ياخوان ورشة كسرت ثلاجة المكيف وعندي كذا سؤال عن الموضوع هذا

اللي اعرفه حسب القانون لك حق يسبتدلون لك الثلاجة بجديدة اصلية فقط

اما الايجار وعدم توفر القطعة مالهم دخل فيه رغم انه المفترض يتحملون كل شيء

ولكن عندك قانون بالسعودية غريب وحجتهم تكون بأنهم مستعدين لاصلاح الضرر ولكن اللوم على الوكالة

لك الحق في طلب قيمة الثلاجة جديدة + قيمة شغل يد التركيب 
طبعا الورشة بيرفضون لكن دق ع الشرطة انت لاتتكاسل وتصعبها ... وزيد السعر 100 والا 200 كتعويض للحر اللي بتواجهه واتت لاتقولهم تعويض حر قلهم من قيمة الثلاجة لانهم مايعترفون الا بحقك وبالقوة كمان.. اخيرا خلك قوي عين وخش بعين الورشة تراهم كلاب يخربون ويسحبون لي تجربة مع ورشة خربوا مكينة لي ووضبت 4000 ريال قالوا لي اول شي مانتحمل وبعدين ضغطت عليهم وقالو نتحمل حق القطع لكن مانشتغل ببلاش 
وعقبها رحت لعمهم شايب سعودي وعلمته السالفه قالي مالك الا ترجع سيارتك ممثل ماسلمتها وتحمل العامل كل التكاليف واستلمت السيارة مثل ماهي وقالي العامل ماعد اشتغلك قلت من يقلك بجيك اصلا واضح ان نظامك خرب تكسب ومالقيت من يخش بعينك.

اشكرك ي اخوان لكن الحين اجلس استاجر سياره شهر كامل واخسر حق الايجار فوق الفين ريال على ذنب مو ذنبي انا احس فيها ظلم لي
هل اروح ارفع قضية تعويض او المرور لان اتوقع مافي قانون يقول مالك شي

هو صحيح ظلم ولكن هذا النظام عندنا بالدولة حطه حمار مات من زمان 

والحمير اللي بعده ما احد عدل فيه 

وكل حمار يستلم منصب يمشي على النظام اللي قبله الدنيا تطورت وتغيرت

و حنا نمشي على قوانين وامور من عام 1370 بعضها ما تغير لحد اليوم

تروح للشرطة و الشرطه يحولوك للعمدة بخطاب رسمي
تحلو الموضوع ودي حليتو كان بيها ما حليتوها ترجع القضيه للشرطة
ويحولوك عالمحكمة و دن دن ياليل ما اطولك اذا ما ظهر خلال سنة يشتغلو المباحث يجيبونه
يتحاكم يادفع يا سجن سنة هاذا كل الليله 
----------------------------------------
بصراحة انا غسلت يدي من الورش خلاص شفت الويل من وراهم
تبت صرت ما اصلح غير وكاله كله نظامي وناس متخصصين و فاهمين و حافظين موترك زين
حتى لو غالي وشغلهم يطول لكن خلاص تريح راسك من الهم وضمان و يهمهم سمعتهم كوكيل للسلعه
عكس الميكانيكي اليوم بورشه بكرا قفلها و فتح غيرها ورح دور عليه
والله يعيننا ويرجع حقك وحقوقنا وحقوق جميع المسلمين

الظاهر اني بوصلها محكمه

لحظه اخوي ليه تستاجر؟ انا علمي ان الثلاجة حقت المكيف ماتوقف السيارة تعطل المكيف فقط ... ونصيحتي لك اي قطعه ماهي متوفرة
لاتنتظر الوكالة
روح لموقع بوابة الانترنت الرقميه
وشوفلك وسيط موثوق
وخله يطلب القطعه لك
انت خذ رقم القطعه من الوكالة وابحث بالررقم في ايباي وامازون
وعط الوسيط الرابط ياخذ نسبة بسيطه وتوصلك في 10 الى 15 يوم

ياشباب من يعرف احداثيات ورشة العمراني اللي بالمصيف الرياض

يالحبيب رح للوكاله وخذ تسعيره الثلاجه وحتى لو هي مي متوفره شف لك اي واحد يجيبها لك من الاردن بنص السعر من سوق الحره 

اظاهر انه يقصد ثلاجة المكينه لانه يقول عند غيار البواجي ولو انه ثلاجة المكيف مابتوقف السياره . 

اذا ثلاجة المكينة شي ثاني بس هو ذكر بالموضوع ثلاجة المكيف عموما اصلخ الورشة بتسعيره الوكالة + قيمة الشحن +عمولة اللي بيجيبها لك + قيمة شغل اليد
ومثل ماقلت لك
انشب بحلقهم
واذا حسيتهم بيسوون هوشة
ابد
جمع لك كم واحد من اللي تعرف وروح وخلك قوي عين حقك خذه ولاتخلي احد يدوس لك ع طرف

الموضوع بيخلص بكره ان شالله واعطيكم الخلاصه والعلم المفيد للتصرف

الخلاصة يااخوان في القاعدة الفقهيه 
المتسبب ضامن ويضمن تبعاته من اضرار
وعلى ذلك انا يضمن لي انه راح يصلح لي السيارة ويعوضني بسيارة بديله او قيمة سياره بديله
بالنسبه للتعويض حق سيارة الايجار هذي راح تكون بحكم شرعي من القاضي فيما يرىء والسلام عليكم 
اللي يقول النظام يقول مالك حق هذا غلط الا لك حق دامك متضرر