استفسار عن مخالفات ساهر

السلام عليكم ورحمة الله وبركاته 

اخوي  عنده دليل انها باعها للتشليح 

وهاذا إهمال  منه لانه ما راجع المرور  
وشاف هل السياره نزلت عن اسمه  ولا لا 

وبعدين كيف باعها تشليح وما اخذ اللوحات  معاه 


اذا كان عنده دليل او سند انه باعها يمكن تنشال عنه 

تحياتي 

حياك يالغالي مخالفات انسى فيها تخفيض او يشيلونها
ولا تصدق اي كلام ينقال من ناحية هاذا الموضوع
مامعه الا يسدد والله يعينه

اخوي الرفاعي 33 

صارت مره معانا انه انسرقت سيارت اخوي الصغير 

والسارق اكل فيها 12 مخالفه ساهر ورمى السياره 

والله رحت للمرور واثباتات وفي النهايه شالوها كلها 

كلها سرعه 35 كيلو متر 

اخوي احمد انت فاهم غلط يابعدي
الرجال باع الموتر تشليح ولما التشليح جاء يسقط اللوحات من المرور
حصلوا على الرجال 20 الف مخالفات 
والرجال رقمه ماهو مسجل في الخدمه يعني مايجية رسالة مخالفة
وتفاجئ علية 20 الف وشي طبيعي لان رقمه ماهو مسجل
يعني الموضوع مافية سرقة ولا شي
ولا تتسقط اللوحات الا لما يسدد 20 الف ريال ينطح ريال
هاذا الي فهمته من الموضوع وارجو من صاحب الموضوع يصحح
اذا اني فهمت الموضوع غلط

اي  نعم يا الرفاعي هاذا الي حصل ولكن الرجال هو الي خالفه عليها الكلام ان ماجته رسائل بالمخالفات هل ينظرو لوضعه من الناحيه هاذي 

نعم للاسف فهمت غلط 

لا ما يقدرو وضعه وش دخلهم هم 
هو الاهمال منه 

للاسف راح يدفعها كلها500 تنطح500

تحياتي للجميع +1

والله يالغالي بيحطوون الغلط علية 
لانه ماسجل في خدمة ابشر وتحديث رقمه 
صدقني مابيطلع بنتيجه واخرتها بيقولون الله لايهينك سدد

كيف انباعت السيارة وعليه مخالفات.
البيع والشراء وتجديد الرخصة او الاستمارة المفروض ماعليه مخالفات او تم تسديدها مسبقا.

المعذرة انا فهمت غلط ان باعها تشليح

للاسف اللي ما يحدث بيانات الاتصال على الخدمات الالكترونية لوزارة الداخلية
و يربط رقم الاستمارة برقم الجوال ما يدري عن مخالفاته
الا اذا اتصل ب989 استعلام المخالفات
اذكر داومت بجامعة القصيم شهر على موتر اخوي
و اعرف ساهر اللي ببريدة لكن رحت لعنيزة مرتين
و بعد شهور بيجدد الوالد الاستمارة و طلع لي  مخالفات ب900
الحمدلله وقفت على كذا
بعدها اخذت صور استمارات كل سيارات البيت
و كل استمارة احدث عليها برقم جوال راعيها و ارتحت