أضف سؤال أو موضوع جديد          

تجربتي مع أمانة الرياض 940 ـ عن طريق تطبيق الجوال

up 17 down 2
محمد عبدالله عمر 635
قبل 6 سنه و 4 شهر



السلام عليكم ورحمة الله وبركاته .. كيفكم عساكم بخير ... 

نخش بالموضوع: جربت برنامج بالجوال إسمه "أمانة 940" تبع الرياض


ويوجد غير الرياض، يكون إسم التطبيق 

1-  معاً لتبقى عنيزة أجمل 
2-  أمانة جدة  

اللي جربتها أمانة الرياض .. تحمل التطبيق على الجوال (جوالي أندرويد) جالكسي S2 .. 


تدخل إسمك ورقم جوالك (وتجيك رسالة تفعيل بجوال) وتفعل ..... بعد التفعيل 


(تفتح البرنامج + تصور + تكتب نص الموضوع أو الرسالة + ويتحدد الموقع توماتيكيأً من البرنامج+ وإرسال) 

الطريقة سهلة جداً أي شي تشوفه بالحاره أو بالشوارع اللي حولكم، صور وأرسل 


تجربتي كانت (قدام بيتنا حاوية "برميل زبالة " تكرمّو،  حجمه كبير) مسوي ضيق بالحاره وصورته 


وكتبت بالنص إن الحجم كبير وحتى عمال النظافة الصباح يصعب عليهم يشتغلون فيها بسبب ضيق المواقف ... 


وصورتها يوم الخميس بالليل (مافي دوامات)  وبعد ماوصلت، لقيت البرميل متغير يوم الأحد


وحفرة أخرى قدام بيتنا (شركة الكهرب إشتغلت وحفرت وغطت الحفر بالتراب وماتمت الزفلته) وسويت 

نفس الحركة صورتها ورسلت ــ ثاني يوم أو ثالث يوم وجيت لقيتها مزفلته ... 



صور توضيحية للتطبيق والزفلته ... أتمنى من الجميع تحميل التطبيق والتصوير حتى لو شفت 

(ماصورة كهرب مكشوفة)  صور وأرســــــــــــــــــل ...

حتى لو مافهمت شي بالموضوع صور وأرسل، أحـــــاول أجاوبــــك (#-#)...

واللي عنده خلفية بالموضوع وله تجربه يكتبها،،، دعواتكم لي ، والله يوفقكــــــم جميع 

.. 

.. 













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حاجه جميله والله ياليت عندنا كذا فجدهه بيزفلتو حارتنا من اولها لاخرها 


up 1 down 1
صالح باسنبل 240
قبل 6 سنه و 4 شهر



ممتاز جدا البرنامج 

يتجاوبون في اسرع وقت

لي تجارب كثيرة

انصح الجميع بتحميل البرنامج


up 1 down 1
coco13 893
قبل 6 سنه و 4 شهر



جزاك الله خير 
رابط تحميل التطبيق 
https://play.google.com/store/apps/details?id=com.pp.amana


up 1 down 0
توسان 2011 1930
قبل 6 سنه و 4 شهر



الله يجزاك الف خير  ياغالي والله ما قصررت

ياكثر الحفرر عندنا بالحي مع انه توه جديد وحي غالي

راح ابهذلهم بهذله 

تسلم يدينك والله ما قصررت


up 3 down 3
ابو يزيد 000 8712
قبل 6 سنه و 4 شهر



صالح باسنبل موجود التطبيق لجدة ــ اكتب بالسوق أو المتجر للجوال (أمانة جدة) يطلعلك البلاغات الجغرافية 940
(أيقونة البرنامج مكتوب عليها جدة) .. موفق 


up 1 down 1
محمد عبدالله عمر 635
قبل 6 سنه و 4 شهر



جميل جداً ان يتفاعل المواطن مع الأمانة والبلدية لتحقيق تطور لمدننا ويسعد الانسان بالعيش فيها. 


up 1 down 0
العارضي1 45
قبل 6 سنه و 4 شهر



انا مالقيته على الايفون لقيت واحد اسمه اليوم الوطني 


up 1 down 0
ahamd9477 119
قبل 6 سنه و 4 شهر



اخوي ممكن صدفة انشالت موب شرط لان توصلهم مئات البلاغات كل يوم


up 1 down 0
benz lover -75
قبل 6 سنه و 4 شهر



اخوي بخصوص السلاسل الي حاطها قدام البيت ما قالو شي هل ممنوع ولا مسموح


up 1 down 0
الشرقية ماركت 151
قبل 6 سنه و 4 شهر



للاسف التطبيق مو موجود في المنطقة الشرقية


up 1 down 0
الشرقية ماركت 151
قبل 6 سنه و 4 شهر



benz lover : اذا صورت صورة تروح للجهة المختصة للموضوع مثلاً "الحاوية" اتصلوا علي بلدية البطحاء أقرب شي 
وعلمتهم الموقع .. فلا تشيل هم الضغط ومئات البلاغات، كل بلاغ يروح لأقرب منطقة حسب مهمة أ ونوع البلاغ .. 
والله أعلم 

الشرقية ماركت 96 : السلاسل ممنوعة وتم إزالتها مسبقاً
ولكن رجعوا سكان الحاره بإستراجعها، ولو تم التبليغ ستزال لأن منظرها مؤذي للحاره .. وسوف يتم التبليغ 
وان ماحصلت التطبيق، جرب تدخل موقعهم الرسمي وابحث بجوجل وأرسلهم وإستفسر بوجود تطبيق ولا لايوجد... 





up 1 down 0
محمد عبدالله عمر 635
قبل 6 سنه و 4 شهر



شكرا لك وش الحل في الموقف امام المنزل ازعجونا البعض ب كثرة سياراتهم ومشاكلهم


up 0 down 0
الشرقية ماركت 151
قبل 6 سنه و 4 شهر



الشرقية لو تجلس تبكي عندهم شهر عشان مطب ماتفاعلوا ...  


لكن تعال بمناقصة او مشروع ... بثواني 


up 0 down 0
شرقااااااوي 653
قبل 6 سنه و 4 شهر