استفسار بخصوص حادث

المدن الكبيرة ماهو على كيفك تروح 3 ورش

تحصل فيه ورش مخصصه ما تقدر تختار ورش على كيفك

اما القرى او المناطق الصغيرة مافيها هالكلام

انت وين اي مدينة

والتسعير لو كان فيه ورش مخصصه هم يعلمونك كل شيء واوراق مختمة و التكلفة 30 ريال 

وهم يقولون لك تحتاج قطع غيار او لا والتسعير يكون بمحلات قطع الغيار

افيدنا اكثر بكل شيء

انا من الاحساء واضن انها ما تعتبر مدينه كبيره 

وقالو لي القطع المطلوبه حقين التسعير 

خذ ورقه التلفيات بأسماء القطع من شيخ السباكين
وروح لأي محل قطع غيار بعيد عن شيخ السباكين
ببلاش يعطيك التسعيرة ويطبعها لك بعد
أما لو المحل جنبه زي ما قالك الاخ ابراهيم تدفع 30 ريال
كل اللي فاتح محل بقرب شيخ الورش مو عشان يبيع قطع غيار فاتحها عشان 30 ريال حق التسعيره 
كان الله في عونك
موفق...

الحمد لله على سلامتك يا ابومشعل انت في اي حي

الله يسلمك يالغالي انا من المبرز

ويا بو حسين ما عندنا شيخ معارض بالحسا وش العلم

الحمدلله على السلامه
انا طال عمرك صار لي حادث نفسك تماما
اول شي اخذت ورقتين من نجم ورقه للتقدير والثانية للاصلاح
حقت التقدير رحت يم الصناعيه اللي بالرياض بين مخرج 17 و18 
هناك ورشه معتمده من المرور ونجم فيها ثلاثه اشخاص يقيمون السيارة
من سمكره وكهرباء ..... الخ ويكتبون قيمه اصلاح شغل يد فقط وماتحتاجه
من قطع غيار ..
او يكتب انها مكلفه
انا كتبوا لي انها مكلفه وحولوني الى شبخ المعارض 
شيخ المعارض قيم السياره قبل الحادث 51 الف وبعد الحادث 38الف
الفرق 13 الف اخذت الظرف ورحت للتامين وبعد اسبوعين عطوني الشيك

وبالتوفيق