أضف سؤال أو موضوع جديد          

تغيير زيت الجربكس امبالا 2014 DEXRON VI

up 5 down 4
المدينةا 8
قبل 6 سنه و 7 شهر



تغيير زيت الجربكس امبالا 2014 متى شفط سعر DEXRON VI ...

بسم الله الرحمن الرحيم

ذهبت للوكالة وطلبت فلتر زيت جربكس للامبالا لأني حاب أغير زيت الجربكس لأنه وصل 80,000 كم
واعتذروا عن عدم توفيرهم للفلتر وليس لديهم سوى الزيت من انتاج اسيديلكو
وبكذا يكون لا داعي لفك الكارتير لتغيير زيت الجربكس  .. والأفضل الشفط بهذه الطريقة

تشفط نصف لتر من الزيت القديم وتضع نصف لتر من الجديد وبعد 4000 كم
تشفط لتر من الزيت القديم وتضع لتر من الجديد وبعد 4000 كم
تشفط لترين من الزيت القديم وتضع لترين من الجديد وبعد 4000 كم
تقوم بشفط كامل الزيت ووضع زيت جديد

وهذه الطريقة مهمه للغاية وكلما كان زيت الجربكس مستخدم بشكل أكبر كلما زادت أهميتها وبحسب الإطلاع على تجارب الكثيرين
فأنا من وجهة نظري أرى أن هذه الطريقة حتمية لمن أراد تغيير الزيت بعد 100,000 كم
وذلك لضمان عدم تأثر الكلتشات باختلاف الزيت عليها دفعة واحدة ؛ فعندما تقوم بالمزج تدريجياً لن يؤثر ذلك على الكلتشات بمشيئة الله
فالبعض ممن قاموا بالتغيير دفعة واحدة .. منهم من خبط عليه الجربكس فوراً ومنهم من خبط عليه بعد حين ومنهم من تغيرت عليه سيارته

والصور التالية هي صور لـ :
عينة على منديل للزيت المستخدم لـ 80,000 كم بجانب عينة من الزيت الجديد .
جدول من كتالوج الامبالا يوضح نوعية الزيت الموصى به وهو DEXRON VI ومكتوب أيضاً على غطا معيار زيت الجربكس
ويوجد منه اسيديلكو ويوجد منه كاسترول
علبة من الزيت الموصى به من اسيديلكو بجانب علبه فارغة لمعرفة مقدار الزيت المسحوب من الجربكس .

وبالتوفيق للجميع ... ولا تحرمونا دعواتكم الطيبة .











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا دائم اغير  زيت اللكزس es300

 مع الفلتر 

وماعمري سويت شيء من اللي تقوله 

وممكن طريقتك تضبط ع السيارات 
اللي تجي بدون فلتر

واموري الحمدلله تمام
طبعا تغيير الزيت كان على

120 الف 
و 220 الف
و 290 الف
و 380 الف 
و 460 الف 
و 580 الف


up 2 down 0
majedeln 139
قبل 6 سنه و 7 شهر



السيارة جديدة وبيكون في القير رايش كثير
 اللحين اذا سويت طريقتك
 رح تشفط الزيت ويبقى الرايش 

نصيحتي لك اذا عندك امكانية غير في الوكالة 


حفظك الله ..


up 0 down 0
صلآتي نجآتي 119
قبل 6 سنه و 7 شهر



انا ما اغير الزيت الا بعد 140 في التاهو  مع انه مكتوب كل 60الف 
واغيرها دفعه وحده وما شفت اي مشكله واي من الكلام اللي تسمع بين الناس 

يارجل جيت بغير الزيت يوم كنت ماشي 360 الف وقلت لهم غيرو زيت القير و يوم قلت لهم تقال اني سبيتهم 
على العموم غير الزيت دفعه وحده  وفك الكارتير ونظفه وتأكد ان فيه فلتر ولالا  وغير وجه الكارتير 
اسحب لتر و حط لتر واسحب ربع وحط نص..... هذا كلام عليميه جاهلين 


موفق خير


up 1 down 1
sehly11 648
قبل 6 سنه و 7 شهر



أنا نقلت هذا الشيء عن ما لا يقل عن 7 أشخاص تضرروا من تغيير الزيت دفعة واحدة ... وأول ما تكتب في جوجل تغيير زيت الجربكس تجارب ونصائح بتشوف ردودهم والمشاكل الليتعرضوا لها والموضوع ما يكلف شيء كثير فالفرق حوالي 100 ريال أفضل من الوقوع في ما وقع فيه الآخرين وإن كان زي ما تفضلتوا التغيير دفعة واحدة لا يضر في كثير من الأحيان


up 0 down 0
المدينةا 8
قبل 6 سنه و 7 شهر



أنا نقلت هذا الشيء عن ما لا يقل عن 7 أشخاص تضرروا من تغيير الزيت دفعة واحدة ... وأول ما تكتب في جوجل تغيير زيت الجربكس تجارب ونصائح بتشوف ردودهم والمشاكل الليتعرضوا لها والموضوع ما يكلف شيء كثير فالفرق حوالي 100 ريال أفضل من الوقوع في ما وقع فيه الآخرين وإن كان زي ما تفضلتوا التغيير دفعة واحدة لا يضر في كثير من الأحيان


up 0 down 0
المدينةا 8
قبل 6 سنه و 7 شهر



ماشاء الله تبارك الله . 
طريقتك صحيحة في حالة اهمال الزيت . 
اما في حالتك لو تغيره مرة وحدة ما يضر .
المفروض تشتكي الوكيل لانه ما وفر لك القطع لان خطا تغيير الزيت بدون فلتر و لازم تفكه عشان تنظف المغناطيس . 


up 2 down 0
khalidoo 1167
قبل 6 سنه و 7 شهر



طريقه تغيير الزيت مالها علاقه بخرابه ابد الا اذا ما نظفت الكارتير وغيرت الفلتر.. 

اغلب من يغير الزيت يقعد يدعس في السياره يشوف فيه تغيير عن اول ولالا وهذا هو السبب اعطاله ويمكن يجيم بسبب عدم توزيع الزيت بشكل كامل على القير

الزيت غيره و بعد ما ينتهي شغل السياره وخلها  5 دقايق وبدل في الغيارات p... N... R.. D.. 1..2..3..... وكررها مرتين ثلاث لين ما يتطمن قلبك :) 

ولا تدعس على السياره امشي اقل شي 100 كيلو و ما بعدها امورك سليمه ان شاءالله 

موفق خير


up 1 down 0
sehly11 648
قبل 6 سنه و 7 شهر



هل سألت كم يمشيك  زيت القير اللي انت غيرته ؟


up 0 down 0
شكلين مابحكي 3159
قبل 6 سنه و 7 شهر



احد الزملاء عنده اكسبلورر 2006 امريكي 
ومن يوم اخذه ما غير زيت القير الا على ممشى 320الف
غير زيت وفلتر..

من وقت ما غيره الى حد الان وفيه طقه قويه مع التعشيق 
خصوصا لما يعشق ريوس..
فاتوقع كلام الرجال ممكن يكون صحيح..




up 0 down 0
sultan-07 2445
قبل 6 سنه و 7 شهر



اكرر .. اوضح .. انبه ...

راجعوا قوقل ( تغيير زيت الجربكس مكشات )
وشوووفوا العجب وأنواع المشاكل
واللي عدت معاه على خير يحمد ربه


up 0 down 0
المدينةا 8
قبل 6 سنه و 7 شهر



ما يحتاج
غيره مره وحده ليش البربسه
انا غيرته على 100 وماصار إلا كل خير الحمد لله
مجربها على امبالا و فورد كل هالسنين


up 0 down 0
ابونواف211 4
قبل 5 سنه و 11 شهر



فيه سيارات تحتاج الطريقه اللي ذكرها الاخ 
ومنها الفورد فكتوريا موديل ٩٨ الى ٢٠٠١



up 0 down 0
azozzzz 6
قبل 5 سنه و 10 شهر



اخوي ممكن تعطينا انطباعك عن القير بعد ما غيرته للان صارله ما شاء الله سنتين الان و انت بتغير يا ريت و تفيدنا


up 0 down 0
nescafe 67
قبل 4 سنه و 7 شهر



انا غيرت زت قير جمس 2007 ماشي 265 الف كيلو . طبعا شريته مستخدم والبدي فيه رش ومن هالكلام .. ولكن الشهادة لله غيرته ولا ظهر لي اي مشكلة يارب لك الحمد
علما اني مجهز قيمة قير ثاني عشان لو خبط اغيره بنفس اليوم ولكن الحمدلله سليم .. الزيت القدي كان محروق بصراحة

عموما .. عندي امبالا شرتها مستعملة ماشية الأن 155 الف كيلو ، وطبعا كعادتي مجهز قيمة قير ثاني ههههه بس ابي ورشة شرق الرياض يشفطون الزيت .. دلوني !
وهل الامبالا ينفك الكارتير فيها والا ما ينفك ؟

دلوني على ورشة لشفط زيت القير وبغيره واتوكل على رب العباد


up 0 down 0
3zyiz 260
قبل 3 سنه و 9 شهر