أضف سؤال أو موضوع جديد          

حلال على الشركات وحرام على اخوك

up 11 down 4
sauditop 106
قبل 6 سنه و 11 شهر



  فيما يخص  السيارات المنتهيه بتمليك




 خلونا   ننشط مبداء التكافل بين بعضنا كمسلمين فيما يخص السيارات  الاجار المنتهيه بتمليك .




1- السياره تعتبر سياره الشركه وليست لك.
2- السياره  استخدام وتسهيل امورك.
3- مليت واجه صعوبه في تكمله  الاجار  اعطها لغيرك بدون مقابل
4-  ولا تبي  تسوي  مثل الشركات وعطوني وعطوني  حالك مثل حال الكثير .
5- انت استخدمته السياره والحين تبي تتركها اعطها اقرب  شخص لك صديق قريب منك وفكه من روحت الشركات  .
6- انا دافع وانا دافع  ندري انك دافع لكن تذكر  انك استخدمته السياره  وصدمت فيها ورحت وجيت وصارت سياره قديمه وممكن  لو تسدد كل فلوسها ماجابت لك وقتها اي مبلغ
7- انت حر كمل الاجار لكن لا تجي هنا اخي الكريم تسوي انك شركه وتبي تسوي  مثل ماعملت الشركه فيك.
8- وتذكر (من فرج عن مؤمن كربة من كرب الدنيا فرج الله عنه كربة من كرب يوم القيامة)




 ياخي عطها  اخوك  صديقك  قريب لك جارك  وفك  نفسك وفك  اخوك من الفوائد والتعب




ولا حلال لشركه  وحرام على اخوك 

الحمدلله الان وضعوا  قسم خاص بتنازل وهذا دليل وعي الاخوان وتكاتفهم مع بعض 
http://www.haraj.com.sa/tags/%D8%B3%D9%8A%D8%A7%D8%B1%D8%A7%D8%AA%20%D9%84%D9%84%D8%AA%D9%86%D8%A7%D8%B2%D9%84







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


برافوو علييييييك


up 3 down 0



معليش بس وش اللي حارق رزك ؟

و وش دخل تكافل المسلمين ؟ انا محد كفلني من المسلمين يوم رحت اطلع السيارة ..

وبعدين معليش بس إذا تدور على سيارة تنازل .. لا تقعد تعيب على اللي يبي شوي من اتعابة عشان
تاخذها بلاش !!


up 3 down 5
lahab400 633
قبل 6 سنه و 11 شهر



عندك اخطاء إملائية ..(مبداء) × خطا كذا تكتب ( مـبدأ)
(واجه)× الصح(واجهت)هذي لغتنا ياخوان لاحد يستهين بهويتنا..



up 5 down 8
talal abdullah 5413
قبل 6 سنه و 11 شهر



انا عندي كامري 2011 ماخذها كاش
عطيتها اخوي مقابل تقسيط من دون فواد على خمس سنوات قدام


up 7 down 0
عبدالرحمن1القحطاني 86
قبل 6 سنه و 11 شهر



اخي كل واحد حر بحلاله وماله ..... انت لو كنت مكانه راح تعطي واحد السياره بدون اي مقابل .؟

ولا تاخذ شي منها ابد .؟


up 2 down 4
gsxr_600 1015
قبل 6 سنه و 11 شهر



اولا  ياخوان هذا الموضوع معمول فيه في قطر والامارات  وتقدرون اسئلون

يقولك  خذها بحقها  ولو رحت  معارضهم هناك  تقوله بكم يقولك خلص الي عليها وخذها 


ايضا الي يقول  حلاله ياخي  محد قال شي والله العظيم  هذا اذا صار حلاله   مع احترمنا للجميع  مايملك فيها كفر واحد  


up 5 down 1
sauditop 106
قبل 6 سنه و 11 شهر



بعدين اخواني بدون تشنج  رجاء

ماتبي تتركها لغيرك  خلها معك وسدد الين  تصير ملك لك ( حلالك)

تقول بتنازل  لا تشوف واحد في الشارع  لا ...  عطها اخوك صديقك قريبك 

المهم في الموضوع انت استخدمتها   وتحس انها ثقيله عليك او مليت منها ماتبيها حولها لغيرك  وغيرك يستخدمها ثم تتحول  للغير .... الخ

ودمتم بخير


up 2 down 1
sauditop 106
قبل 6 سنه و 11 شهر



يدفع دفعه 20 الف .. يقسط اربع شهور 6 الاف .. يمشي السياره 40 الف كيلو .. همن يقولك حدي 20 ... ههههههههه

صدقت والله 


up 6 down 2
الفاضي 21
قبل 6 سنه و 11 شهر



يازين الكاش والوكاله ……


up 7 down 1
عاشق المعارض 705
قبل 6 سنه و 11 شهر



عموما بدى   وعي   لدى اغلب  الشباب  وتقدرون تشفووون  اعلانات كثيره  يقولك  خذا  ومايبي اي مقابل 

وهذا الصحيح  استعملها       حس  انها   سياره صغيره عليه  او افساطها متعبه  كتب  بدون مقابل وراجعوا   المواضيع بتحصل سياراتت من كل الانواع  تنازل بدون مقابل 




up 3 down 1
sauditop 106
قبل 6 سنه و 11 شهر



كلام جميل وفي الصميم واللي أخذ سيارة ائجار ومنتهي بالتمليك وصار عليه حادث وصارت التكلفة بتقدير الوكالة اكثر من 50% من قيمتها الاساسية راحت عليه السيارة والاقساط اللي دفعها والمقدم .
احد الزملاء قسط كورلا مؤجرة والمتبقي 6 شهور فقط وصار عليه حادث ووصلت الي درجة انه طلب الوكالة يصلحها على حسابه خارج الشركة وقالوا له لا هذي مو سيارتك وتعتبر تالفه .
الحذر ثم الحذر من التأجير المنتهي بالتمليك .
بالنسبة للأخ / lahab400 2
يا ليت ترتقي بمستوى الحديث وحركات المراهقه خلها في bb .

talal abdullah
الاخ طلال عبدالله
مشروع التصحيح جميل جداً ويا ليت اذا عندك خبرة لغوية تشتغل صح في المنتدى وتبدأ التصحيح (( تراني جااااد )) بالتوفيق للجميع



up 5 down 0
omamri 59
قبل 6 سنه و 11 شهر



والله ياخي الكريم omamri 

والله الذي لا الله الا هو  انك  شخص  اعرفه تمام المعرفه  دفع دفعه  واقساط في لومينا 2006 على موديلها  صدم عليها قدروا عليها تالف قال  مو مشكله عطوني سياره غيرها او سلموني التامين قالولا

التامين قدر التعويض 50 الف وانت دفعت 27 الف وهي قيمه السياره  قسم بالله ياخويان شيكه الي اليوم عند الجميع

رفض ياخذه وقال في ذمه الجميح  تدرون كم الشيك قسم بالله 190 ريال وهو دافع اقساط تاجير  مبلغ 27 الف

المقصد هنا انه سياره التاجير ماهي لك ابدا



up 1 down 0
sauditop 106
قبل 6 سنه و 11 شهر



السلام عليكم ورحمة الله وبركاته
اعرف واحد شرى سياره كانت قيمتها 130 الف كاش بالوكاله 
وهي تسوى 100 الف ريال الان بالسوق
اذاً السياره 
 الان تسوى 100 الف ريال !!!
وكان دافع منها 50000 ريال 

السؤال ؟؟ الآن حسب رأي اخونا صاحب الموضوع 
انه يبي صاحب هذه السياره إن نوى البيع انه يتركها للغير بدون مقابل 
طيب !! وال 50000 اللي اندفعت ؟؟؟

اخوانا صاحب الموضوع يبي ال 50 الف تموت 

السؤال ؟؟؟؟؟؟؟؟؟؟؟؟؟؟؟؟؟
كيف تبي صاحب السياره  يترك ال 50 الف ( ككل )
بديهياً انه لازم يطل بشئ ( معين ) ان لم أقل يطلع بشئ رمزي ( كأسوأ إحتمال )

الزبده !!

عرضنا السياره 
وجونا بعض الاخوان وقلنا لهم كذا كذا كذا ( مثل ماذكر )
وبدوا بالمزايده 
يعني صاحب السياره يبي تعويض ِمما تم دفعه 
هو مايبي ال 50 الف ولكن يبي شيئ من خسارته ( لأن سيارته تسوى 100 الف )
وفعلاً 
مثل مابغى صار 
جاه شريطي ودفع له 15000
وكيش المبلغ ( اللي باقي للوكاله ) 
يعني نقول تقريبا طلعت عليه ب 15000 وبخصم من الوكاله من التكييش وباعها ب 000, 101 

يعني التاجر استفاد واللي شرى وكاله عوض شيئ من خسارته بدل إستخدامه


رأيي الشخصي انه يجب التعامل مع هذه الحاله بحسب قيمتها بالسوق 
اذا السياره تسوى بالسوق يجب دفع مبلغ للشاري الاول حسب الاتفاق 

وتحياتي لكم 


up 2 down 0
السهل الممتنع 6408
قبل 6 سنه و 11 شهر



كلام سليم السهل الممتنع

والكلام  وبكل تاكيد الي دفع 50000 الف دفعه اولى هذا مخطط  مارح  يتخلص من السياره وناوي يستمر فيها

ولا عنده مشكله  حتى الي بيدفع  برضه ماعنده مشكله .... وقلنا انه كل واحد حر في تصرفه

المقصد الي  مادفع شي  كل الي دفعه يعتبر حق استخدامه يعني لو اخذ سياره  اجار من مكتب اجار بيدفع اكثر مما دفع 

ويجي  يبي  تعويض عن كل شي  طبيب   وهذا حقه محد يقول لا بس مارح يحصل  الي ياخذها بسهوله لنه الموضوع شروط شركه والي بتنطبق عليه شروط الشركه او البنك بيطلعها   بنفسه وجديده


up 1 down 0
sauditop 106
قبل 6 سنه و 11 شهر



الآن طال عمرك فهمت اللي تقصده
تقصد اللي دفع دفعه صغيره واستخدمها فتره معقوله 
ليه مايتركها بدال مايوجع راسه بالبحث عن اللي يشيل باقي الاقساط بمقابل 
( اذا كان كذا قصد انا معك )
اما اللي دافع مبلغ جيد يجب انه يطلع بأقل خسائر لان موتره يجيب وهو دافع 


up 2 down 0
السهل الممتنع 6408
قبل 6 سنه و 11 شهر



اللي دفع دفعة صغيره او مادفع شي..
هذي ترجع للعرض والطلب .. وإذا السوق يشوف ان الرجال يستاهل تعويض بيجيه تعويض .
الناس عندها عقول موبس الشريطي اللي يفهم

اما من ناحية مايستاهل تعويض بالمرة !! طيب افرض الرجال يدفع الإيجار مدة سنتين ونص وباقي اقل من سنتين
ويخلص ومر بضروف مادية .. انت في ذي الحالة لو تقبلت السيارة ولو بتعويض مجزي راح تطلع كسبان
لأن كلها كم شهر وتصير لك ... حتى لو فيها دفعة اخيرة ... وبتطلع قيمة السيارة عليك بنفس سعر الكاش وانت
تقصدها ... في هذي الحالة يالغالي ... انت الكسبان وهو الخسران ... هو اللي دفعة راح دم فاسد و انت اللي
تدفعة جاب لك نتيجة ..وتعب الرجال راح بلاش ...

كل هذا ... ومستخسر فيه شلقت ريالات !!! ...

يا بلد ياللي خيره لغيرنا !! حتى اهل البلد طلعوا قلوبهم مو على بعض !!



up 0 down 1
lahab400 633
قبل 6 سنه و 11 شهر



باركم الله فيكم

خلونا نحسبها  ياخوي lahab400 8 

السياره معه سنه دفع دفعه ولى 3 الاف ريال 
اقساط 12 الف ريال  نقول قسطها 1000 ريال

واستخدم  وراح وجا والسياره صارت ماشيه 90000 الف كيلو
وفيها مشوخ  وفيها حكات وكفراتها يبيلها تغيير  وفيها دقه بسيطه بالركن الخلفي
والشركه بتاخذ من الي بيتقبلها 3000 الاف ريال رسوم اداريه

اهل  ادفع له شي ؟؟ بعد ماحللها  جديده وسع صدره عليها مبلغ 15000 الف في السنه


up 1 down 0
sauditop 106
قبل 6 سنه و 11 شهر



 إذا كذا لا ...

حسب ماقلت لك ... العرض و الطلب ... من اللي بيتقبلها بمبلغ  !؟


up 0 down 0
lahab400 633
قبل 6 سنه و 11 شهر



الله يبارك في الجميع ويسر امور الجميع

ليس  شرط ان تعطيها  شخص ماتعرفه  عطها  اخوك  او صديقك المقرب لك  او قريب لككك  ...  ونكون كذا سوينا فزعه بين بعضنا

وموفقين جميعا يارب


up 1 down 1
sauditop 106
قبل 6 سنه و 11 شهر