التجارة تغلق معرض لـ انفنيتي بالرياض لبيعه سيارات مرشوشه

حسبي الله عليهم ونعم الوكيل 

كل الوكلاء كذا
وكل وكيل وراه ذنب

يقفلونه يوم ويرجع بعد يوم يفتح ويمارس نفس الشي
لو فيهم خير كان استدعو كل سياره انباعت للعملاء ويتاكدون اذا فيه عميل تعرض للنصب
يخيرون العميل بين سيارة جديده او ترجع له فلوسه

لكن هنا بس يبون يورون العالم اننا هجدنا الوكلاء
وراح تشوفون بعد فتره بتطلع وكالات ثانية بنفس المشكلة
ويجيك واحد يشتري موتر جديد ويطلع مرشوش

لاحول ولاقوة الا بالله الدنيا صايره كلها نصب في نصب واحتيال
الواحد قبل ياكل لقمته ويوكل عياله المفروض يشوف هي حلال
والا حرام 

شاقح صح كلامك وانا اايده 

لكن برضوا تراها تعتبرر إهانه للشركه

الحين أنتشر الخبر بين الناس إنها تبيع سيارات مرشوشه

كثير اللي راح يسبها و كثير بيصد عنها وحتى ملاكها راح يذموها وممكن يروحون يفحصونها

فشيء حلو حتى ولو يوم تقفل واليوم الثاني تفتح

لان السمعه لها دووور

تخيل يكون معك زميل بالعمل .. محترم وكل شيء .. والناس تقدرره .. ويجون المباحث او الهيئه او حتى الشرطه ويشلونه من قدامكم ويقولون هذا سرق وفعل

بالله ما راح تتغير وجهه نظرك اتجاه وممكن تلوم نفسك لانك كنت تحسبه كفو وطلع ماش

حتى ولو اليوم الثاني رجع للعمل وطلع من القضيه بالواسطه لكن السمعه مضرووبه

فتراه والله شيء حلوو

وحتى صار فيه حرص .. يعني اللي ناوي يشتري خلاص ما عاد فيه رجعها حتى يوم طلع هالخبرر

تلقاه ممكن ع طول يطلعها ويروح يفحص بوديها كامل ويشوف مرشوش او لا

فشيء طيب انهم عطونا تحذير .  وشيء احسن من لا شيء :)

ابو يزيد
هي اهانة عند الناس اللي تحس باالاهانة 

اما السرابيت اللي عندنا والله ماضرب حساب
هذا فرع المتحده لدوج قفلوه لنفس المشكلة

وفتح بعدها ورجع يبيع مره ثانيه ويطلع لك  واحد مشتري موتر منهم مرشوش  هههههههههههههه
يعني رجعت نفس المشكلة
يعني الوكلاء ماضربو حساب لا للاهانه ولا السمعة

لانهم ضامنين ان العميل بيرجع لهم مهما كبرت الفضيحه

قريب لي مسكين شراء جيب فورتشنر بعد مرور ٣ شهور لقى الباب الرفرف مرشوش السياره اصفار الله لايوفقهم 

صحيح كلامك , ومانقول الا الله المستعان ومن امن العقوبه اساء الادب 

اذا هذا هو و المتحدة سوو كذا اجل وش يسوي ابو جميل

فيه سيارات 
وهي نازلة من التريلة يحصل لها باب رفرف
فايظطرون يرشونه بس المفروض يتم خفض سعرها والعميل
حر بيشتريها والا تجلس بحلوقهم 
اما يسوون سواتهم بخلق الله كذا 
اجل صار الواحد لااشترا موتر من الوكاله يفحصة عن السمكرة
مشكله
حسبي الله ونعم الوكيل

لو رشه ممتازه و الالوان مثل بعض تنبلع
بس البلی اذا فيها مشكله او عيب 

والله مشكلة نبعد عن الشريطية
وتجينا الوكالات اللحين 
الله يعين بس 

شويخ من ارض المكناس 

كلامك من ذهب وياليته يطبقونه لاكن لا حياه لمن تنادي !!


ابو يزيد 000 

انا ضد رايك لانه شف ابو جميل الى يومك ذا يشلح بالسيارات ويسرق الاصلي ويركب صيني وتيواني وهو بنفسه اعترف والشعب السعودي يعرف بالهشيء والى يومك الناس تشتري منه !!

فيه مرضانين نفسيا شغالين بدسلايك والله ياشهار مايستقبلهم من الحاله الي هم فيها