افضل وقت لبيع السيارة

السياره كل مايمشي عليها الزمان بينقص من سعرها مافي وقت محدد فيه سيارات اذا نزل شكل جديد ينزل سعرها وفيه الي يرتفع

يفيدوك الشباب اعتقد  اعتقد فعلا لها مواسم مثل الجيوب في الشتاء غير الصيف

1 ماعندي ذيك الخبره
2 الممشى تحدده الوكاله تقريبيا بناءا على فقدان الزيت للزوجة اذا الار بي ام عندك دايم عالي وتحرقلها غير عن تمشي مهدي 
عشان كذا خل شي من العلبة معك وكل فترة قارنه بلزوجة الزيت اذا شفت الفرق واجد غيره
3 الرقم الاول اللي قبل الw معناه لزوجة الزيت والسيارة بارد عشان اوروبا يقدرون يشغلون السيارة في الثلج غير مهم لدينا نهائيا
الرقم الثاني لزوجة الزيت بعد ما يسخن وهذا هو الزبدة نصيحتي امش عالكتالوج في الرقم الثاني لاسباب يطول شرحها

حياك المستعمل وانا اخوك على حسب نضافته ونوعه 
ان كان مرغوب ونضيف بيمشي في اي وقت وفي اي مكان 
ماهو شرط صيف ولا شتاء 
بالنسبة للزيت حدد وش موترك وموديلة 
واذا موترك من الموديلات الجديدة وفية كتالوج
بتلقى فية الزوجه 

الله يوفقكم يا شباب ما قصرتو 
السيارة كامري 2013 
واللزوجة هي 5w30 

الله يوفقكم يا شباب ما قصرتو 
السيارة كامري 2013 
واللزوجة هي 5w30 

مافي وقت لاكن الناس الي يستخدمون غالبا تحصل ايام اجازة 
الاسبوع اما باقي ايام الاسبوع شريطيه

ممتازه الزوجه خلك عليها وهي اساسا الموصى عليها في الككتالوج
وتمشي عليها 10000 بالراحه

أفضل سعر للسيارة وقت الحج يرتفع أسعار السيارات المستخدمة وينخفض أسعارها في رمضان
زيت بترومين a1 5w30 كم 5000 وهم يكتبولك عليها انه يمشيك 10 الاف بس أنا استخدامي على السيارة كلها دعس ينحرق بسرعه
اي احسن لماكينة السيارة 10w30 او 5w30   -- على حسب سيارتك وش معاك سيارة
هذا الأفضل للكوامري 5w30

المهم لو سيارتك موديل جديد لا تقرب من هاذي اللزوجة 20w50

السيدان في الصيف و الجيوب بالشتاء

فيه عضو يراسلني بالسناب شات لا يكون انت

يقول سمعت ان افضل وقت يبيع فيه السياره نهاية الشهر مع الرواتب ههههههههههههههههههه

قلت له ليش رايح تبيع او تشتري جوال انت وش دخل قيمة السياره بالراتب هههههههههههه

اعترف هو انت او لا

يعتقد البعض ان تحول لون الزيت الى البني الداكن معناه الزيت محروق
غير صحيح
معناه ان الزيت يعمل جيدا في تنضيف الماكينة من الداخل والزيت تقدر تختبر كفاءته بتفحص لزوجته

كلامك يا سلطان 4040 صحيح 100% بس اذا اسود الزيت او اسود بسرعة يعني خلل اما بالزيت و ااو المكينة .


افضل وقت مدري لاني ما اعتقد ان فيه وقت اصلا .
ثانيا اعتقد ان الافضل 5w30 و يمشيك من 8000 الی 11000 او 12000 حسب استخدامك بس انت غير علی 10000 و افحصه علی 8000 .

استغفر الله العظيم ذكرتوني بزيت اللومينا

الله العالم الظاهر طق 30 الف اللحين ما غيرته بكرة لو فاضي بغيرة ان شاء الله

افضل اوقات لبيع السيارة يكون في المواسم مثلا

قبل العيدين باسبوع او اسبوعين 
قبل الحج والصيف بالنسبة للسيارات الكبيرة
قبل الدراسة 
قبل الشتاء بالنسبة للجيوب

وزي كذا عموما حسب المواسم

بالنسبة لممشى الزيت...ماله معيار دقيق، لكن تقدر تعرف إذا احترق الزيت (خفت لزوجته وأصبح قريب من الماء).
يعتمد ممشى الزيت على دعستك وعلى سواقتك إذا كانت خطوط أو مدن (في المدن يقل عمر الزيت بحكم الزحمة و التوقف الكثير).

أنا أقول تفتح الكتالوج وتشوف الزيت الموصى به وكم يمشي معك وبدله بعد الممشى الموصى وبشرط انك تشيك على الزيت بشكل دوري
 (بالأسبوع مرتين مثلاً)
وإذا شفت الزيت خفت لزوجته وصار أقرب للماء غيره.

أما بالنسبة لوقت بيع السيارات، فـ على حسب مثلاً سيارات الدفع الرباعي (الجيوب) مطلوبة أكثر مع دخول الشتاء. 
ما عندي علم كبير فالموضوع فأتركه لأصحاب الخبره.

بارك الله فيكم أجمعين
تحيتي

أفضل وقت لبيع السيارة هو انك تخليها معك اكبر وقت ممكن لأن كل ما ضلت السيارة معك كل ما زاد انتفاعك منها

اضريبلك مثال

سيارة سعرها مثلا 50 الف ريال لو بتبيع بعد سنه بتجيبلك 40 الف مثلا معناها تكلفة استخدام اول سنة هي 10 الاف 

طيب لو بتبيع تاني سنه بتجيب 34 معناها تكلفة استخدام ثاني سنة هي 6 الاف ريال

طيب تالت سنه بتجيب 30  معناها تكلفة استخدام ثالث سنة هي 4 الاف ريال

وهكذا تتناقص تكلفة استخدام السيارة باستمرار معناها انك انت الكسبان كلما عمرت السيارة معك

مع ملاحظة تزايد تكلفة اصلاحات السيارة ولكن بنسبة اقل من نسبة تناقص تكلفة استخدام السيارة فتكون انت الرابح من بقاء السيارة معك أطول زمن ممكن