فحص الكمبيوتر ؟

فحص الكمبيوتر 

يطلع معظم الخربات

وخاصة الخربات اللي ما يكتشفها الكهربائي

طيب دامه يطلع الخرابات ليه الناس لما تصير عندها مشاكل بالسيارة ما تتجه له وتريح راسها من السباكين

لانها غالي يكلف 200 ريال الفحص

فحص الكمبيوتر لمحركات السيارة وانت رجال بتشتري موتر
ماهو ثقة مثلا اذا غيرت البواجي والبطارية يعطيك نسبة
المكينه 85 باالمية لو المكينه علا وشك تخبيط
فلا تثق فيه فا شف لك ميكانيكي يفحصة افضل
مثال علا ذالك كان معي في اكس ار ولعن كل لمبات الطبلون
وديته لهم قالو حساس المكينة سعر 2800
ووديه لاكهربائي قال هذا فحمات الدينمو كلفت ثلاثمية
ريال مع التركيب
مدري عاد العمال اللي يفحصون باالكمبيوتر مايعرفون له
او انهم نصابين مع انهم كانو فلبينيين جنسيتهم
باالتوفيق

فحص كمبيوتر يطلع هلل في حويسبات السيارة مثل BCM.ECU.VCM.TCM.PCM.وووووو و يفحص جميع الاشياء اللي لها علاقة بالكهرب و الفحص الاخر اللي هو النسب للمكينة و القير 

طيب فيه قطع ميكانيكية مثلا زي البكرات والشدادات والفلاتر تطلع مع الفحص والا كيف

لا ما تطلع و السيارات اللي ABS يطلع فيها رمان الكفر . 

شباب انا تعمقت باجهزه الفحص بالكمبيوتر 
في اجهزه ابو كلب ورخيصه هذي تطلع نتائج غير صحيحه وتألف من راسها 
وفي اجهزه غاليه فوق العشره الف ريال هذي ممتازه وهالكلام قاله لي احد اصدقائي ميكانيكي متمرس 
يقول مو كل جهاز وجهاز يفحص صح في اجهزه تقراء الكود خطا وفي اجهزه تطلع كل شي 

ولو الواحد يبي يفحص سيارته اولا يسئل صاحب الفحص عن الجهاز ويتعمق فيه ومو كل شوي ادفع 200 على جهاز معفن 
قيمته 500 وش ذا الهبل 

فيه اكواد عموميه
واكواد متخصصه
ما يطلع الاكواد المتخصصة الا الاجهزه اللي تنشبك في النت وتحمل تحديثات
يعني فيه رقم يدل على حساس الهوا الخارجي في جميع السيارات

وحتى الرقم العام ممكن يطلع تنبيه خاص تحته ان احتمال القطعه الفلانيه خربانه 
عشان كذا افحص عند اللي معاه جهاز شاشته زي الايباد الصغير