ضرب السيارة ويقول ماهي 2016
15
20
إضغط هنا للإخفاء
باختصارر شديد لاني منقهر وقاعد اغلي من حقارة هالانسان
واحد اجنبي اسيوي
كنت واقف قدام محل وهو جنبي
فتح بابه بقوة وصوت ضربه جامده
نزلت اطالع
وهو ولاهمه
يطالع فيني ويقول ماشالله السيارة 2015 :)
بنبرة ساخره
كانه يقول لاتسوي سالفة تراها قديمه
انا عيني ع مفك العجل ورحت للسيارة
ومسكته بعدين تذكرت اننا بمكان عام لو احد صور او شي بتنقلب السالفه كلها علي
وتركته ومشيت مقهور المشكلة ماهي بالدقه
المشكلة اني لو فكرت ادق ع المرور بينكر واضح من لهجته وتكبره انه ماهو براسه يعترف بخطاه
وانا رفع ضغطي ولو اعتذر مافيها شي اما تخطي وتقولي سيارتك قديمه
؟؟
الزبدة اني بعدين عرفت انه طالب دراسات عليا
بالجامعه الاسلاميه
:)
وبعد عرفت
سكنه وبعض الامور طبعا ماتعنيت لكن صادف اني ذكرت الموضوع لواحد وعرفه
قال طلاب الجامعه الاجانب يستقوون بعد كم سنة هنا يعرفون ان النظام فالت
والى الان ابليس يقولي اعدم سيارته ي الذيب دامك عرفت وينها
وبس
مجرد فضفضه من سالفة منقهر منها ومن وقاحته
إبلاغ
سيارات للبيع
الردود
رح لسيارته وسو زي ماسوالك لا اكثر ولا اقل دامها بخاطرك ...
1
0
وأما إنك تقول الأجانب وفيهم وفيهم ترا ما في أي فرق بينك وبينهم نهائيا ما داموا مسلمين ممكن يكون الأجنبي خير منك،
قال تعالى
( يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ (13)
وفي ناس من اللي تقول عنهم أجانب وأنا أشوفهم ضيوف ومقيمين أفضل من ١٠٠ رجال سعودي
وتعاملت مع كثيرين وتعاملهم راقي جدا ويخدمونك ويكرمونك .
وتعاملت مع سعوديين وتعاملهم ما فيهم ((ذرة )) رجولة للآسف .
فما تحكم من الجنسية يحكمك الشخص وتصرفاته .
ونصيحتي لك انسى الموضوع وشيله من قلبك لا يتعبك وتخسر على شيء ما يسوى ..
ولعلمك أنا اليوم تعرضت لموقف أقوى من موقفك واللي صدمني سعودي ونزل طالع في السيارة وسلم ومشى .
تراني سعودي منكم وفيكم .
قبل 9 سنه و 2 شهر