجة حرارة القير ثم يحمل على القير وتتلف القطع ولايؤدي الزيت داخل القير عمله الصحيح !








طريقة عمل الزيت عن تجربة  لسيارة شيفروليه سيفرادو جديد :- قطعت 73 الف ميل 




1-شراء المنظف بسعر 15$ وهو من نوع
Lubegard 98010 Platinum




2-اضافة علبة كاملة إلى الزيت السابق واغلاق الزيت
3-رفع السيارة من الخلف ، ووضع التبديل على D والضغط على دواسة البنزين بمتوسط 1.5-2 RPM حسب سيارتك 
4- المدة 5-7 دقائق حتى تصل حرارة القير للدرجة الطبيعية وتبدأ الشوائب بالنزول للمرشح الفلتر 
5-استخدام وضع R مدة 2 دقيقة فقط 
6-التوقف والتغيير والزيت لايزال بحرارته
 (اذا برد الزيت لن تنجح العملية !!)
--




وكتجربة مجربة خذ لفة 10 دقايق أجلدها جلد ! هههه
وأرجع غيره
ماكان الرايش كثير بس راح تشوف كمية رايش غير متوقعة !
لانه لما تفتح الفلتر بالمقص نصفين وتلاقي البرادة صاير مثل الشحم واذا وجهتها جهة النور تلمع وتسطع فهذا دليل على وجود البرادة !




اذا الزيت له رائحة احتراق شديدة مع وجود برادة كثيفة لا ينفع معاك تنظيف لانه خلاص وصل مرحلة تحتاج توظيب !








تحديـــــــــــــث
لاننسى ان مبرد الزيت يترسب فيه جزء كبير من الرايش ! وله علبة تنظيف خاصة بـ 11$ وهذه العملية 
ناجحة وظهور رايش مثل المقطع التالي تماماً !!!!!




<font color="#000000"><span  style="font-family: Arial">
http://www.youtube.com/w
atch?v=5TlslgFytYE




وفي النهاية 
اتمنى مااكون طولت عليكم وشكرا على المتابعة .
( الموضوع منقول للفائدة )
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء موضووع مميز كعدتك اخووي وهاذي لطريقه لو كانت تستخدم عندنا ماكان سمعنا بتخبيط القيرر ويعطيك العافيه ع مجهوددكك


up 1 down 0
أبونواف00 803
قبل 2 سنه



يعطيك العافيه ي توموهاك على التجربه للاسف زيت القير لحاله يخليك توسوس
ماتدري تغيره وﻻتخليه على العموم ابقولكم تجربتي بتغير الزيت بالوكاله
طبعا غيرت زيت القير بالوكاله 3مرات الاولى والثانيه سلكه الا الثالثه بعد
ماغيرته ضرب القير طبعا كل التغيرات بوقتها والوكاله هي الي تقولي ﻻني منتظم
عندهم بس انقهرت قهر الى يومك على القير ووضبته 4الاف وشوي.


up 3 down 0
d7ooom777 851
قبل 2 سنه



بيض الله وجهك أخوي تومهوك مميز كالعاده 
ولك أحلى لايك  . ..


up 1 down 0



ولاتنسى ان هذا هو نفس اللي يحصل بالدفرنس ايضا الكثير مايغيره ويتفاجا بونه بعد تغييره ويقولك ليتني ماغيرته المشكلة ليست في التغيير المشكلة ان الزيت القديم والاوساخ تجمعت في الدفرنس والقير حتى مع وجود الزيت الجديد اعدمته



up 1 down 0
جاسم 12 -245
قبل 2 سنه



طيب أخي بالنسبة للقير العادي؟


up 1 down 0
فيصل الرماح 37
قبل 2 سنه



واي فاي خذ الخبر من عند الوكالة افضل لك واسالهم


up 1 down 0
جاسم 12 -245
قبل 2 سنه



موضوع  مميز بدرجه الامتياز  تسلم يا توموهاك   لاتنسو ان القير مع تجمع الرواسب والاحتكاك تكون فيه باقي وصخ داخل القير وانا قد سويت تجربه على سياره كامري حقت خويي  غير زيت القير مع الفلتر وكان الزيت تعبان مره 

 مع استخدام اسبوع  جاء تهريب بكرتير لن وجه حق القير قديم ماغيره صاحبه   صلحو الوجه والزيت الجديد نزلوه  ويوم نزلوه طلع فيه سود اشوي وهذا باقي الوصخ  نزل بزيت القير الجديد  بس الورش الي عندنا سباكين لا يعرفون لا معدات ولا هم يحزنون اكثر السيارات الامريكيه  تجي نظيفه وهذي الاسباب 


up 2 down 1
سكودر 14861
قبل 2 سنه



اقرا هالموضوع يفيدك

http://www.koreanbeast.com/koreanbeast63888 لواي فاي


up 1 down 0
جاسم 12 -245
قبل 2 سنه



توماهوك ربي يسعدك على هالموضوع الي صراحه اعتبرة شي مهم
كالعادة مميز وموضوع مميز وننتضر موضوعك الجاي
الف شكر لك +1


up 1 down 0
الرفاعي33 13012
قبل 2 سنه



سؤال ياصاحب الموضوع
السيارتين اللي قلت انه تم تغيير زيت القير وضرب القير بعدها ... هل السيارتين من تويوتا ؟
لاني الاحظ ان مشاكل القير بعد تغيير الزيت اغلبها في سيارات تويوتا


up 1 down 1
سلطان4040 1202
قبل 2 سنه



اخوي حسب معرفتي ان كثر سبب في التخبيط بعد غير الزيت هو تعود الكلتشات على لزوجه خفيفه لمده طويله ثم بعد تغير الزيت تصبح اللزوجه اثقل وهنا تنعدم الكلتشات ببسب اختلاف اللزوجه


up 1 down 0



اكبر سبب لخراب القير 
ان يقعد يدوس على السياره ويشوف فيه تغيير ولالا....
او ما غير الفلتر....
هذا بأختصاار 
والبخاخ بخاخ تنظيف زيوت وشحم ايسيديلكو وانتهت السالفه كلها 


up 1 down 0
sehly11 645
قبل 2 سنه



المشكله يالغالي .. هنا مافيه احد يغسل الجيربوكس .... موضوع مميز والله يسعدك


up 1 down 0



موتري ماله فلتر قير اساسا


up 1 down 0
5alaf 673
قبل 2 سنه



مشكو ويعطيك العافيه ع المعلومات  ))))))))


up 1 down 0
بن حمد s 41
قبل 2 سنه



يعطيك العافيه على المعلومات 
اتمني يطبق في الورش 


up 1 down 0
aburakan9479 150
قبل 2 سنه



والله سيارتي من شريتهاا ماغيرت زيت القير ولا الدركسون
بس مواضب على تغيير زيت المكينة لأن نسمع إذا غيرت زيت القير يخبط القير وتركتهاا
واللحين أبي أغيرهاا احط علبتين وبعدفترة أحط علبتين علشان تتعود على الزيت الجديد


up 0 down 0
الصقرالشمالي 65
قبل سنه و 2 شهر