أضف سؤال أو موضوع جديد          

لوحة سيارتي الامامية انسرقت

up 3 down 2
mb 320 195
قبل 5 سنه و 11 شهر



السلام عليكم 

يا شباب لوحة سيارتي الامامية انسرقت و هي موقفة قدام الورشة

وش السوات كيف القاها او اقل شي اعرف مين سارقها رغم اللوحة ماهي مميزة او لها معنى 

اروح ابلغ المرور ولا الشرطة؟ 
ايش الاجراءات القانونية اللي المفروض اسويها حتى اكون في السليم، 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بلغ المرور التابع لموقع السرقه....



up 2 down 1
asalami 2180
قبل 5 سنه و 11 شهر



 حياك اليك الاجرائات
1- شوف وين مركز الشرطه (مو مركز مرور) 
اللي قريب من الورشة لازم يكون المركز تابع للمكان الي فية الورشة
2- تروح لهم في الصباح وتقدم بلاغ ان اللوحه ضاعت او انسرقت ولازم تاخذ معك 
(صوره من بطاقتك + صور من استمارة السياره)

الحين قدمت البلاغ وخلصت بعد كذا راح يعطوك ورقه توديها للمرور (اللي يطلعون اللوحات)
ويطلبون منك تسدد مبلغ قيمته 100 ريال (قيمة اللوحه الجديده) 

3-وبعدين ترجع لهم وتنتظر لين ينزل البلاغ في الجهاز عندهم ممكن يكون في نفس اليوم او بالكثير يومين
اذا نزل البلاغ تروح لقسم اللوحات وتعطيهم الورقه 

4- بعد ما تعطيهم الورقه تطلب منهم انهم يعطوك ورقة تثبت ان لوحتك ضاعت او انسرقت عشان ما يوقفوك المرور

بعد كذا يقولك تعال بعد اسبوعين عشان تستلم اللوحه الجديده
وسلامتك



up 12 down 1
الرفاعي33 13914
قبل 5 سنه و 11 شهر



الله المستعان دوامي من 8 الصباح الين 4 العصر دفعة وحدة 
احاول ادبرها ان شاء الله سؤالي الثاني الله يجزاك خير لو اطلع الورقة من الشرطة اللي راح اسلمها للمرور 
هل عادي اروح المرور باي وقت يعني اسبوع او شهر متى ما افضى يسير اروح لهم ولا لازم اسويها طوالي من وقتها و هل التأمين يؤثر لانه منتهي
عشان عندي سيارة ثانية تمشيني و هذي اقدر اصبر عليها و هل اقدر اطلب لوحة عريضة 
و تسلموا لي ما قصرتم.
.............
و تساؤلي للحرامي وش تستفيد من سرقة لوحة و تعطل اشغال الناس الله لا يعطيك العافية ويجعلك تقع في شر اعمالك!!! 


up 6 down 0
mb 320 195
قبل 5 سنه و 11 شهر



حقين النصب يسرقونها 


up 3 down 1
benz lover -77
قبل 5 سنه و 11 شهر



بامكانك تخليها شهر اهم شي تسوي البلاغ 
عشان السارق يمكن يستخدمها في اشياء ماتخطر على بالك
سرقاات تغحيط جريمه ساهر 
هاذا اذا بتوقفها اما اذا بتستخدمها فلازم تطلع لوحه
لانهم مابيعطونك ورقة تثبت انها مسروقه 
الا بعد ماتنهي الاجرائات كاملة
وضروري تكون اوراقك سليمه وما عليك مخالفات
يعني الاستمارة منتهية او عليك مخالفات او تامين منتهي
كلها راح يرجعونك حتى تسدد


up 2 down 0
الرفاعي33 13914
قبل 5 سنه و 11 شهر



روح بلغ عليها تلقى الي سرقها حيحطها مكان لوحتو ويصير يسرع ويصيدو ساهر وتجي المخالفات عليك انت 
بلغ وخلص امورك عشان ما تتورط 
والله يعينك حبيبي


up 3 down 0
loody_23 363
قبل 5 سنه و 11 شهر



السلام عليكم 
ماشاء الله الرفاعي جواب مميز 
عن اذنك ياصاحب الاعلان
بغيت اسالك يا الرفاعي انا لوحات سيارتي بعد الحادث تعفطت وتشخطت ووقد وقفني المرور عشانها يقول انت مغطي اللوحة؟؟
المهم نفس الاجراءت ولا تختلف السيارة ايجار تمليك


up 1 down 0
طالب جامعي 2014 -43
قبل 5 سنه و 11 شهر



وودي اطلع لوحات جديدة


up 1 down 0
طالب جامعي 2014 -43
قبل 5 سنه و 11 شهر



لا حول ولا قوة الا بالله،،، 
المشكلة اللوحة مشخطة و معوجة و حالتها حاله وثلاث ارقام قديمة و يجي يسرقها ضعيف النفس ذا الله لا يردة
........

نشكركم على التفاعل و افادتي خصوصاً الرفاعي للجميع +1


up 0 down 0
mb 320 195
قبل 5 سنه و 11 شهر



السلام عليكم
الاخ الرفاعي وفيت وكفيت ولا يهون الاخوان الباقي
بالنسبه لساهر لاتخاف منه لان السياره اللي مصروف لها اللوحه لازم تتطابق مع السياره اللي مصورها ساهر
يعني لو السارق ركب اللوحه على سيارته وصاده ساهر ما تحسب عليك لان السياره مختلف عن اللي مسجله بالمرور
ولو نزلت بورقت البلاغ والاعتراض يتم رفعها عنك
لكن ضروري ضروري ضروري
تراجع الشرطه ثم المرور باسرع وقت وتنهي اجرئات التبليغ عن السرقه حتى لو تستأذن من العمل او تغيب بكره
 عشان تخلي مسؤليتك عن اي مخالفه او قضيه جنائيه او امنيه ممكن تتسجل على رقم لوحتك
حمانا الله واياكم من كل شر


up 0 down 0
dub_r-50 438
قبل 5 سنه و 11 شهر



الرفاعي....

اول كان لازم تروح الشرطه ثم المرور

الان تروح المرور دايركت


up 0 down 0
asalami 2180
قبل 5 سنه و 11 شهر