واحد صدمني و ماعنده تأمين و ماعطاني حقي للآن من 4 شهور

قضيتك عند مسؤل الحادث الي بالمرور 
احشره واشتك عند مديره لانه الي وقع اوراقك معطلك 4 شهور 
ليش تتعب نفسك ومحكمه والغلط من المرور سلامات 

الله يعينك وبكون بعونك
المفروض التعميم على الكفيل مو على الولد

ماتشوف شر
بالنسبه لوضعك اهم شئ تروح تراجع المرور وتتاكد انهم عممو على صاحب السياره وبعدها خلاص تنتظر انت الين ماينحد ويجي يخلص معاملتك اللي بالمرور


واحد صدم بيتي وانا على زاويه والمهم اسلوبه سئ ورفضت اتنازل فحط قدام البيت وهج اخذت رقم اللوحه ومعممو عليه بعد ماانجبر لاضافه مولود ماادري يبي رخصه لولوده انجبر يجي للمرور وفعلا عطاني مبلغ التصليح واخذت السعر بدون خصم وجاني التعويض بعد سنه و 4 شهور




بالنسبه للمرور لو يشوفونه يمشي قدامهم ماكلموه او يروحون لبيته لاني قد جيتهم وعطيتهم البيت وطلبت احضاره ورفضو






يعني صلح وكذا والا كذا الفلوس جايتك واهم شئ احفظ رقم الحادث واليوم والمكتب لاجل بعض العسكر يسوي كف بحث عنه لاجل ان له معرفه هنا انت تروح للاماره ويروح فيها فرد والا ضابط






بالتوفيق

مالك دخل انت تتصل عليه هم يتصلون 
ثانيا يجيبون كفيله الي طلعه لانه كفيل غارم واذا ماجا توقف خدماته الين يراجع المرور واذا رفض يدفع المرور يوديها للمحكمه
راجعهم وخل عينك قويه عليهم لانهم واضح انهم ماخذينك طقظقه

التعميم ع الولد والسياره ي الحبيب ،، موب بس ع الولد 

راح للمرور وقلهم التعميم ع ايش ،، 

واذ انحجز الموتر والولد مارده الا بيجيك ويدفع لك ،،

والله يان في ناس عندهم اكل مال الناس بالحرام كيف يقدر ينام 

وهو مأذي له مسلم ،، 
عموما انصحك تقابل رئيس الحوادث ملازم ،، وتقوله هالموضوع وهو مارده الا بيجيك ومعه فلوس تصليح السياره

لاتزعل مني وانا اخوك لكن اربع شهور ساحبين عليك ويخلونك تتصل على ابو الولد سلامات!! 
هم يتصلون على كفيله ولاحظ هم يتصلون مو انت

فعلا كفيل الغرام ،،زي ماقال اخونا اغسطس بيسحبونه ب توقيف خدماته خله يوقفون خدماته ويجيك و دلي ع التوقيف لان هو الان الي بوجهه 

اخوي شكلة هذا عنده معارف بس الحل تروح ترفع قضية في المحكمة العامة ويوقفوا معاملات كفيلة ادخل على موقع وزارة العدل وسوي صحيفة دعوى او روح للمكاتب جنب المحكمة يسووها لك بـ 30 مايمر شهر إلا فلوسك في مخباك

الان فيه قسم للحوادث بالمحكمة روح للضابط اللي مستلم الحادث وقول له يرفع قضيتك للمحكمة وبعضهم يقول انت سوي صحيفة دعوى بنفسك عن طريق موقع وزارة العدل عشان انه كسلان ولايبغى يشتغل فأنت سوها بنفسك في ذي الحاله وعلى طول بالمحكمة يحددون لك موعد بعد شهر تقريبًا او اقل حسب الزحمه وأول جلسه لو ماحضر يبلغونك بأنه لازم تروح للبحث الجنائي وهم عن طريقهم يبلغونه بموعد الجلسه الثانيه ولو ماجاء على طول الشيخ يوقّف خدماته وبعدها يجيك يترجاك الولد والله يرد حقك

ماعنده تامين ما يطلع من التوقيف الا بدفع المبلغ؟ 

الرجال طلع واسطه... والكفيل الي جا لو خو كفيل غارم المفروض يدفع...

العلم يا طويل العمر من نفس المرور... ادخل لقايد القسم اذا ما افادك...

ارسل فاكس لاداره المرور بشكوى كامله وارفق معها تقرير الحادث واي اوراق تخص الحادث...

اذكر في الشكوى ان مسؤول الحادث وقايد القسم ما افادك بشيء...

وخصمك طلع من التوقيف بدون ما يدفع...

ليته هرب بس كان انمسك عند اي معاملة حكومية وكان بحب الخشوم لانه وقتها مابيجي بباله انه معمم عليه ولا بياخذ احتياطاته 

اسال مجرب بعد سنة اخذت تعويض منه وهو شايب هرب من موقع الحادث وانا مصور اللوحة وسويت بلاغ جا بيجدد جواز سفر زوجته لازم عملية عاجلة قالوله راجع المرور ورجعلي بسبب المشكلة واخذت 5000 ولا تنقص ريال وحاولو فيني قلت ابد والله ماتنقص هللة واخذت حقي ومشيت 

مخلي حقك وجاي عندنا
رح لهم واخرشهم خرش
وين الكفيل وبعدين لااطالب الولد طالب اللي كفلة وطلعة
من التوقيف واذا شفت المرور يلفوون ويدورون هددهم باالاامارة
وفعلا اشتك للاامارة

لا تسكت لا تسكت نصيحتي لك ترا بيطير حقك وبتاكل هوا

اسمع انت وح للمرور اذا ما افادوك الافراد وشعبه الحوادث ادخل على المدير 


انا اقولك حقك مراح يضيع ابد ابد الا اذا سكتت

الان الولد طلع بكفاله عمه وعمه موضف اكيد لأنه كفيل يعني ابو الولد ماله اي دخل بالموضوع 

الان لو انت رفعت شكوا راح يطلبون عمه اذا ماجا يرفعون خطاب من المرور للأماره ويخاطبون جهه العمل حقت عم الولد ويجيبونه 
ولو ماجابوه عن طريق الاماره يسحبون من رصيده في اي بنك ويغطونك حقك انا صارتلي قبل سنه

انا نفس حالتك 
انصدمت سيارتي في شهر ٧ 
وهي واقفه عند البيت واللي صدمني سكران 
والتامين مايشمله ف جا المرور وحط الغلط عليه 100% 
وكتب حاله ( سُكر) وتسلم لقسم الشرطه والتقرير تسلم 
للمرور 
وانا كنت شبه يومي امر الشرطه بشوف وش صار 
يقولون لي موجود في التوقيف لمده اسبوعين وكنت 
متطمن يعني اهم شي مايطلع 
اثاريه طالع من اليوم الثاني بكفاله عن السكر بس 
مو عشان الحادث 
والمرور يقول ماتسلم لنا سو ايقاف خدمات له 
سويت وبعد فتره رحت بسوي ايقاف خدمات 
للي كافله من الشرطه مع ان مدير مرور السويدي 
هو قايل لي روح جيب لنا صوره من الكفاله اللي في الشرطه
رحت عيو يعطوني قالو هو طلع عشانه سكران مو عشان الحادث 
قعدت السياره فتره واقفه وهذاك صلح سيارته ويمر من عندي 
ولايشوفني شي مع ان كنت بسامحه في ٤ الاف والمبلغ كله ١١ الف 
لاكن الحين لو ايش مانقص له هلله وحده 
بس وش نسوي صلحت سيارتي لين تمشي بس 
وحقي باخذه ان شاء الله 

حبيبي الاجراء ك التالي :

1- بعد تقدير ثمن الاصلاح المحقق [ العسكري اللي كان مستلم وقت ماجات اوراقك ] هو مسؤول عن حادثك !
بمعنى هو يتصل على طرف ثاني ليحظر للمرور ويعرض له الاسعار ويلزمه يدفع لك ويكون انت خارج الموضوع نهائي
الامر بين المرور [ العسكري ] وبين طرف الثاني يطلع فلوسك منه ويعطيك اياهم انت مالك علاقه نهائي فقط تنتظر فلوسك

2- في حال العسكري طلب حظور الطرف الثاني وماحظر مع ولي امره بحكم انه ماعنده رخصة , يطلب حظور الكفيل اللي طلع
الولد من الحجز بكفالة , ويتم الزام الكفيل بدفع وذلك يؤدي انه يجيب اللي كفله غصب . عشان مايتمشكل بسبب ولد اخوه .

3- في حال ماتجاوب الطرف الثاني ولا  الكفيل .. وبعد اجراء 3 اتصالات من [ المرور ] وليس انت وليس انت وليس انت
كررتها ثلاث مرات .. يقوم المرور باجراء حجب خدمات حكومية للمطلوب [ عدم تجاوب البنوك ومحلات الاجار والدوائر الحكومية ] الى ان يحظر

4- في حال العسكري ماطبق لك الثلاث نقاط اللي فوق كتبتها لك , المطلوب منك تتوجه لرئيس قسم الحوادث وتكتب له خطاب وتعرضه لك ويكون مضمون الخطاب 
هي ماحصل من قصور من العسكري اللي ماسك حادثك وانك تكتب الفتره 4 شهور .

5- لسمح الله رئيس قسم الحوادث سحب عليك تتوجه للمدير العام وتكتب عليه معروض او خطاب توضح له سالفتك وانه حصل تقصير من 
المحقق اللي ماسك حادثي + تجاهل رئيس قسم الحوادث لمشكتي . المدير بهالحالة راح يحاسب المقصرين
 وبيحل مشكلتك بنفس الوقت .

6- في حال المدير ماتجاوب معك وسحب عليك مثل ماساحب عليك رئيس قسم الحوادث والعسكري تتوجه لاماره منطقتك وترفق مشكلتك + وخطابات اللي كتبتها للمسؤولين وتجاهلوك
وبعدها بتاخذ حقك وبيتحاسب كل مقصر بالمرور .

..

وسلامتك وخطاك السوء

انا صادم لي رجال ومامعي تامين
والغلط علي وعليه 50/50
وجبت كفيل وقررت السياره
وماقصر عطاني التامين
وجيت ابا اعطيهم اياه وقالو محد استدعاك
روح لين نستدعيك
اخذت الفلوس ورحت طلعت السياره على اساس ابيعها
واسددهم بدل انها تكون في الةرشه
اليوم متصلين على كفيلي
يقول وقفو خدماتك ليه ماحد اتصل فيني
وانا اللي جايهم وراديني
مع العلم اني اطلع السياره بكره
وابيعها

افيدوني ياجماعه
وانا من البدايه جايهم بالوفاء ورفضو يستلمون الفلوس

وبعد مادفعتها للورشه طالبين كفيلي بالحضور
وش الحل

ياشباب انا صدمني واحد والغلط عليه ١٠٠%وماعنده تامين وانا برضو  راجعت التقدير وخلصت  ورحت المرور والرجال ماعنده شي يدفعه وقالي المرور ارفعها للمحكمة وكل مارفع تنلغي اتمنى افادتي برقم الهاتف لعدم معرفة البرنامج (٠٥٥١٣٨٣٨٦٥)