أضف سؤال أو موضوع جديد          

ملاحظات على عروض البيع في موقع حراج

up 12 down 10
تركي818 134
قبل 5 سنه و 6 شهر



السلام عليكم ورحمة الله وبركاته

على كثر ما اتصفح اعلانات السيارات بموقع حراج استرعت انتباهي اشياء دايم تصير وتتكرر في كل المواضيع ومنها:

١- كثير من اللي عارضين السيارات طالعين بعثات!! واله على كثرهم حسيت ان السعودية بتفضى !!

٢- اللي يجي يمدح سيارته اللي عارضها ويقول الاستبنه في محلها ما نزلت. يعني بالله وش الميزة في ان الاستبنه ما نزلت والا اللي يقولك كاتلوجات السيارة موجودة ويصورها.

٣- الناس التحف اللي يسومون. وهذي اكيد انها نوقشت كثيراً في منتدى حراج.

٤- اللي يبغى يتنازل عن السيارة وهو ما دفع دفعة اولى ويبغى مقابل للتنازل. يعني الاخ يبغالك تعوضه عن تكلفة استخدامه للسيارة واحيانا لو تحسب تكلفة السيارة عليك بتطلع فرق ٥ والا ١٠ الالاف عن السيارة الجديدة!!

٥- والي يقولك صدمة ( بسيطة) وتم تغيير الرفرف والكبوت والصدام والشمعات ووو ... وين بسيطة يالحبيب؟!

٦- حتى اختيار المواضيع غريب!! ويقولك مثلا ( كامري وكالة) وتدخل تحصلها ماشيه ٨٠ والا ٩٠ ألف!! وش مفهوم الوكالة عندك؟! ترى كلمة وكالة ما تعني انك انت المستخدم الاول .. وكالة يعني جديد يعني اصفار

٧- وايضاً اللي يعرض سيارته للتنازل وهو ما يدري كم الدفعة الاخيرة ولا كم طلعت عليه السيارة!!








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


المشكلة يبخس السلعة واذا قلت له شي قال هذي ميزانيتي وهذا اللي معي!!! طيب وش اسوي لك اذا فلوسك ما تكفي 


up 0 down 0
تركي818 134
قبل 5 سنه و 6 شهر



قمة اللعانه وبقوه . قبل امس لقيت جمس 76 دبل تاير قي عايدي مكينته 350 !!!!!! وبدون دبل ومطلوب فيه 27 الف !!!!!!!!!!!!!!!!!!!!!!!!!!!!!!


up 1 down 0
ahamd9477 119
قبل 5 سنه و 6 شهر