ماهي اجراءات تطليع سيارة ايجار تمليك

حدد عن طريق أي شركة أو بنك ﻷن بعض الشروط تختلف من شركة ﻷخرى

والافضل أنك تستفسر بنفسك لأن الشروط ممكن تتغير من وقت لآخر

بالتوفيق

يعطيك العافيه بالنسبة للبنك الراجحي

انا طلعتها قبل اسبوعين

تروح الوكالة تعلمهم بنوع السيارة
و تتفقون ع الاقساط و الدفعة الاولى اذا وجدت
و تاخذ الورقه من عندهم مكتوب فيها بيانات السياره
و توديها للبنك ع طول
البنك يرفع الورقه للأدراه و تنتضر تقريبا يومين
لحد ماتجي الموافقه
اذا جت الموافقه توديها للوكالة
ع اساس يطلبو البطاقة الجمركية لـ سيارة
و تاخذ كذالك من يومين لـ ثلاثة .. اذا السياره و لونها متوفر

اذا جت البطاقة الجمركية تاخذها للبنك
و توقعون ع امر الشراء و تجيهم بعد اسبوع
تاخذ اللواحات و الاستماره
و ع طول للوكاله تاخذ موترك

اذا انت ورى روسهم ثلاث اسابيع
و موترك معك .. الا اذا كان متوفر من بدري
فأسبوعين كافيه

تجربتي كانت مابين الناغي و الراجحي ..

انا راي تبعد عن الوكالة وتروح المعارض وبقولك تجربتي تفيدك
انا رحت معارض النسيم وحددت الوتر اللي ابي اشترية
وفريت المعارض عشان اعرف أي معرض يعطيني سعر اقل عن طريق البنك
طبعا كل بنك يراعي عملاؤه اللي محول راتبهم عليه
المهم شوف انت أي معرض فيه مندوب البنك اللي تبيه ويحسب لك الحسبة كاملة
السعر والقسط ومقدم او بدون دفعة أخيرة او بدون كل شيء له حساب
كل ما دفعت مقدم يعني 5000 ينقص 100 من القسط لو بدون مقدم القسط 1400
تقدم 20000 يصير القسط 1000 وهكذا فهمت علي
طيب اذا السيارة اخترتها مواصفات اللي تبي يقوم المندوب يرفع لك بالتعميد برقم الشاصي للسيارة
المحددة بعينها .. يجي الرد بالموافقة امكن يومين ثم يتصل عليك المندوب تأخذ الأوراق لصالة البنك
كما فعلت رحت صالة الراجحي في خريص .. يستقبلك الموظف وياخذ منك الأوراق ومنها البطاقة الجمركية
لان سيارتي خليجي .. مدري السعودي كيف
قال الحين نرسل مندوبنا للمرور يطلع اللوحات وحسب الزحمة ممكن يوم وممكن اكثر خاصة اذا صادفت
جمعة وسبت .. اذا طلعت اللوحات يدقون عليك تاخذها وللمعرض تركب اللوحات وتستلم السيارة
تقريبا هذي خلاصة الموضوع
على فكرة سيارتي طلبتها من عمان وجلست 10 أيام الين جت بعدين كملت الإجراءات كما وضعت لك والسلام

الافضل انك تستفسر بنفسك وابعد عن الراجحي لانو ما عندهم نظام التقبيل لو سمح الله تبغا تغير سيارتك او جا ظرف 
طلعها من الاهلي هو الافضل 

يرجال لي ثلاث اسابيع ول الحين ماطلع كل ماروح لهم يقولون بكره واطيح بهوشه معهم ومادري تطلع قبل رمضان ولا لا