أضف سؤال أو موضوع جديد          

فن التعامل مع الورش لكي لا يخدعك السباكين

up 10 down 13
ابوزياد123321 208
قبل 5 سنه و 9 شهر



هذي طريقة تريحك تخلي راعي الورشة يمشي عالمسطرة او يقولك "مايبقا شوغول"
اولا تأكد من الاكواد الموجودة بالكمبيوتر كلها قبل تنزلها عنده وخل الورقه معك ونبهه ما يسوي شي زيادة ولا يعبي شي ولا يجيب قطع وبعد الفك يناديك تشوف
كذا ان طلع كود جديد تعرف انه خرب شي او ماركب شي وان وصلت للشرطة اوراق الفحص معك وتعبي بفلوسك الزيت اللي تبيه والموية الخ لانه يشتري موتر كرافت حق فورد موديل 95 بالجملة ويعبيه في هونداي 2015 ويدفعك عليه ويقولك عبيت حق هونداي ومويه الرديتر يعبي من الحنفيه مليانه املاح لو تلمس الحنفية تجيك حموظة ويقولك "مويه اصلي" على باله فيه مويه تقليد
ولا تعطيه ولا ريال لين تجي تستلم السيارة ودوس للموتر وطالع تحت شف اذا فيه شي ينقط وشيك عالاهواز والاسلاك وقله اطلع معي وخذ فرة جرب تبديلات القير لانه وهم يشتغلون يخربون شي بالغلط ويلفقونه وبعدين يقولك "بعرفش يازلمه هيك كانت"

كذا يحلون مشاكلك في اقرب وقت ويزعجونك بالاتصالات لانك ماسك الفلوس

ختاما لا يغرك شكل المحل او كبره دردش مع العامل عن الخراب وبتعرف ان كان فاهم


تحياتي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعجبتني اخر جملة لايغرك شكل المحل
قبل شهر يوم نزلت موضوع عن تغيير زيت القير
رحت لواحد يتعلم توة فاتح محل في بلجرشي
اول ماوصلته قلت بس هاذا بيعطب ام القير ههههههه
بس بالحرام طلع شغلة نضيف هو يتعلم
واول ماجيته بغى يغير زيت المكينه ههههههههه
مايدري فين مكان كارتير القير
بس السوداني مخه نضيف ويفهم بسرعه
عطيته الطريقة وضبط ام القير وطلع شغلة افضل من الوكالة
والحين ماشي على القير 5000 وصلاتي على النبي ولا اروع



up 6 down 0
الرفاعي33 13913
قبل 5 سنه و 9 شهر



ترا ازعجتونا سباكين وسباكين 
السباك يشتغل بيده ويعتمد على نفسه 
وأنت منبطح على فراشك .. وتنتقد فلان وعلان 
اذا أنت دلخ وسبيكه ، ولعبوا عليك لا تلومهم ! 


up 11 down 31
تمثال جرحك -44
قبل 5 سنه و 9 شهر



تعوذ من ابليس
ماعرفنالك هو يشتغل بيده ويعتمد على نفسه ولا حرامي ونصب علي عشاني دلخ وسبيكة ؟؟!!
عالموم الموضوع مو لك موجه للي يروح الصناعيه مصفي النيه وعلى باله انهم ماينصبون وفاهمين وينضحك عليه مو لانه سبيكة من كثر الصيدات اللي صدتهم فيها قلت اكيد ضاحكين على ناس واجد اخر واحد القير فيه طقه ويقول عطها كم يوم وتروح وطالعت تحت لقيته ما ركب مسمار كرسي القير هذا مكنيكي ولا سباك


up 5 down 1
ابوزياد123321 208
قبل 5 سنه و 9 شهر



تمثال جرحك بدال ماتنتقدنا حنا رح ناظر عمرك اول شي وخل عندك اسلوب زي العالم والناس ويمكن انظحك عليك اكثر مننا فلا تفلصف الرجال منزل الموضوع جزاه الله خير للفايده 


up 4 down 1
ahamd9477 119
قبل 5 سنه و 9 شهر



هههههههههههههههههه
ابشرك محد ضحك علي ، لاني أعرف أصلح عند من 
وما أستصغر الناس .. وأسوي فيها "فاهم"
ورا ماتصلح سيارتك بنفسك ؟


up 1 down 13
تمثال جرحك -44
قبل 5 سنه و 9 شهر



الحمد لله دارس بامريكا مكنيكا وكهرباء قلت خلني افيد الناس وسيارتي اطلع المشكلة واروح الصناعية واقوله فك ذا وبدل ذا يعني فاهم واصلح سيارتي بنفسي
لاكن المشكلة فيك انت يبغالك احد يقرا عليك


up 1 down 2
ابوزياد123321 208
قبل 5 سنه و 9 شهر



طيب يا الفاهم لا تستصغر الناس .. 
ثم يجينا غضب من الله وبكره تشوفنا سباكين في الهند


up 0 down 2
تمثال جرحك -44
قبل 5 سنه و 9 شهر



وين استصغرت الناس سوي نسخ لصق لا تتهم من راسك لو استصغر الناس كان جيد عند مواضيعهم وقمت اسفل فيهم زيك


up 0 down 0
ابوزياد123321 208
قبل 5 سنه و 9 شهر



من ضمن الطرق لكشف الحيل قله اذا جيت تشتغل دق علي عشان تجي تشوفه يشتغل او اذا قالك خلاص رح و تعال قله لا ابجلس اذا تغير وجهه او رفض او غير الوقت اعرف ان الشغله بسيطه و هو كذاب . 




up 2 down 0
khalidoo 1167
قبل 5 سنه و 9 شهر



اذا بتصلح سيارتك عليك بالفلبينيين
اغلبهم والله شغلهم نظيييف جدا
وابعد كل البعد عن المصارية والاتراك



up 5 down 0
شليويح الحارثي 2
قبل 5 سنه و 9 شهر



^^^
انا اشهد انك صادق الفلبيين الاغلب فاهمين طبعآ فيهم الكمخه لكن الاغلب
وخصوصآ إذا جيت بتوضب لا تتعدى الفلبيني تطلع الموتر ماترجع له
بعكس باقي الجنسيات بعد التوضيب ترددد عليه لين تطيب نفسك منه ومن السياره ومن الورش ومن نفسك
ههههههههههه


up 3 down 0
المنطق يقول 728
قبل 5 سنه و 9 شهر



والله كلام بالصميم وبالذات انك تسولف مع العامل وازيدك من الشعر
بيت حاول قبل ماتعامل مع الورشه بشي كبير مثل توضيب او 
شي كذا جربهم بشياء صغيره واجلس بالورشه وشف وضعهم وانا انصح
بالعماله الفلبينيين وابعد عن العرب عموما والبنقال


up 1 down 0
خالد ___الرياص 1332
قبل 5 سنه و 9 شهر



لايك للموضوع مع باقة شكر للكاتب


up 1 down 0
خالد ___الرياص 1332
قبل 5 سنه و 9 شهر



اتفق معكم الفبينيين افهم ناس بس المشكلة راعي الورشة يرفع السعر عشانهم فاهمين ويعطيك موعد وسالفة كأنك رايح تطلع بطاقة احوال


up 1 down 0
ابوزياد123321 208
قبل 5 سنه و 9 شهر



مو كل الفلبينيين فاهمين انا في سيارتي مشكلة كهربا طفت وماعاد اشتغلت رحت الورشة بالخضريه بالدمام قالي الفلبيني تحتاج نص توظيب وطلع منه واروح ليمني قالي فيه سلك بطرمبة البنزين مفصول ومايوصل لطرنبة البنزين كهرب عشان كذا ماتشتغل السياره 


up 0 down 0
sss305 7
قبل 5 سنه و 9 شهر



يعطيك العافية .. ورفع الله قدرك والقارئين


up 0 down 0
omar525
قبل 5 سنه و 9 شهر



كلام الأخ سليم ميلون فيالميه
لكن لو كان موترك جايه صدمة مميتته في البودي وش تسوي والله ان تقفل معك وانت تدور وراهم..


خلاةة الموضوع: دردش مع العامل عن الخراب وبتعرف ان كان فاهم


up 1 down 0
idealer 29
قبل 5 سنه و 8 شهر