تجربتي في تركيب تبريد تسخين مقاعد

33 9

لايمكنك التصويت حتى الحصول على 20 نقطة على الأقل
إضغط هنا للإخفاء

ms3al 1784
قبل 8 سنه و 6 شهر

سلام عليكم ورحمة الله وبركاته
 صبحكم/مساكم الله بكل خير
قبل ما ندخل في الموضوع صلى علي الحبيب صلى الله عليه وسلم




زي ما وعدتكم في موضوع (بعض التجارب لي في شراء قطع غيار من النت)
اشترينا تبريد تسخين مقاعد وتم التركيب ولله الحمد
البعض يجي يقول ودي اركب تبريد تسخين مقاعد والبعض يرد عليه مستحيل وتحتاج ظفيرة وتحتاج مدري ايش 
والكهرباء تخرب 
اتركوكم من هذا كله
انا اقول لكم اليوم تقدر تركيب تبريد وتسخين مقاعد ولا اسلاك كهرباء ولا شي هو فيش وتشبكه في حق الولاعه
طلبت من شركة Viotek تبريد وتسخين 
في عندهم نوعين
1- تبريد تسخين 
2-تبريد فقط.
 انا اخذت النوع الأول الي هو تبريد تسخين 
سعره 646 ريال تقريبا والشحن كلفني حق 200 
 راح ارفق لكم الروابط والصور في نهاية الموضوع
اذا اخذت جوز السعر يكون ارخص 
يتوفر بأغلب الألوان (البيج(وهذا الي انا اخذته)-والرمادي-والجملي -واسود)
الجهاز عباره عن تلبيسه وجهاز التبريد والتسخين وتوصيلة الشاحن وقماش لإخفاء الأسلاك 
لا تقطع اسلاك ولا تجرح ركب واشبك في الشاحن واستمتع 
للأمانه انا توقعت الهواء يكون اقوى من كذا 
ويوم جربته حسبته طافي لكن اخذت لي مشوار فيه وحسيت ان في بروده ويوم طفيته حسيت بالفرق 
التركيب اخذ مني 5 دقايق تزيد او تنقص يعني ما طولت لبست المقعدة ركبت الجهاز من تحت شبكته انتهى الموضوع
رابط الجهاز التبريد والتسخين 
http://www.amazon.com/gp/product/B00K0SCNMK




رابط التبريد فقط
http://www.amazon.com/gp/product/B00K1N43R2




رابط الجوز للتبريد
http://www.amazon.com/gp/product/B00WGOLXG8




رابط الجوز للتبريد التسخين
http://www.amazon.com/gp/product/B00WGSOKHS



وفي القريب ان شاء الله اذا الله احيانا اسوي مقارنه فعليه بين الليد والزينون والهالوجين 
وصل الليد الي بركبه في الواطي بس احتاج 3 سيارات عشان المقارنه تكون عادله 






الأن مع الصور 

إبلاغ

الردود