نصائح هامة جدا لوجه الله ممكن تنقذ بها شخص
51
10
إضغط هنا للإخفاء
الموضوع لقيته قدامي فعجبني قلت افيدكم بيه واسم الصفحه موجود ع الصور
الأكسسوار القاتل
حد يتخيل ان قطعة اكسسوار صغيره بيدلع بيها عربيته ممكن تتسبب بموته او على الأقل ممكن تتسبب فى حادثه !!!
ازاى ده ؟؟؟
ركزوا معايا اوى فى ال5 اكسسوارات القاتلين دول
1 سكاتة حزام الأمان
ودى من اكبر الأكسسوارات خطرا على الأطلاق
ليه ؟؟؟
منظومة الأيرباج فى السيارات الحديثه لا تعمل الا مع استعمال حزام الأمان
ليه ؟؟
لأن الأيرباج لو فتحت وحضرتك مش لابس حزام الأمان فأنفجارها لوحده قادر على التسبب بالموت او على الأقل حدوث اصابات خطيره
اخطر من الحادث نفسه
تخيلوا !!!
حضرتك متضايق من صوت زنان حزام الأمان
فبكل بساطه بتشترى سكاتة حزام امان من عند اى بتاع اكسسوار
وتركبها
الزنان يسكت
وعند حدوث اى حادث لا قدر الله
الأيرباج يفتح وحضرتك مش لابس حزام الأمان
والنتيجه كارثيه
2 دلاية مرأة الصالون
اى كان شكلها
معطر
سبحه ( الأيمان مقطع بعضه )
دباديب
الخ ....
طب ودى ايه الخطوره فيها كمان يا أستاذ !؟
اقولكم
طبعا طول ما انت سايق الدلايه اللى حضرتك مركبها قاعده تتهز وتروح يمين وشمال
فأوتوماتيكيا المخ عشان ميتخيلش ويفقد جزء من تركيزه
بيبدأ يهمل الجزء ده من حقل الرؤيه
والنتيجه
اى طفل او كائن صغير هيتحرك فى الجانب اليمين ده مخ 90% من البشر مش هيشوفه
وطبعا حضراتكم عارفين النتيجه
كارثيه
3 المتعلقات المتحركه على التابلوه
اى كان نوعها
مناديل
كتب
شنطه حريمى
موبايل
مصحف ( للقرائه مش عشان يتحط فى العربيه ( حذارى لأنه هيبقى شاهد عليك يوم القيامه انك اهملته ولم تقرئه ووضعته فى السياره كتميمه ))
كل الأشياء حرة الحركه بداخل صالون السياره هى مسببات حوادث كامنه
تبدأ فى التحرك عند حدوث اى تسارع او تغيير فى الأتجاه او فرمله مفاجئه
والله اعلم هتخبط ايه وفين ؟؟؟؟
فبلاش منها احسن
4 زجاجة المياه والطفايه
ودول برضه لو حضرتك سايبهم فى ارضية السياره ممكن مع تحرك السياره تحرك ووقوف مستمر
يوصلوا لتحت الدواسات
تيجى حضرتك تفرمل
تلاقى الدواسه محشوره مش بتنزل بسبب زجاجة الميه اللى بقت تحتها بدون ما تشعر
وطبعا النتيجه حتميه ومعروفه
5 القاتل الصامت ( ميدالية المفاتيح )
90% من سائقى السيارات تلاقى مفتاح العربيه متعلق معاها مفاتيح بيتهم وبيوت اصدقائهم وكمان ميداليه
وايه يعنى !!
مفاتيحى وانا حر فيها
لأ
حضرتك مش حر
ليه ؟؟
وزن المفاتيح والميداليه مع حركة السياره وتأرجحهم جوه الكونتاك بيعملوا عمل تخريبى لقلب الكونتاك
زى بالظبط اللى ضارب فى قلب الكونتاك شنيور بطيئ
وايه المشكله فى كده
المشكله واللى بتجيلى فى صيانة عربيات كتير جدا وبيحتار فيها الأطباء هى ( طفى العربيه اثناء سيرها وعلى اى سرعه وبدون اى سبب واضح )
حضرتك بتجرى بالعربيه
المفاتيح بتتهز
قلب الكونتاك بوش
مع مطب
هوب الكونتاك فصل والعربيه طفيت
لا بور
لا فرامل
لا حياه
وطبعا كلنا عارفين النتيجه
حاجات بسيطه
بنشوفها يوميا
لدرجة انها اصبحت عاديه جدا ومش بناخد بالنا منها
الا انها عادات قاتله
ساعدونى ونبهوا انفسكم وكل من حولكم بخطورة هذه الأشياء البسيطه
شير الموضوع على صفحتك وصفح اصدقائك
ولك ثواب كاتبه
إبلاغ
الردود
1
0
قبل 9 سنه و شهر