أضف سؤال أو موضوع جديد          

الى متى مرورنا كذا

up 19 down 9
m7mas9 178
قبل 6 سنه و 9 شهر



ي شباب بقولكم قصتي واحكموا اذا غلطت بروح للعسكري
بتاسف منه الحين

الوكاد اليوم حركت من الرياض للمدينه اول نقطه خلتني 
افك نص تظليل الي قدام وانا م عندي مشكله في ذا 
عشان الخط بالليل نقطه بنقطه تعدي ع خير
يوم وصلت نقطه المدينه جاني العسكري قال ارفع قزازك
رفعتها قال مظلل قلت ايه زيرو ون قال وقف يمين وفكه
قلت ابشر المهم قعدت افكفك التظليل قديم له كم شهر
ومن برا لان م بغيت اظلل فوق حق الوكاله المهم جا العسكري
قال منت قاعد تفك قلت ي ابن الحلال والله عيا ينفك
قال تعال جيته قال مخالفه قلت ابشر هاتها وقال 
مستانس الحين م طلعك من هنا الا صاكك مخالفه
ع كل شي قلت دور اذا انا حلفت لك بالله عيا ينفك 
وانت تقول فك والقسيمه انساها الحين جاي تكذبني
وتقول انت منت قاعد تفك اذا م صدقت حلفي بالله 
وش تصدق سكت ونادى خويه م لقى الا التظليل مخالفه

هنا المشكله جاني خويه يقول انت غلطان 
طيب غلطان في ايش انا!!!!

ومهي اول مره المرور معروفين مكروهين اكثر من الدوريات
حتى بالزحام يسحبون ويطقطقون بالجوالات 
لمتى استهتار واستخدام صلاحيه زايده من قبل المرور







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عطاك مخالفة تظليل مستحقه طيب وش خالفك غيرها يوم تشكي؟ والسؤال اللي اهم من هذا كله هل خالفك على شي انت ماسويته؟
واللي بقوله اخيرا
على انا ماشوف احد يشتكي من المرور الا هنا بالممنتدى
ذا
يعني واقعيا ماعمري شفت اللي تقولون عنه بالمنتدى وصورتهم لي وحوش ياخي وكأني ماني مواطن مثلكم اشوفهم
اليوم طلعت خط الرياض فضاوة
مني
ووصلت للتفتيش ودقيت يوتيرن وقفني العسكري قال ليه راجع قلت برجع ي خوي مابي امسك الخط
قال فك الشنطه
فكيتها بدون نقاش
نظر فيها وقال اباتك وعطيته
قال الله معك
ويعلم الله اني مظلل كتم كامل الفورد
ماعدا القزاز الواجهه والخلفي
ولاكلمني عليه ولو كلمني والله ماعترضت وباخذ المخالفه واسددها
الواحد يسترجل ياخي
اذا بتحط مخالفه تظليل والا ماتربط حزام لاتقعد تصيح لاخذتها خلك قدها وسددها



up 20 down 18
جاسم 12 -251
قبل 6 سنه و 9 شهر



انا داري الحين مثل اخر مرة بيجون 50 بزر ديس لايك لكن الحق حق وماحد يشتكي من المرور الا مراهقين سواء مراهقه متقدمه او متاخره مشكلتهم
يبون يخالفون ويزعلون لو احد كلمهم
لا ويجيك يطرح موضوع يشتكي من سوء القياده بالشوارع
انت عدل نفسك وبعدين طالب بتعديل غيرك وحط ديس لايك لين تشبع ي ورع انت وياه الحق مايوجع الا الظالم



up 5 down 25
جاسم 12 -251
قبل 6 سنه و 9 شهر



خالفك على شي تستاهله ( مضلل القزاز او مغيم القزاز )

ما ظلمك المخالفه في محلها




up 3 down 4
تركي المدينة المنورة -89
قبل 6 سنه و 9 شهر



سددها و لا تزعجنا ! 
انا سيارتي مضلله وماعمري ربطت حزام 
ولو أخذ مخالفه على الثنتين ذي ماراح اجادل 
لاني انا مخطي .. فكونا من هالمواضيع تكفون


up 3 down 10
تمثال جرحك -44
قبل 6 سنه و 9 شهر



يالحبيب بدل هالخساير كان شاريلك ستاير اريحلك
ان ركبواا اهلك ركبتها وان تحركت شلتها  وسيارتك باردة ومكيفك وش زينه بس صح تعب فك وركب
لكن تعب 5دقايق احسن من انتظار عشان يجيك مبلغ وقدره ويقتطع جزء منه كمخالفه


up 1 down 2
00احمد العنزي00 -2
قبل 6 سنه و 9 شهر



مخالفة التظليل كا لها داعي 
حنا بالسعودية مش كندا و الشمس و الحر يحرق حرق
مفروض العسكري يتغاضي عن هالامور 

اللحين ما لهم شغله الا تجميع قروش من المخالفات و اذا 
جاك حادث قال اتصل على نجم ما لنا دخل 


up 4 down 2
legaacy -315
قبل 6 سنه و 9 شهر



اللي شايفه من كلامك انك مخالف واعطوك حقها ... لكن مين انك محترم وماا طولتها مع العسكري . وهذا شي طيب منك .. والله يوفقك


up 5 down 1
مستريح البال 1 1780
قبل 6 سنه و 9 شهر



لا والله فيه بعض العسكر م يرحموا يعني اول قالو التضليل ممنوع صرنا نركب ستاير عشان الشمس وبرضوا طلعو مخالفه للستاير واكلتها اش تبغونا نسوي الشمس تهلك ديكورات السياره والله اذكر مره نسيت كاسيت فوق الطبلون يوم جيت بعدها والقى الكاسيت كانه محروق بالنار غير مره نسيت المويه مفتوحه فحق الاكواب وجيت بشيله ارميها الا وتنفلت وتنكب على رجلي وانتو بكرامه والله حسيت انه شاهي حار انكب عليا.


up 3 down 1
أصيل999 76
قبل 6 سنه و 9 شهر



اصبرو بعد فتره رح يجي بند يقول مخالفه على النظارات الشمسيه هههههههههههه 

العالم تعكس وتوقف غلط وتفحط وتزعج خلق الله ويمشي 20 في طريق سرعته 60 ومطفي النور في الليل 

ويجيك المرور بالمقوله الشهيره : 

( اثباتك .. ليه منت رابط الحزام .... ارفع القزاز @_@ .. امممم ليه مظلل ... اممم جنب  هناك ))

طيب والباقين ؟؟؟؟ 


up 5 down 0
abdulaziz al-malki 981
قبل 6 سنه و 9 شهر



الله لا يطشك بالمرور السري حق المدينه يربي رحمتك 


up 3 down 1
mohaammad 166
قبل 6 سنه و 9 شهر



انتم م فهمتم وش ابي اوصله انا استاهل مخالفه
بس اقصد اذا انا الي احلف بالله بشي سويته قدامه
طلعت كذاب اجل مين صادق لا ويقول كذاب 
اقوله حلفت لك بالله يقول كذب طيب يخي 
بدل المرمطه والمذله ذي هاتها من البدايه 
واذا قلت له شي يلا شيل سطحه ولا تلفظ 
ع رجل امن يعني هو يتكلم عادي انا لا
ولا المخالفه م فكرت فيها راس مالها 150


up 4 down 0
m7mas9 178
قبل 6 سنه و 9 شهر



عسكري المرور وجد لخدمتنا .. إذا شفت منه خطأ او إستهتار بلغ فيه وراح يعاقب ويتأدب 





up 1 down 1
شرقااااااوي 653
قبل 6 سنه و 9 شهر



قيمة مخالفة التظليل 300 ريال <اجراء تعديل على هيكل السيارة دون اتخاذ الاجراء الاازم <<خبرة مخالفتين ^^


up 0 down 1
ryyan555 702
قبل 6 سنه و 9 شهر



هذي العينات اللي يتوظفوا بواسطٱت صدقني'


up 0 down 0
l7n-320 799
قبل 6 سنه و 9 شهر



ابلشونا بمزاجياتهم 


up 1 down 0
yazeed818 -22
قبل 6 سنه و 9 شهر



وسخين مرور المدينه واخلاق زفت حسبي الله عليهم الله لا يوفقهم 


up 0 down 0
العمري للعقارآت 349
قبل 6 سنه و 9 شهر



النقطه الي قبله العسكري مروق يطقطق ذا قافله معه موقف فوق
20 سياره


up 1 down 1
m7mas9 178
قبل 6 سنه و 9 شهر