إلى متى التخلف ؟؟؟
24
2
إضغط هنا للإخفاء
الى متى التجمهر وشغل اللقافة الزايدة ؟
يعني انت ماشي في الخط وشفت لك حادث ولا حريق ابتعد عن الموقع تراها مصيبة احمد ربك انك منت في مكان المبتلي
مو لازم توقف سيارتك او تنزل ماغير زحمة وإعاقة لرجال الدفاع المدني والاسعاف
وفوق ذا افترض ان الآدمي الي صار له حادث توفى لان الاسعاف تاخر بسببكم انت وكل المتجمهرين الي معك حتتحملون ذنب وفاته كانكم قاتلينه ونفس الكلام للحرائق يعني اذا انت تبي تصور ولا اللقافة مشتعلة في جسدك خذ مسافة بينك وبين مووقع الحادث 20 30 متر بحيث تسمح لشاحنات الدفاع المدني والاسعافات باخذ المسافة الكافية للوصول لموقع الحدث
لازم تطبق قوانين صارمة بخصوص التجمهر وهذا فيديو لتجمهر بتبوك اعتقد صارت في اليومين ذي
https://www.youtube.com/watch?v=Nfrgf8vrjfs&index=20&list=PLnDIaDu4wl5arOct4QGFplPRcT_MtgKK_
إبلاغ
الردود
7
0
وبالنسبة للتصوير هالايام ولاخلو شي الا وصوره زي ماذكرت
"بعض المناظر لايتحمل الفكر والقلب مشاهدتها "صار الطفل يجيه عقده نفسيه
والكبير قلبه يزداد صلابة وتحجر وتروح مشاعره من كثر ماشاف بلاوي رغم انه في البيت عالشاشة
1
0
1
1
------- لكن ماكو فايدة ثقافة متخلفة ومتأصلة فيهم -- والكثير منهم يستمتع بالتجمهر والتطفل والمشاهدة وكأنه يشاهد مباراة كرة قدم... او فيلم سينمائي. ماشافوا خير ولاشر............... والله المستعان
1
0
1
0
يسوون مخالفة اعاقة الاسعاف
وقيمتها 1000 ريال
ويجي العسكري بالجهاز يمر على كل السيارات الواقفه ويصور وهو ماشي
بالبداية بيكون الوضع مثل ماهو لان الناس ماراح تعرف الا اذا جاتها المخالفة وقتها ماراح يوقف احد
هذا مجرد اقتراح
اذا في حلول افضل اطرحوها هنا لعل وعسى توصل لاحد المسئولين
14
0
0
1
يشوف
0
0
0
1
كنت مسافر على طريق المظيلف جده
المهم فيه واحد صاحب فورد انقلب قدامي وانا اشوفه... والله ياشباب اربعه او خمسة شباب.. نقزوا ع الفورد وجلسوا يشيلوون الشناط
في لمح البصر اختفوا .... كنت اتمنى اني القط لوحة سيارتهم.. لكن.. معى الغبار والعجة بعد الحادث مالمحت منهم الا انهم من ذوي البشرة السمراء ..
2
1
وفعلا التجمهر بعضهم ضعاف نفس يسرق من الضحايا وينتظر الفرصه
وبعضهم ملقوف يبي يشوف شي ما شافه ومهو مئلوف عليه بس يطالع
وبعضهم وهذا قليل يساعد ويتصل ويسعف بس ذولي قليل جدا
انا اكره التجمهر والله ياما شفت حوادث قدامي اولا اقصر على صوت المسجل واجلس ادعي للمصاب او عائلته وامر مرور الكرام
اشوف وادعي ان ربي يقومه بالسلامه واكمل طريقي
البعض يوقف وينزل يجري على الحادث وتجلس تراقبه بس يحب يطالع من الطفش
الله المستعان الله المستعان
الحل مخالفه المتجمهرين زي ساهر وبس
2
0
0
0
ياخي فضول بعض الناس ،يحسسك أنه ما عنده سالفة ،بس قال إبي اصور عشان يوري أصحابه أنه كان موجود في مكان الحادث وهات يا سوالف .
عينة مريضة فعلا ً.
الحمدلله الذي عافانا مما ابتلي به البعض وفضلنا على العالمين تفضيلا .
0
0
المهم كان في حادث في الشارع الثاني وكنت ماشي 120 الخط فاضي كان
المهم فجأه اشوف سيارات متجمعه في خطي وناس نازله من سياراتها في وسط الشارع والشرطي يقلهم ارجعو ووالله ربك ستر ولا كنت بدعس واحد لانو الحمار ما شافني وانا جاي
ناس متخلفه والله مدري ايش يبغو يشوفو
0
0
اللقافة ما يبطلوها
لو شافوا طراطيع يوقفوا هههههه
0
0
0
0
مشكلة التجمهر وفوقها التصوير والنشر بالقروبات. والله ثم والله ما ترضى احد يصورك والموت اذا كان في الموقع عوائل.
نسأل الله السلامه والعافيه. عقول صغيره لاتدرك ما ذَا يجري من حولها.
بالتجمهر سببت مشاكل كثيره :
١. بعض المناظر لا يتحمل الفكر والقلب مساهدتها
٢. ضايقت رجال الدفاع المدني ودخول معداتهم للموقع
٣. تسببت في تأخير دخول المسعفين وسيارات الهلال الأحمر للموقع
٣. حجبت الأكسجين وأخذ حيز من المكان لتفادي الأسعاف.
والله أشياء كثيره يتسبب المتجمهر في موقع الحادث. والبعض لايدرك والبعض للتصوير ومدرك وعارف انه تسبب في تعقيد موقف الحادث.
اقترح لو يتم فرض عقوبات صارمة للمتجهرين في الحوادث لتردع صغار العقووول.
حفظنا الله واياكم من كل مكروه.
لاهنت اخوي موضوعك مميز.
قبل 9 سنه و شهر