سيارات الكورلا بالمعارض سيارات شركات تأجير

            جزاك الله خير

دائما حط في بالك
شركات التأجير كل ثلاث سنوات تغير سياراتها
يعني اذا شفت المعارض مليانه سيارات صغار موديلاتها 2009 كورلا كامري اكسنت فاعرف انها سيارات اجار و تلقى على بعضها يوم تفك الكبوت استكرات على قطعها او زي الشمع عشان الي يستأجر السيارة ما يبدل قطعها
تلقى مشي السيارة الايجار كل سنة خمسين الف يعني تضربها في ثلاث سنوات تطلع 150 الف تزيد او تنقص
جزاك الله على التنويه

جزاك الله خير

جزآك الله خير وآلله توني آدري عنهآ

تبين سيارات الايجار من الطبلون يكون فية اثار معجون او غراء من اجل عدم التلاعب بالعداد 

يعطيك العافية

 افتكر في حبل يكون شاد على الدرج حق الراكب الامامي عشان ماينفك وتلعب بالفيوز (غالبا مكان فلتر المكيف) بس ماني فاكر نوع السيارة

بس يا اخوان الشريطي ماهو غبي يخلي كل هالعلامات في السيارة لانه يدري بيجي واحد و يفحص و فاهم بسيارات التاجير
الله يجزاك خير و ما قصرت

تقدر تسوي برنت عنهآ في آلمرور و يطلعلك كم مآلك لهآ آذآ كآن آلمآلك مؤسسة آو شركة يطلعلك كل شيء ..

وفيه سيارات مثل الالتيما وهونداي النترا وسوناتا واكسنت تكون من شركات التأجير ومعروضة للبيع لكن البائع ما يوضح انها كانت سيارات ايجار.ويا خوي سعيد7 يعني بعد ما اشتري السيارة اطلب برنت عنها من المرور وش الفايدة.
المفروض عندنا نظام نفس كارفكس - او طريقة رسائل الجوال حتى لو كانت برسوم نعرف منها تاريخ السيارة
والمفروض شركات التأمين يلزمون بادخال معلومات السيارات المصدومة وهذا موضوع اخر أهم.

^^^ زيادة للاخ الفاضل ابو عبدالله

اليوم كان عندنا محاضرة عن اخلاقيات العمل وذكروا ان في نظام خاص لقانون السيارات يسمونه lemon law  في البلاد الهابطة امريكا
(تقدر تسوي بحث على الويكيبيديا )

يعني اذا اشتريت سيارة ان شاء الله و طلع ان مسمار الكفر معوج تقدر تقاضي الي باعلك السيارة وتعويض للقطعة وللخطر الي كان ممكن يصير

اي شي كان مستخبي وبان تقدر تقاضي ومن حقك ايييه يا دنيا

يالله لك الحمد
الله يبعد عنكم سيارات التأجير :)

الحمدللة ماعندي مشكلة من هذة الناحية كل ماعلي هو اخذ رقم اللوحة ويبين كل شي هل هي سيارة تاجير او سيارة مسروقة وتم كف البحث عنها يعني كافة تفاصيل السيارة

اخوي الجوابر كيف الطريقة والا لازم واسطة 

اللوحات يكون عليها اثار استكرات المكتب وعلبة الفيوزات الداخليه عند السواق يكون عليها شمع او غرا والطبلون والفيوزات اللي في الكبوت .. والممشى ماهو شرط لان اكثرهم يرجع العدادات او يغير العداد كامل عشان الممشى واثار الشمع والغرا . وبالنسبه لمنظر السياره الخارجي تكون الكفرات الخلفيه فارشه من التفحيط و مرشوشه كامله

كلام الاخوان صحيح ازيد عليهم ان في حالة ان عزمت تشتري سيارة وشكيت انها من تبع مكتب تاجير تقدر تمر المرور وتعطيهم رقم اللوحه ويعطونك عدد الملاك وتعرف اذا كانت تبع شركة تاجير ولا لا

تعرفها بالمراتب رايحة فيها

بس حابب انبهك لشيء مهم
مرة استأجرت سيارة من مكتب تاجير و كانت السيارة باسم سيدة 
و المكتب يأجر السيارة لحسابها 
و عند بيع السيارة المعرض سوف يخبرك ان السيارة كانت ملكيتها لسيدة
و حقيقة الامر انها تاجير

كلامكم سليم ولكن للتوضيح انا اترزق الله في السيارات وابيع سيارات شركات واعلم الزبون ان السياره لشركة ومع ذلك الناس يشترون , تدرون ليه لان ثقافة الناس تغيرت ماهو شرط اذا كانت السياره تبع شركه تكون ماهي نظيفه صحيح ان الغالب في شركات الاجار اليومي عدم النظافة لكن فيه نسبه كبيره سيارات نظاف وفيه سياره شركات ماهي للاجار اليومي مثل سيارات ارامكو وسابك وغيرها تكون اجار لمدة سنتين ثم يرجعونها لشركة التاجير وشركة التاجير تبيعها في السوق وتحصل فيها سيارات شبه جديده واستخدمت انا بنفسي سياره شركه وشريت لخوي سيارة شركة ,, العلم على النظافه يالربع