............

اول شي شف حكمها حلال او حرام بعدين كمل مشوارك

والله تراها متعبه تجارة الحيوانات لازم يكون عندك مكان مهيء لها و بعيده عن الشمس الحارقة عشان لا تكسب اثمها

اما بخصوص التربية

كان مع اخوي قطوه والله متعبه جدا

صحيح فله و سعة صدر خصوصا لا اخذتها وهي صغيره عمرها شهرين

تلعب لعب ماهو صاحي 

لكن ترا شعرها يبقى بيدك حتى ولو ما كان عندها تساقط بالشعر او فطريات او اي مرض 

طبيعي مثل شعرك لما تحكه يطيح بيدك كم شعره

فما بالك بالقط وهو كل شعر

حتى انه بعضه ينشب في اضافرك ولما تجي تاكل تشوفها معلقه في اضافرك ولا تاكل

ونجي للعنايه فيها 

لازم تكون جوا البيت , وتطلعهها نص ساعه الى ساعه بالشمس فقط عشان تقتل الشمس تقتل الجراثيم بجسمها

لكن لو راح تربيها بالحوش راح تتعب و يطيح شعرها لانه ما يتحمل الحرر

ولا ليه بساس الشوارع قصير شعرها وبساس البيوت كثير شعرها !!

وحتى يحتاج له ترويش اسبوعيا او كل اسبوعين عشان لا يطلع بها امراض واصلا بيكون فيها ريحه

تعرف لا جت تقضي حاجتها احيانا ما تقضيها زين و دايم تدعس وتحفر في التراب الوصخ وتشم التراب بوجهها يعني كل جسمها جراثيم وتحتاج ترويش 

منزلي او في محل متخصص ب 30 الى 40 ريال

ويحتاج له تنظيف للعيون من الغطاش كل 5 ايام ولا خليتها راح تشوف وصاخه حول عيونها وممكن يجيها حساسيه بعيونها

وايضا لازم لها صابون وشامبو مخصص لان الشامبو حق الانسان يجيب لها فطريات في جلدها ويطيح شعرها

فوالله معاناه

من غير الاكل المخصص ولا تاكل السمك او التونه لانها تطيح شعرها 

ولازم تراب صحي عشان الروايح واذا بتحط تراب عادي راح تسير ريحته قويه جدا و يسير ريحه القط مثلها خايسه

واذا ما غيرت التراب يوميا او كل يومين راح يجي للقط امراض لان الصندوق اللي به التراب كله وصاخه وهو دايم يحفر ويشم 

والتراب غالي حوالي 30 الى 100 كيسته باحجام مختلفه و الاكل من 50 الى 200 ريال يكفي من اسبوعين و فيه اللى يكفي لمده شهر ونص

فاقولك معاناه

خلك على الطيوور الصغيره مثل ببغاء الدره او الكروان لا يوصخ ولا يحتاج له ترويش الا كل شهر وانت روشه بمويه او رش عليه بخاخ مويه وخلاص 

ورخيص اكله ولا يحتاج عيانه بس مويه واكل كل يوم و تنظف قفصه كل اسبوع 

معي الحين ببغاء دره كل ما رجعت من الدوام حطيته على كتفي واروح واجي وهو على كتفي

تلقاه ياكل اذني او طالع فوق راسي هههه او يصفر على كتفي ويزعجني ولا قعدت ينزل من على كتفي ويجي بيدي

او ينزل على الكنب و يهجول بالبيت ولا كان جناحه ماهو مقصوص راح يفلم في بيتك انتبهه ههههه احيانا يطير ويصقع بالجدار وممكن يموت لانه رقبته تنكسر 

كلام ابو يزيد عين العقل
وازيدك عندك الكناري والكروان والبادجي والدرة
كلها ممتازة ولا تتعبك مرة واكلها يعتبر رخيص 

تسلم حبيبي ^^

وازيد من الشعر بيت انا افضل الببغاء عن العصافير اللي هي الكناري و الكروان 

ليه !! لاني احب ابوسهم ههههههههههه , احب المنقار , الدره عندي عذبته من كثر ما امسك منقاره و اقوله بوسه ويقرب مني و اعطيها بوسه :) 

ياولد جونا رومنسي انا وهالببغاء اخذته من يوم كان فرخ والله كنت ااكله بالابره سريلاك مع مويه واشربه مويه بالابره لين ما كبر وسار يفهمني وافهمه :)

واكله حب شمسي اللي هو فصفص اسود 2 كيلو ب 20 ريال يكفيه لمده شهر وزود اذا انت كريم معه لو قعطي بيكفي شهرين 

وحتى لو كان عندك فاكهه بدت تخرب اعطها له يعني قطعه تفاحه قطعه عنب قطعه برتقال 

بس هذا اكله حب شمسي واذا عندك فاكهه عطه قطعه صغيره منها 

وانت اصلا قاعد تكسب اجر لانك تسقي وتاكل حيوان وتعتني فيه لك اجرر كبير وانت ما تدري 

خذلك طليااااان يمدحونها وفيها خير طيب 

بيني وبنك افضل الببغاء الافريقي بس تراه حساس يعن مايصلح تعامله زي الغنمه لازم تكون حنون مرة كان عندي واحد شراه اخوي وهو فرخ عمره شهرين في عام 2009 هالحين عمره 6 سنوات وطار من عندي قبل 3 سنوات او 4 علمته الكلام وعلمته التصفير وكيف يرقى على الد ومنعته من العض يعني حمامة بالعربي وطار قدامي وحاولت الحقه وامسكه بس ماقدرت ضفته وهو يطير قدامي والله منظر مؤلم جدا لاكن الببغاء يونسك ومايبيله شي تروشه كل اسبوعين ولا ثلاث اسابع مرة بالموية بس انتبهله من ناحيه المعاملة 

الغنم وبابذات النعيم

الغنم الغنم الرسول أوصى بها حتى 

عندنا غنم والله العظيم أنها تفك أزمات 

حتى ان مصاريف العيد اللي راح كلللها منها والله 

لكن كذلك غنم صنف والمرغوبه في المنطقه عندكم 

وسلامتكم +1

تجارة ابوك وجدانك الغنم والتيوس ربي مبارك فيها وجه ووجاهه ورزق حلال قبل 18 سنه كانو لايقرون ولايكتبون بس يبيعون ويشترون في الغنم وربي فاتح عليهم بعضهم عندة بيتين ويكد عليهم من الغنم اذا عندك راس مال زين وعندك همه فتوكل على الله 

قبل ليلتين كنت مع احد الاصدقاء في منطقة الهدا في الطائف وشاهدنا ثعلب في احد الجبال واشرت على الصديق بتربية الثعالب وتكاثرها وذلك للاستفادة من فرائها الباهض الثمن جدا لكنه ذكر لي ان ذلك محرم دوليا  بس وش رايكم في الفكره

الرجال يقول عنده سطح صغير
وانتم تقولون حط غنم

ابو يزيد اقسم بالله انك صادق القطط معاناة نفس الي ذكرته بالضبط صارت معي 

 والله انها مسؤولية كانت معي 3 قطط صغار في البداية ربيتهم لمدة4 شهور مع التعب

 يوم قطرات للعيون ويوم تراب اغيره ويوم نوع من الاكل ما ياكلوه واغيره
واخسر اكياس الاكل اخزنها لاسابيع قدام لعابين في الاكل كل يوم لهم مزاج
غير التنظيف من وساختهم 

واحيانا يعلقو تحت الكنب وفي الاخير مااقدرت لهم بسبب الانشغالات والدوام وكذا

 ف اضطريت اطلعهن واعطيهن لشخص فاضي وله خبرة فالقطط

الضب ينفع معك تراه كويس وانا أخوك 

اذا تبي الاكثر توالد وانتشار...
خذلك 3 اناث بالغه ارانب وخذ معهم ذكر صحيح...
الارانب هي الاكثر انتشار...والاسرع تزاوج بين الحيوانات...
لكن تربيتها صعبه...
وتحتاج عنايه خاصه...
وتطعيمات كل 6 اشهر...
اما القطط والكلاب فمحرب بيعها يالغالي...لقوله صل الله عليه وسلم..(من اقتنى كلبا ليس بكلب صيد ولا ماشية ولا أرض فإنه ينقص من أجره قيراطان كل يوم)
وى مسلم عن أبي الزبير قال: سألت جابراً عن ثمن الكلب والسنور؟ قال: زجر النبي صلى الله عليه وسلم عن ذلك.
وعند أبي داود عنه: أن النبي صلى الله عليه وسلم نهى عن ثمن الكلب والسنور. وعند البيهقي عنه أيضاً: نهى رسول الله صلى الله عليه وسلم عن أكل الهرة وأكل ثمنها. 

ههههههه مايبي لها يا باترول 2020 حتى لو عندك حوش في البيت منت مربي حاط فيه غنم اكيد بتستأجر حوش برى او اي مكان فتح عقلك 

راجعو اعلاناتي انا ابيع طيور درة وكروان اليفة