أضف سؤال أو موضوع جديد          

موضووع جدا جميل ومهم حياكم

up 15 down 6
الرفاعي33 13838
قبل 3 سنه و 5 شهر



السلام عليكم ورحمة الله وبركاته
الموضووع طويل لاتقراة الا وانت مرووق على الاخر
باختصار انا واحد كنت ابحث عن سياره عن طريق موقع حراج لكن للاسف ماقدرت اشتري والسبب التلاعب في السومات يعني
واحد يعرض سيارته للسوم وبعد ماتوصل 50 الف مثلا والسومه ماعجبته يجي يقول لا اصلا سيمت على الجوال ب55 او سيمت برى ب55 وكله عشان يرفع من قيمة السومه طبعا


البيع والشراء كله فالموقع ونحن لانعلم عن حقيقة السومات الخارجيه واللي مو مصدق يروح يشوف الاعلانات بعد مايجيك العالم تسوم يجيك بكل برود راعي الموتر ويقول والله سيمت برى باعلى من كذا طيب انا وش علي من برى

البيع والشراء على الموقع واتمنى انه يتم وضع حد لهذي المهزله بحيث يكون السوم على العام في الموقع فقط وبهذا الشكل راح نقطع الشك باليقين وتبقى السومات حقيقيه .... النقطه الثانيه يجيك واحد يقول سيارتي سيمت برى ب50 الف
لكن المصيبه انه اللي سام سيارته ب50 الف كان قبل شهر وتلقاه لقى موتر ثاني واشترى وخلص ولازال البائع ماسك على السومه اللي صار لها شهر وصاحبها اشترى موتر وهو لازال متمسك بسومة قد طارت الطيور بارزاقها

فعشان نوصل للبيع والشراء بشكل جدي يكون السوم على الموقع فقط هنا حفرنا وهنا دفنا وعلى العموم انا ماقدرت اشتري موتر الا لمن لفيت الصالات ولقيت الموتر الطيب ولله الحمد وافتكيت من سومات الموقع الوهميه

اتوقع عارفين انا عن ايش اتكلم


لي فتره ادور سياره لواحد من الشباب بس بصراحه تفاجئت انه موقع حراج ماخربه الا سومات الجوال !!!

واحد نزل اعلان على سيارته وكئنها نظيفه فكلمت خويي قلتله شوف السياره وعطني سومتك وانا بكتبها لك 

المهم صاحب السياره يقول السووم على العام فقط ولايقبل على الخاص


والجوال للاستفسار عن حالة السياره فقط


لحد الان الكلام حلو


شوي الرجال حذف رقم جواله بحكم انه فيه ناس تتصل فغير الاوقات اللي هو محددها


الان نفهم من صاحب الاعلان انه يبقى السوم على العام فقط ولحد الان الوضع اوكيه



المهم كل واحد حط سومته وانا حطيت السومه 41 


لكن يبدو انه صاحب الاعلان ماعجبته السومات وماهو بقد كلامه قدام الرجال


رجع وقال (السوم على الجوال وصل 45 ) !!!!!


طيب انت تقول السو على العام فقط وشهوله تغير كلامك وتقول سيم على الجوال ب45


طبعا اكييد الرجال ماعجبته السومات فقال خلني ارفع السوم عن طريق الجوال


وتجده في الاخير لا احد سامه على الجوال ولاشي فقط يبغى يرفع السوم

واللي يثبت كلامي اني متابع لموقع حراج فتره ومتابع السومات

واكتشتف انه اغلب السومات القويه تكون على الجوال او خارج الموقع !!!


سؤالي ؟

لماذ السومات الاعلى تكون على الجوال ؟؟؟؟




ليه الواحد يعرض موتره على السوم وبعد ماتسوم الرجال يجيك صاحب الموتر ويخرب عليهم كل سوماتهم
ويقول سيم على الجوال باعلى من سوماتكم !!!

اعتقد انه سومة الجوال وسومة خارج الموقع ((( اصبحت طريقه سهله لرفع السومه )))


على العموم نصيحه وزبدة الموضوع لاتاخذون على سومات الجوال والخارجيه 

لانه كل واحد يقدر يرفع فسومة سيارته على الجوال


واحنا مانعلم الغيب عشان نعرف هل راعي الموتر صادق او لا 


ولا حنا فاضين نجلس نتحرى عن صدق هذا البائع


طبعا انا شفت سومات خارجيه على سيارات خياليه


اجل واحد يقول قراند ماركيز 2006 سيم من احد زملائه ب65 الف وماشي 63 الف كيلو !!!! وش خليت لل2010


(( طيب قول انك تبي فيه 67 الف ))) افضل من انك تبيع موترك بالطريقه هذي

تعال افقشني ياشيخ لو طلع كلامه صحيح 

وانا لو ابي احشره كان قلتله خل زميلك اللي سام موترك بهذي السومه يجي ياخذ موتري انظف وممشاه اقل من موترك
ومواصفاته بعد اقوى لاني انا شاريه ب54 الف وبكون كسبان مبلغ وقدره

بس ماحبيت اتدخل عشان مايجيني حظر من الاداره ولحد الان اعلانه موجود

!!!!!



انتبهو من سومات الجوال والسومات الخارجيه


وانا لو بيدي صلاحيه قسم بالله لخلي اي واحد ينزل اعلان انه ينجبر على سومة العام فقط

لانه هنا حفرنا وهنا دفنا




ملاحظه ::




انا شاري ماركيز 2006 وماشي 8 الالف ميل فقط ب54 الف ولابعد عليه شكمانين ودفرنس بوليسي



اما تقولي ماركيز 2006 وماشي 63 الف كيلو مسيوم ب65 الف !!!!

انا ماتكلمت الا اني اعرف اسعار المواتر واعرف متى ينبخس سعرها 


لكن انا اتكلم عن سومات الجوال الخياليه 


كل عام وانتم بخير جميعا


الموضوع اني لي فتره فاضي وجالس افرفر موقع حراج واكتشفت شغلات عجيبه بخصوص السومات وهي كالتالي

الموتر مسيوم

على الخاص ب35

وعلى الجوال ب36


وعلى الجوال برساله نصيه ب37

ومن شريطي ب38

ومن زميل عمل ب39


ومن واحد جى شافها ووقف عليها وسامها ب40


والبيع قريب ؟


طيب الحين انت شخمطت فابو السومات واتهمت الشريطي واتهمت جوالك وزميل عمل وصار برنامج جورج قرداحي وشوي تقل مساعدة صديق




كل هذا عشان تبي تبيع موترك ب41 الف



طيب ياخوي قول من البدايه انك تبي 41 الف وخلاص بدل ماتخش فبيع النجش وتجلس تفلت ارانب عيني



خليت العالم تسوم وتسوم وفي الاخير تنقز عليهم بصاروخ سكود وسومه خرافيه من !



والله ثم والله توني شايف اعلان لواحد كاتب موتر شبه جديد ؟



السياره ماشيه فحدود 140 الف كيلو


البويه مقرشه على التنده والشنطه




الصدامات كاتب انها مرشوشه وبويتها مقرشه


الكفرات رايحه فخرايطها


الطبلون من الداخل مليان ترراب وانتم بكرامه ولازم يفك الطبلون كامل عشان ينظفه مدري الاخ يطعس بالموتر



المهم



موقع حراج اصبح يفتقد المصداقيه ولازم ضوابط وقوانين تحد مثل هذه الامور



لاني وقت ماابي اضحك ادخل موقع حراج واتفرج على السومات والردود





على فكره فيه واحد عارض موتره له شهور يقول انه سيم ب69 ومالقي احد يشتريه الحين كاتب انه طالب فيه 68 هههههههههههههه


مع ان موتره 2009



و69 تجيبلك مديل 2011 ممشى اقل بس كذب الكذبه وصدقها





ندخل فالموضوع ويمكن الكثيرين اشتكو منه ** السومات الخارجية **






قبل 3 شهور تقريبا عرض ماركيز 2009 وممشاه ماهو بعيد عن ممشى موتري




الرجال يقول سيم خرج الموقع ب71 والبيع 74 !!



طبعا أنا عارف ان الموتر ماسيم برى ولا شي بس صاحب الموتر يبغى فيه 74 وخلاص وصارت كلمة ( سيم برى + سيم على الجوال ) غالبا أداة تستخدم لرفع قيمة الموتر والشاهد ( أسعار خيالية تندرج تحت تلك الاداة المخادعة وهي ( سيم برى + سيم على الجوال )




أنا لا أعمم لكن كلنا شفنا أسعار فلكيه خيالية




عندي أنا أشوف اللي يقول ( أبي فالسياره 70 ألف وهي ماتسوى 40 ) أشوف أنه اهون من الشخص اللي كذب عشان يرفع سعر سيارته






المهم نرجع لراعي المركيز اللي يقول سيم ب71 فجيتك طاير وقلتله شوف أنا مابقول أن هالسومه خرافيه ولابكذبك لكن ممكن توصلني للشخص اللي سام موترك ب71 وله مني موتر انظف ومواصفات أفضل من مواصفات موترك بس أنت وصلني له




لاني شاري موتري ب65 قلت مو مشكلة أبيع موتري بعد استخدام له ب71 واشتري 2011


المهم راعي الموتر حذف ردي ؟؟



هذا دليل أنه مافيه أحد سام موتره ب71 بس الرجال حطها من راسه عشان يبغى يبيع موتره بالسعر الي في باله


تركته وطنشته وقلت الله وكيله


حاليا أشوف فوردات أسعارها أسعارها مبالغ فيها مو بس فوردات الموضوع يشمل جميع السيارات



نحن نعاني من تلك الكلمات ( سيمت برى الموقع وسيمت على الجوال )



اختصار الموضوع وعشان الواحد يبعد عن الكذب والنجش



انت تبي فموترك سعر معين قووول أبي في موتري السعر الفلاني أفضل من الكذب ووضع أرقام فلكيه




او انك تترك موترك للسوم ومعروفه أسعار المواتر الحقيقة ومعروفه السومات الحقيقة



افتكر بعت ماركيز 2007 في الشفا وكنت داخل السوق وكل ما احد سئلني ( قلت الموتر ماهو على السوم والمطلوب 55 ألف )





كنت أقدر وقتها اكذب وأقول سيم ب53 والبيع على 55 !!! لكن إختصرت على المسلمين وقلت أبي فالموتر 55 لك رغبة حياك مالك رغبة مالك نصيب فيه والسوق مليان



بكتب موضوع مختصر عن تجربتي في الموقع
........
أولاً
لي عضويات سابقه يعني تقريباً بالموقع 5 سنوات يعني فاهم الموقع 100%
........
ثانياً
تعاملت مع كذا شخص بصراحه كانوا جادين جداً
تم بيع وشراء منهم ومني
.......
ثالثاً
حصلت كثير جداً غير جادين يتصلون ويستفسرون بالخاص والعام
وبالآخير أكتشف إنه مجرد فضول لا اكثر ولا أقل
.......
رابعاً 
هذا هو الأهم كثروا الأطفال بشكل فظيع بالموقع
وسبق ان كتبت قصه صارت مع طفل الخ
المهم يسومون يعلقون يستفزون يبخسون
وهم غير جادين مع ذلك مقسمين على الجديه
في البيع والشراء
........
خامساً
ناس مرضى يضع إعلان لا صوره ولا معلومات
ويكتب اسم السياره ورقم جواله..كثروا بشده
........
سادساً 
أسعار نااااااار على سيارات مع الأسف لا تسوى
وياخذ مقلب بسيارته مافيه مثلها. .هذا شريطي اسحبو عليه
........
أخيراً
اعطي تقييمي من وجهة ( نظري )
نسبة
60% غير جادين
40% جادين
...
طبعاً ال غير جادين هم من يعرض سلعه
بغرض معرفة سعرها أو طالب مبلغ خيالي
أو من يضع سلعه سواءً كانت سياره او غيره
وهي ليست له ولا حضتها كثير
وفيهم من يغش ويقسم وهو كذاب..
الجادين تحياتي لهم وفوق راسي والله
والله يرزق الجاد بالبيع أو الشاري باللي يرضيه إن شاء الله
....
من غشنا فليس منا
....
ولا تبخسوا الناس اشيائهم
..
حديث وآيه تذكروها جيداً
...
هذا وصلى الله وسلم على نبينا محمد وعلى اله وصحبه ومن والاه إلى يوم الدين
تقبلوا تحياتي بصدر رحب
يبقى الأهم الكلام من وجهة نظري بحكم لي مده طويله
وتجارب عديده
لي مواضيع أخرى قادمه مفيده وجديده بإذن الله تعالى
الموضوع جدا اعجبت فية وصراحه بحكي الواقع
ولا ادري في اي زمان كتبة صاحبة لاكن اقولة بيض الله وجهه
كفى ووفى وتجمل ربي يسعدة على هالكلام الي من ذهب
اخوكم الرفاعي
...سلام الله عليكم. .. 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعتقد كلمتك هذي توضح كل شي "واكتشتف انه اغلب السومات القويه تكون على الجوال او خارج الموقع !!!
"
المشكلة في الموضوع انه مايفكر انه حرام وتدليس ونجش بالعكس يشوفها عادي لانه يعتقد ان السعر ذا هو سعرها الحقيقي وان المفروض هذي سومتها


up 3 down 0
ابوزياد123321 202
قبل 3 سنه و 5 شهر



عز الله انك صدقت ي الرفاعي وبيض الله وجهك 

وعندي نقطه والله كرهت مواتر بسبتها كلمه  (مرغوب)
مثلا اليوم شفت جكسار 11 ماشي 80 يقول مسيوم 140 
والحد 158 طيب وش بقيت ل 12 ولا 14 علقت عليه
قال واحد ستيني طيب واذا ستيني يعني ارفع قيمه موتر 
30 الف عشان علامه 
لا ويجيك واحد يقول والله ماعرفه وشفت واحد اقدم منه 
ينباع قدام عيني ب160 وماشي أكثر منه

لمتى نظامهم كذا 


up 5 down 0
m7mas9 179
قبل 3 سنه و 5 شهر



كلام في الصميم وعين الوااااقع. روح يابطل وفقك الله. 
واغلب المزايدات كلها للجشع وإرضاء النفس بحفنة تراب وقرشين. 
حب لغيرك ما تحب لنفسكك


up 3 down 0
nasser 7868 143
قبل 3 سنه و 5 شهر



الزبده خلوها تصدي 


up 3 down 0
camaro28 770
قبل 3 سنه و 5 شهر



والله اللعب في المنتدى زاد 

مره واحد كان حده في السيارة 80 


بعدها قال انسامت 95 عن طريق الجوال 


انا عرفت ان هذا شريطي وسحبت عليه 

1+ 


up 4 down 1
ابو سعود .... -141
قبل 3 سنه و 5 شهر



هلا وغلا وبيض الله وجيهكم على المشاركات الطيبة
وتستاهلووون الموضووع ربي يسعدكم


up 1 down 1
الرفاعي33 13838
قبل 3 سنه و 5 شهر



المشكله ان ٩٠٪ من الشريطيه  يعملون في قطاع. واحد رسيى السمعه


up 2 down 2
الشرقية1 265
قبل 3 سنه و 5 شهر



اول شي مبروك الفورد ومطعوم خيرها +1
حراج اغلبه تلاعب بالسومات وناس غير جاده بالبيع واسعار خياليه
لاكن انت اذ عجبك موتر اتصل على راعيه وسمه بالشي الي تشوفه
مناسب حتى لو كان اقل من فتح الباب كان الرجال يبي يبيع
يبي يبيعك او على الاقل يقول وراك شوي وانت تزيد حاجه بسيطه
وكان الرجال عارض الموتر يطقطق يبي يزعل ويقول مسيوم بكثر
ومن ها الخرابيط اتركه ودور غيره


up 2 down 0
خالد ___الرياص 1330
قبل 3 سنه و 5 شهر



الله يحيبكم ياجماعة الخير انا ماشتريت فورد ولا شي
الموضوع صراحة كاتبة واحد عضو في حراج بس مانزلة في المنتدى
منزلة في قسم السيارات وعزالله انه كفى ووفى في كل حرف قالة
وانا نزلت الموضوع هنا وسلامتكم 


up 3 down 1
الرفاعي33 13838
قبل 3 سنه و 5 شهر



كلامك سليم  100%
اذكر مره واحد عرض سيارته هدد 2009 وقال انه مسيوم ب100 والحد 101 
طيب يعني الف ريال بتفرق اذا كنت بياع ....؟


up 2 down 0
ابو محمد aaar 19
قبل 3 سنه و 5 شهر



انا من اشوف الاعلان سيم برى الموقع اقفل واروح اشوفلي اعلان فيه حد على الاقل ولا تلاقيه مصدق عمره. 
ناس غريبه عجيبه.


up 3 down 0
مشاري557 225
قبل 3 سنه و 5 شهر



انا معاك ١٠٠ ٪يالرفاعي 
انا ابي أقول شيء وخلوكم معي وقولولي كلامي صح ولا خطا أوكيه ؟؟
----
انا أتمنى من الادارة انهم 
١-محد ينزل إعلان لسلعه (سياره ،جوال ،طياره ....)
الا لازم يكون في خانه لازم يحط (الحد)
وإلا ما ينزل الإعلان 
٢-ما في شيء اسمه على (السومه ) لانها الصراحه أصبحت لعبه عند الكل .الا من رحم ربي 
٣-اعلان بدون(( صوره )) ماينزل الإعلان بالموقع  -/-/بالله وش الفايده من ان اعلان بدون صوره -/--
-----
أتمنى ان الصوره اتضحت ؟!؟!؟&
وآسف على الايطاله 
وشكرا لكم اخوكم بسام 


up 2 down 0
bssam13 251
قبل 3 سنه و 5 شهر



والصور تكون جديدة ويحطون مكتب في كل مدينة يفحص السيارة ويرسل للعميل تقرر شامل برسوم 200 ريال مثلا مع الشحن 350 ريال واذا ثبت بالفحص ان السارة حالتها غير عن اللي بالاعلان تحظر العضوية وتنزل بالقائمة السوداء ويكون فيه جدية يعني اللي لعاب تحظر عضويته وخلاص يكون المكتب في كل مدينة وبالرسووم هذه الكل مايستخسرها على سيارة بعيدة عنه مقابل انه يشتريها وهو متطمن وبعقد رسمي ان لقيت مواتر تناسبني لاكن مالقيت الل يروح ويفحصها ويشحنها لو اقدر سافرت لها لاكن صعبه جدا يعني بمن تروح سفرتني على قلة سنع ويطلع الموتر ابو كلب


up 2 down 1
ahamd9477 120
قبل 3 سنه و 5 شهر



باين من اسم الموقع اسمه حراج
ابختصر لكم سالفة الموقع كله
هو ماسمي حراج الا عشان العضويات المتناوبة على البخس والشكاوي
وبكذا الموقع يشتهر لصالح صاحب الموقع وهذا هدفهم وهذا اسلوبهم بالموقع
ياجماعة
افهموها انتم لو بغت الادارة تسمع كلامنا كان نص الشعب خرج من الموقع
هي هذي سياستها عشان يتنشط الموقع ويبقى في اول حرف ح بقوقل
لازم مشاكل تطلع ولازم بخس للسلع ولازم نصابين فيه ولازم عقال فيه
وفيه ناس فاهمين وناس تحاول تصلح الموقع بس للاسف مو فاهمين
وانتم وحنا موفقين..




up 2 down 0
ابو عبدالله احمد 3388
قبل 3 سنه و 5 شهر



وعليكم السلام ورحمة الله وبركاته أخي الرفاعي
بيع وشراء السيارات في موقع أجد بأنه أصبح فعلا يفتقد للمصداقية
أنا لي تجربة في البيع عن طريق حراج ولم يصلني زبون جاد و الزبون الذي اشترى السيارة شاهد إعلانها في موقعي
و أحد الشباب يقول لي بأن البائعين في موقع حراج غير جادين و إذا كنت أريد شراء سيارة فاذهب لموقع مستعمل

من خلال تجاربي في التجارة الالكترونية فإن موقع حراج يعتبر موقع ممتاز جدًا لعرض السلع و جلب الزباين، فزواره كثيييير. و جربت الإعلان في كثير من المواقع ، أغلب زبايني من حراج.
من خلال ذلك وجدت بأن حراج مناسب لسلع أخرى غير السيارات.


مشكلة السيارات يصعب ضبطها بسهولة. قد تكون الإدارة درست الوضع و وجدت بأن هناك مشكلة فعلا لكن حلها قد يؤثر على أداء الموقع بشكل عام و يؤثر على أداء الأقسام الأخرى. فكان من الأفضل ترك هذه المشكلة للجمهور أو ابتكار أمور أخرى كالتقييم.


أنا أقترح على من يريد عمل مشروع بسيط و غير مكلف و لكن يحتاج أن يكون بغطاء رسمي (مؤسسة) و بنظام محاسبي آلي جيد.. يعني موقع مرتب لا تقل تكلفة برمجته عن 25 ألف ريال إلى 15 ألف ريال.
و هذا الاقتراح من الممكن أن يتبناه موقع حراج بقسم خاص يسمى البيعات الجادة، أو يجعله تطبيق منفصل.
الفكرة كالتالي:
1-كل مشترك في هذا النظام (بائع أو سايم) عليه أن يودع 1000 ريال في حساب الموقع
2-البائع يلتزم بالسومات الموجودة في إعلانه فقط و من يريد أن يسوم خارج الموقع عليه التسجيل و السوم أمام الناس.
3- على البائع أن يحدد نظام بيعه: لأعلى سومة/ أو للحد/ أو لأعلى سومة بعد الحد،، وهكذا
4-إذا لم يلتزم البائع بالبيع لمن تكون له البيعه حسب النظام الذي حدده البائع فمبلغ ال1000 ريال سيكون 50% للموقع و 50% لمن له البيعه.
5- السايم إذا تهرب من شرائها فـ 25% من 1000 سيكون من نصيب الموقع و 25% تكون من نصيب صاحب السلعة.

إذا وجد موقع أو نظام بهذه الطريقة فلن تجد في الموقع إلا الجاد فعلاً. وهذا النظام مقارب لبعض الأنظمة المعمول بها في المزادات الأمريكية.

طبعــًا 1000 ريال كمثال و إلا يمكن خفض المبلغ ل500 ريال مثلا.

هذه فرصة مشروع لمن أراد، و يمكن البدأ به بموقع بيع عادي مثل حراج، ثم يتطور الأمر بعد الإقبال عليه إلى نظام الكتروني كامل يشتمل على النظام المحاسبي.

و بالتوفيق للجميع



up 3 down 0
الفارس المميز 2645
قبل 3 سنه و 5 شهر



اتفق مع الكاتب 100%
وغير هذا المواقع فيه عيوب كثيره
واولها العمولة 10% مبلغ كبير جدًا،
يعني لو بعت موتر بـ 100 ألف بدفع للموقع 10 الاف عموولة ويطلع مكسبي 90 الف!!!
بدال ماهوب 100
طبعًا هذا عيب غير اللي ذكروه الأخوان


up 0 down 0
idealer 29
قبل 3 سنه و 5 شهر