لمعرفة النوع المناسب لزيت سيارتك محدث

يعطيك العافية
انا دايم مع الزيت 20/50
بس اشوف اكثر الشباب هنا طايحين باهاالزيوت الخفيفة
وتحصلهم يشتكون من نقص الزيت وحرارة المحرك الخ
واذا قلت له الزيت الخفيف مايصلح
قالك هذا يناسب الموديلات الجديدة 
الخليج منطقة حارة جدا ماينفع زيت خفيف 
ولاالنسبة لاعيار الزيت انا اشوفة لزم لاخر نقطة باالعيار اللي نهايته
حرف F 
اما سالفة خليه باالنص ماهي شي

سيارتي البارح مغير زيتها واحط 30/10 والتغييره الجايه ان شاء الله بثبت على 20/50 لان مع الزيت الخفيف طلع صوت المكينه لما ادعس لها كني اشفط شيشه باعشن

على اي اساس حكمت ان 20w50 هو المناسب لأجواء الخليج ؟
ايش مرجعك لهذه المعلومة
افتح الكاتالوج وشوف اللزوجات الخفيفة الى اي درجة تتحمل ؟

لكل زمن متطلباته الخاصة والمكاين الحديثة تتطلب زيوت خفيفة

الكتالوجات يكتب فيها نوعية زيت لا تصلح للخليج مثل 5-20 .
انا كنت استخدام 20-50  السيارة تصرف بنزين و صوتها عالي و استجابة ضعيفة و رجعت ل 10-30 و كان فرق كبير للافضل .

السوناتا من 2006 -2009 
الجموس من 2007 الی وفوق .
سبب تعطل الطرمبة هو الزيوت الثقيلة لان زيوتها 5-30 او 10-30 .


و جزاك الله خير علی الموضوع 

انا عندي مكتوب في الكاتالوج انو اقصى درجة لزوجة هي 15W50 واعتقد هذي اللزوجة غير متوفرة فهل ينفع احط 20W50 ؟؟؟؟

كلما زادت اللزوجة زاد ثقل الزيت علی الطرمبة 

جزاك الله خير

ممكن لايك ي شباب محتاج نقاط عشان اضف موضوع

زيت الطفرانين

اطلق زيت حر برد خريف ربيع هو 40 _10 وفيه انواع منه تايوتا وكاسترول وتمشيك 8000 وهو باقي ماقلب وهذا اللي انا استعملها 

انا ماعندي كاتلوج ودورت حق النترا 2011 ماحصلت بالنت

تبي تعدم مكاين العالم ؟
20w50 كان يستخدم للسيارات القديمة تقريبا من 2007 و تحت 
اما الان زادوا كفاءة الزيوت الخفيفة فسيارتي مثلا استخدم 5w30 و لا في موتري نقص زيت و لا حرارة و الحمد لله ماشي معي 
فالافضل تستخدم الزيت المعتمد من الهيئة الامريكية APL SN 
و اللي يشتكي من نقص الزيت تلقاه يتخدم APL SL و هذا الزيت بدأ انتاجه عام 2004 و يتعبر قديم جدا

زيت 20-50 للسيارات القديمة من 2000 و قبل لكن بحكم ممشی السيارة و التعويد علی زيت ثقيل صعب تغييره 

مررره ثقيل 20 في 50

قريبي كان معه فورد لاعن والديه لعن وكان على زيت 10 في 30 او 5 في 20 خفيفه

وكان ماشي معه زي الحلاوه صحيحه تنقص لكن ممشاها كان فوق 350 الف و الرجال يوميا يسفط 180 عشان الجامعه

وراح للبنشري وقال البنشري حط 20 في 50 عشانه ثقيل ولا ينقص

حطه وسارت العزززم زباله و ماكمل 5 الاف وغيره صحيح مانقص كثير لكن اصبروا

زاد حطه مررره ثانيه وما كمل اسبووعين الا ويتصل علي ويقول السياره خبطت وش السوواة 

فالزيت الثقيل ما ينفع ابدا ابدا

الا للمواتر القديمه 

الحين الناس تستخدم غالبا 10 في 30 هو ارخصهم ولا باس فيه

واحسنهم تقريبا 20 في 5 او 30 في 5 لان اغلب السيارات هذا عيارها

ويمشيك 10 الاف كيلو وهو خفيف بعد

^^ ياصاحب الموضوع هات لنا شي يثبت 
صحة كلاامك ان اللزوجة لها دخل بالحرارة 
جايك البنشري وضاحك عليك بكلمتين 
ان لزوجة ٢٠-٥٠ تناسب اجوائنا 
ماخبط بسيارات خلق الله غير هاللزوجة 
وكل لزوجة تتحمل الحرارة ... كلامك نفسس 
كلام البنشرية يوم تجيهم تغير زييت 

اسمحلي معلوماتك تحتاج مراجعة سيارتي سيتروين سي 5 زيتها 0w30
والثانية فيات لينيا 5w40
الامريكي الجديد 0w20
اقراء كتيب السيارة هوالمعيار والمرجع
تحياتي

يا زينك ساكت كل المعلومات مضروبة

يا اخوان حسب الكتالوج الموضوع ماهو من راسي شوف المناسب وانا علمتكم المناسب حسب ما اطلعت هذي روابط مفيده 


انا الان مختار بينات زيت ال الجي تي اكس بعد ماتقرا شوف على يمين الصفحه الماجنتيك وشوف الفرق لمين في الازحام والحراره الزائده
http://www.castrolarabia.com/arabic/prd_pas_engineoil_GTX.aspx

هنا موضوع جميل اول صفحه شوف الجدول الموضح والموجود في اغلب الكتالوجات 

http://www.assayyarat.com/forums/t215423.html

تحديث معلومات لديكم بان كل انواع الزيوت اللي ذكرتوها ممتازه لكن للمناطق البارده ماتفيد عندنا ولزوجتها ايضا يتكلمون في المناطق البارده وليس الحاره 
لا احد يلعب عليكم واذا تبون زيت ممتاز فهو الزيت التخليقي من فئة 20W50  او العادي
شوفو ذا المقطع ولتوفير الوقت الدقيقه 3 وطالع شوف فتح الكتالوج مكتوب ودرجة اللزوجه (بالنسبه لسيارت الكتالوج طبعا) هي SAE  بعدين مسجل يفضل 
درجة لزوجه 5W30 بعدين كمل قراءة تجده كاتب لك ولكن بالعربي شووووف اللي يناسب درجة اجوااااااااااااااااااائكم  وحنا نقوله اجوااااااااائنا ماتصلح لها
هذي الفئه بحسب الجدول الموجود في نفس الكتالوج لاحظ معي ان افضل شي لمنطقتنا اللي هو 20ًW50 لانه يتحمل من تقريبا 2تحت الصفر وفوق
عكس الانواع الثانيه اللي تمدحونها تتفوق في البروده باللزوجه العاليه فقط بالبروده وبعد كذا يكون عندا زبدة الموضوع مثلا لنفس الكتالوج بالمقطع المناسب
لسيارته هو زيت يحمل موصفات SAE  20W50  والله من وراء القصد 

للمشككين بصحة الكلام وللي يحب يستفيد ويتعرف ركز ولاتستعجل وشوف الفروقات بالانواع ولصالح اي نوع من جميع انواع الزيوت 
http://bassamblogger.blogspot.com/2012/02/blog-post_6767.html