خاصية الظهور دون اتصال للمطبات
13
15
إضغط هنا للإخفاء
السلام عليكم ورحمة الله وبركاته
مبروك عليكم الاجازة عشر ايام ارتاحوا وخذوا وقتكم فيها > من كثرها عاد
المهم سالفتي اليوم نوع من الفضفضه
وشوية استفسارات
اليوم الصبح طالع من الكليه الساعه 9 فرحان مخلص انا وخويي
المهم اتفقنا نفطر ونفلها يعني ندوج بالمدينة
حركنا من الكليه ورحنا للكافتيريا
وبالطريق
خويي قام يهيضني يجي جنبي يبيني ادعس
> مطارحة يعني > عاد انتم تخيلوا الشكل فوردين وجنب بعض
وناوين مطارحة
عز الله تشهدوا اللي بالشارع
ههههههههههههههههههههههههههههههههههههههههههههههه
المهم
انا ع هوني وصامل مادبل دعسه
خووي طفش ودبل الدعسه
وع تدبيلته
كنا بطريق شبه حواري الا يجيك ذاك المطب اللي مسوي ظهور دون اتصال يعني ماتشوفه لين تطيح فيه والله وابلعه والفورد على خشمه وصوت احتكاك دخل باذني رغم انه قدامي
وانا ماشي 40
امداني اهدي بس برضه المطب قوي صراحة
المهم وقف خويي ع جنب وبخاطره يفجر المطب بـ c4
وقعد ينظر تحت السياره يمكن ربع ساعه
قلت ي ابن الحلال توكل مافيها الا العافيه
قال انت ماسمعت صوت الضربه
؟والله ان فيه شي انفقع ي اديتر ي كارتير
والا القير منكسر المهم شمرت ثوبي وانسدح تحت سيارته الاديتر سليم والحمدلله المكينة والقير ماشوف عليهم اثر تهريب او ضربات
الضربه يبدو انها تركزت ع الصدام الامامي كن السيارة اقلعت ع خفيف وضربت ع خشمها ويمين يسار لين اقنعته يتحرك كان خايف تضرب عليه > ماينلام الصوت يخليك تقعد تصيح وتودع سيارتك
المهم وحركنا والا مطب ثاني بعد مباشره نفس السالفه مخفي وربك سلم
خلصنا فطورنا وخويي شبه متنكد من السالفه
صدق والله كل من هب ودب حط مطب قدام بيته ونلوم البلديه معليش البلديه تجي تزفلت ويجيك المواطن
الجاهل طبعا اقول الجاهل وهم القليل
يحط لك مطب قدام البيت لايمتلك ادنى معيار من معايير الامن و السلامة
واحد انكسر قير سيارته قبل فتره والثاني كارتير مكينه والثالث الصدام من قو الضربه نزل > خاف الله ياخي اللي حاط مطب وعذرك عشان عيالي ماتصدمهم سياره > علم عيالك ادب الطريق وحقه وماراح تصدمهم سياره اما تفلتهم وتحمل المواطنين المسؤوليه تكسر سياراتهم ؟!
للمعلوميه انا متاكد اغلبكم مايدري ان المطبات هذي 99% منها ليست من وضع البلديه يحطها صاحب عمارة لما يجون يزفلتون يخليهم يحطونه جبرا او بفلوس والعمال يدورون فلوس يحطون لك كومة زفت وعساها ماضبطت اهم شي ماتتعدا سياره قدام
بيتي
اذية للمسلمين ومن باب اماطه الاذى عن الطريق انك تزيل المطب حقك عزيزي اللي خايف ع عيالك
هذي سالفتي اليوم والل قهرتني حتى انا ومالي دخل
لكن شي يقهر بقوة
...
بخصوص الاستفسار
الحين انا سيارتي امريكي
وخويي سعودي
ماعمري ركزت
بعد ماطفي السيارة لكن وحنا نسولف اليوم خلاني اركز وسمعني صوت كذا تسسسسسسس
بعد ماطفي السيارة
يستمر نصف دقيقه او دقيقه
بالكير ويوقف وهو بعد نفس الصوت عنده كان يبي يتطمن انه مهوب لحاله عنده الصوت وخلاني اسمعه
>> بغيت اسالكم هل الصوت ذا طبيعي بعد الاطفاء؟ وسلامتكم
الصور متفرقه ومقتبسه من عدة مواقع ماهو انا الي صورتها
إبلاغ
سيارات للبيع
الردود
0
0
ولو تاخذها وانت مع لفه يحوص عليك الموتر اسوء خطوط وشوارع منطقة مكه بصفه عاااامه .
3
0
اجل مع حواري ويبي المقاومة كمان
طيب لو طلع عليه بزر فجأة بسيكل او رجال كبير سن
كيف راح يتصرف عنه
5
2
4
0
قد كليت فيها 3 مطبات حجم عائلي على سرعة 80 وغيرها الكثير من المطبات والحفر ما فيها الا العافيه وتقول هل من مزيد
صراحه ما قد تعطلت ابد ما شاء الله تبارك الله ارفع القبعه للي صنعوها
4
3
دكتوراه في الحب : نقول ان شالله اخذ درسه
:d
1
0
2
0
ولوحات مكتوب فيها امامك مطبات لا اما موضوع انك تحط المطب بلون
الاسفلت هذا تمويه على شان ماتدري الا المطب كافشك الشي
الثاني وش يعرفك بالسي فور وانت طالب جامعي
1
1
0
0
ولا تهون عيون القطط كذالك خصوصاً سكان الرياض بعد ماحفرو للقطار
ماتمشي 300 متر الا تجيك ثلاث رصات !!
0
0
على البلدية الرقم٩٤٠ ويزال هذا المطب
1
0
3
0
قبل شهر واحد من الجيران سوا قدام الفله حقو 4 مطبات غير المطب الرسمي حق البلديه
مطب البلديه ممتاز وتاخذو وانت مرتاح اما المطبات الاربعه تتشهد وتاخذو وربنا يسلمك ههههههههههههه
المهم جات البلديه وشالت المطبات وخلت واحد بس
وقبل شهر او اكثر كنت مسرح واكلم جوال الا اخذلك حفره وضرب عليا كفرين على طول
الله يعين سياراتنا على الشوارع والله معاناة
1
0
وبعد ما اخذتها سمعت صوت غريب وقفت السيارة والاقي الجنط طاح والجوزة انكسرت :-(
1
1
بس انت الكل هههههههههههه
لازم هاذا روتين يومي تقوم تصحى تخش الحمام
تفطر تشغل السيارة تاكل مطب وتمشي
صار معايا حادثه بمطب شنيع وكرهت ام المطبات
معايا مرسيدس موديل 88
ومعدي من جمب ملاهي الشلال اللي في جدة
طبعا هناك تحصل مطبات اصطناعية كثير بذي المنطقة
المهم خشيت يمين على بالي المطبات خلصت ودعست شوي
والا احصلك مطب وطلعت عليه طرنا يا راجل ونزلت السيارة بثقلها
والركاب اللي فيها وانكسر الكارتير وراح الزيت وراح الشنبر
والله المستعان
وفي حادثة ثانية بنفس السيارة نزلت بحفرة ما شفتها مره
روحتلي جنطين وكفرين يمين وانكسر تانكي البنزين
وأووووه ايش ااقولك لأقولك الله المستعان بس
قبل 9 سنه و 3 شهر