طريقة تنظيف فلتر

8 7

لايمكنك التصويت حتى الحصول على 20 نقطة على الأقل
إضغط هنا للإخفاء

fowad 123
قبل 9 سنه و 3 شهر

السلام عليكم 
كيف حالكم طيبين 
اليوم جبتلكم موضوع تنظيف فلتر  عشان تستفيدو و استفيد بعد 

أول خطوة : تنظفه بالهوااء زين ومن كل الجهتين




ثاني خطوة : ترش عليه ماء ( بالشطاف لازم شطاف :d) وحرارة الماء تكون معتدلة أو باردة




ولازم توقفه بالأرض على الجانب القوي ( حاول ما يكون مايل ) ( ركز بالفلتر وبتحصل بالطرفين < جانبين قووين > )




وشوي شوي لا تعدم الفلتر :d




ثالث خطوة : تجيب سطل :d مناسب أو اي وعاء مناسب تقدر تحط فيه الفلتر بسهولة \\ وتحط صابون تايد وترش بقووووووووة عليه بشطاف الماء (وحاول تتفنن فيه ) علشان ينخلط زين وتذووب حبيبات الصااابون ,,, بعدين جب فلتر المكيف وغطسه شوي شوي  بالسطل وارفعه (وانا شفت انواع الأوساخ وانتم بكرامة من الفلتر لأن صابون التايد ينظف ) عميلة التنظيف فقط ترفعه وتنزله
( لا تجيب سفنجة او مكنسة وتقطعه  )




وتطلعه وتحطه بالأرض ثم ترش عليه بالشطاف شوي شوي أو بالكثير متوسط ( حاول تخلي الأوساخ تروح والصابون >> الين تشوف ما يطلع منه وسخ ) وترجعه للسطل أو الوعاء وتحركه كم مرة ( تنزله وترفعه ) فقط لا غير




واذا تنظف زين خلاص اشطفه زين بالماء ( وشف الخطوة الجاية وسوها )




واذا الأوساخ كثيييييييييرة ومانظف زين ( كب ( اسكب \ تخلص من :d ) >> خليط الماء والصابون الموجود بالسطل ونظفه زين :d 
لا تصير عجّاز (كسول) خلك قرم  وحط صابون ورش عليه بقووووة مثل ما قلت قبل وطريقة التنظيف مثل ما ذكرت قبل 
واشطفه زين بالماء








رابع خطوة : حط شوي ديتول بالسطل \ الوعاء المناسب ورش عليه ماء بقوووووووة مثل ما قلت قبل عشان ينخلط
وغطس (( فلتر المكيف * )) :d شوي شوي فيه ,,, وطريقة التنظيف أرفعه ونزله




خامس خطوة وأخيرا ً : اشطفة بالماء زين ( معتدل ) ومن كل الجهتين والأماكن وتأكد ان مافيه صابون أو ديتول




ثم خله بالحوش ينشف >>> واذا ودك تنفضه :d يكون احسن عشان تخلي الجفاف اسرع 
اهم شي لازم تمسكه من الجانبين القويين عشان ما يخرب




واذا نشف مضبوووووووووووط >>>>> ركبه وانتبه (للسهم) لازم تركبه صح




### ملاحظات مهمة ### وأدوات وأشياء مطلوبة ###
1) لازم تمسك الفلتر مع الجانبيين القويين
2) والتنظيف شوي شوي لا تعدمه
3) ولازم تخليه ينشف بالحوش :d وبالشمس اذا ما فاد فيه الهواء ولازم تنظفه زين عشان ما يطلع له ريحة
4) ولازم يكون عندك شطاف ماء وسطل أو وعاء ( تقدر تحط فيه الفلتر بكل سهولة يعني ما يكون يضيق ويخرب الفلتر )
5) تايد وديتول
6) قفازات  اذا انت خايف على يديك :d <<< امزح 




## لا تبالغ بالتنظيف والماء ## عشان ما يتقطع




وتذكر أن * الشي اذا زاد عن حده انقلب ضده *




وبالتوفيق
وانا مجرب والحمد لله  ومافيه روائح ولا شي
ويمسك الغبار قبل فترة منظفه
وما تقطع ونظف بشكل كبير
بس اللون صعب صعب صعب ومستحيل اتوقع يكون أبيض ( بعد التنظيف واقصد فلاتر الوكالة )
لكن اللون مايهم اهم شي النظافة والتعقيم 




واللي فلتره متقطع >>> لا تعب نفسك :p




اذا افدتك لا تنسى لايك 

إبلاغ

الردود