مششكله بقير السوناتا

احتمال زيت القير ناقص

اذا القير على الضمان ارجع لهم وانشب لهم

اذا كان الزيت ناقص تصير هالمشاكل يالغالي ؟ بشيك عليها الصباح 
وبخصوص القير ماخذه قبل شهرين خلص ضمانه للاسف 
لك دعوه بظهر الغيب على ردك

بكم اخذت القير . والله يفرجها عليك

اذا في المدينة اقدر أساعدك بورشة كويسة

اي اخوي من المدينه اتمنى تفيدني بأسم الورشه ومكانها 
رحم الله والديك

اذا عبيت زيت القير وبعدين غيرتة كلة مره وحدة يعني مو كل شوي علبة ينعدم عندك حساسات القير gear solenoid لان البرادة والوصخ تتجمع داخل الحساس بعد ماتكون مخلوطة في الزيت اذا فكيت الصرة
, اذا السيارة ماتلقم الرابع ولمبة المكينة والعة حسب وصفك هذا limb in mode نظام الامان اذا في حساس خرب يبغون السيارة توصلك بدون ما يفرط القير اذا الفلتر جديد والزيت تمام وسلك القير اللي شابك في عصا القير تمام هذي كلتشات

عشان تتاكد من سلك عصا القير حطه في الp بقوة وردة لل L1 او D اخر نمرة بقوة ثم رجعه لل D وشوف العلامة اللي تأشر عالحروف هل هي في النص عالرقم ولا مايلة

اذا لمبة المكينة والعة امورك في السليم افحصها بميه وريح راسك بس اهم شي بعد ما تاخذ الكود ودي الكود عند واحد فاهم لان السباكين في الصناعية على طول يغير القطعة ولاكن بعض الاكواد تحتمل اكثر من معنى

الله يسعدك ياابو زياد
انا امس وقت صارت لي المشكله. كان عندي تاخير والاعراض اللي كتبتها
بس اليوم سميت بالله وشغلتها. وحطيتها بالr. 
عادي عشقت ع طول بدون نتعه وحتى بالd تمام الحمدلله لكن باقي مشكله وحده وهي  اذا مشيت ماتعشق النمره الاولى الا والضغط على
3  وتصحبهت نتعه قويه شوي  ماجربت باقي النمر لاني خفت. يخبط القير اذا مشيت عليها..   ف وش رايك؟  

ع فكره المهندس حط لي زيت موتركرافت. 9 علب وقت تركيب القير
وكثير قالوا لي الزيت غير مناسب 

موتركرافت حق فورد عبي نفس زيت الوكالة لاسباب يطول شرحها مهم جدا جدا اذا لمبة المكينة والعة كمل للرابع وشوف اذا ما جابت الرابع معناتة limb in mode ,نظام الامان اذا لمبة المكينة طافية لاتسوي الاختبار

,

مع ان وصفك يدل ان اللمبة والعة بس بعض السيارات ينتظر الموتر يسخن وينتظر لين تمر عالنمرة ويكتشف ان المشكلة موجودة ويرجع يحط النظام

عشان تتأكد خل الموتر يسخن وامش وتطلع المشكلة كاملة وبعدين افصل سلك البطارية وعشق راح تلقاه يلقم تمام وينتظر تمر عالنمرة ويرجع نظام الامان

السباك (المهندس) اللي عبالك موتركرافت يشتري زيت منتشر ورخيص ويعبه في كل السيارات ولاكن الكلتشات ممكن ما تمسك زين وتتأكل فيه فتحات يبغالها لزوجة اقل يقدر يدخل فيها الزيت عشان كذا الوكالة تحدد اللزوجة

زيت قير سيارتك اعتقد انه sp iv الازرق من الوكالة غيره كامل لانه موتركرافت يسبب مشاكل .و بعد التغيير امشي فتره كذا ابو ساعة ثم غير الزيت عشان يكون الزيت كامل sp iv كررها 3 مرات او 4 
و مثل ما ذكر الاخ ابو زياد في مسالة البرادة و الصنويلد هذا مشغل وليس حساس لان القير يحتوي علی منظم و مشغلات و حساسات sensors 

ابو زياد.  وخلودي ماقصرتم بالرد 
بخصوص لمبه المكينه لا ماولعت عندي بس لاحظت شي اول مااحطها
بالd   تطفي  اذا مادعست بنزين 
بخصوص الزيت كنت شاك والله باذن الله بحملها ع السطحه واغير زيتها عند الوكاله بعد العيد

اذا سيارتك ما لها فلتر تقدر تغير الزيت بنفسك ما تحتاج سباكين الورش اشتر 10 علب زيت و فك الصرة و احسب الزيت اللي طلع يعني كم لتر نزل من القير و حط مثله و ثم عاير الزيت و لو ما تعرف رح لبنشري يغيره لك و يضبط الكمية بالعيار سواء العصا او من تحت 

القير ماخذه من سيارة مافك او مفكوك وموضب اذا مفكوك احتما موضب اي كلام

كلامك مزبوط بس هنا يسمونها كلها حساسات
,

مادام اللمبة ما ولعت انشالله المشكلة بالزييت اذا ماهي زيت عندك valve body مخ القير مسدود او الكلتشات وبما ان السيارة تطفي زيد عليها احتمالية الطنجرة او اذا في صوت قربعة يوم تطفي يعني مسامير الحذاف اللي يشبك في الطنجرة
هذا اذا قلنا ان المكينة سليمة

اخوي جرب تغير سلك عصا القير